صباحك غير!!

[نجم الإبداع]

صباح الخير ياولفي صباحك=صباح الحب والطيبه والاشواق
صباح الورد والنرجس وراحك=صباح الفل مرضي كل الاذوق
صباح النور من وجْد استراحك =صباح الود لك من قلب خفاق
على وقع الهوى قلبي مباحك=ونبضك داخلي ماصابه اخفاق
اذا هبت على فكري رياحك=يطير النوم من عيني والآماق
اشوفك داخلي مطلق سراحك =تسامر طيف من روحي بالآفاق
عجزت اكبح عن اشجاني جماحك=وسلطانك تمكن جوف الاعماق
ليا من غبت افكر في مزاحك = واسلي خاطرٍ مكسور ماراق
اناظر صورتك والمس جراحك=وادور لك بليلي بين الاوراق
يطول الوقت وانا ارقب مراحك=عساي احضى بشوفك قبل الاطراق
سطى بالروح جرحي واستباحك = وصار الدمع عبره خلف الاحداق
يناجي فكري الساري ملاحك = وفي طرفك تغنى الحرف وانساق
هواك ابداع يسري من قراحك =ومن بين الثنايا شهد رقراق
تسامحني قبُلْ ماطلب سماحك =وفي قلبك علّي احس الاشفاق
تصالحني وانا راضي صلاحك=صلى حالي وانا لك دوم مشتاق
صباح الطيب لا لامس وشاحك=وشميت الشذى لاحد الاغراق
صباح العود لابخّر براحك =وخالط نسمتك ساعات غساق
صباح العطر والكادي صباحك=صباح انساق لك في وقت الاشراق

[منيع]

تدفق البوح الراقي وصدح العندليب بين ابياتك
ابيات رائعه
شكرا لكم
تحياتي

[ماهر غريب الذيابي]

اذا هبـت علـى فكـري رياحـك=يطير النوم من عينـي والآمـاق
اشوفك داخلـي مطلـق سراحـك=تسرّي طيف من روحي بالآفـاق
عجزت اكبح عن اشجاني جماحك=وسلطانك تمكن جـوف الاعمـاق

( نجم الأبداع )

صـــــــــــــــح بدنك


جميل مانثرته هاهنا من ابداع استمال له النظر في جمال حرفك


تقبل مودتي واحترامي وتقديري لما تكتبه هاهنا


( ماهر بن غريب الذيابي )

[نجم الإبداع]

المشاركة الأصلية كتبت بواسطة منيع

تدفق البوح الراقي وصدح العندليب بين ابياتك
ابيات رائعه
شكرا لكم
تحياتي

سلمت يامنيع

يكفي القصيده وراعيها توقيعك الجميل القا

شكرا لمروركم العطر

لاعدمتك

[نجم الإبداع]

المشاركة الأصلية كتبت بواسطة ماهر غريب الذيابي

اذا هبـت علـى فكـري رياحـك=يطير النوم من عينـي والآمـاق
اشوفك داخلـي مطلـق سراحـك=تسرّي طيف من روحي بالآفـاق
عجزت اكبح عن اشجاني جماحك=وسلطانك تمكن جـوف الاعمـاق

( نجم الأبداع )

صـــــــــــــــح بدنك


جميل مانثرته هاهنا من ابداع استمال له النظر في جمال حرفك


تقبل مودتي واحترامي وتقديري لما تكتبه هاهنا


( ماهر بن غريب الذيابي )

ارحب ياماهر


صح بدنك


وجزيل الشكر لمرورك العبق

لاعدمتك

[عبدالله الشويمان]

صح السانك يا ابو محمد ويستاهل ولفك الله يخليه لك.ولا يحرمكم من بعض

قصيده جزله ووافيه .

دمت بخير ولا هنت

[النهج المختلف]

فلاح بن منشار صح السانك ,, ,, الله يسعد صباحك

الله يعطيك العافية يابومحمد على هذا الإبداع الراقي ,, ,,

لاهنت ولاهان راسك الجزل ,, ,,

تحياتي وتقديري ,, ,,

الشاعر الغالي : فلاح بن منشار

صح لسانك .. وصباحك خير وشعر وحب

قصيدة جزله ..


وتقبل تحياتي

[نجم الإبداع]

المشاركة الأصلية كتبت بواسطة عبدالله الشويمان

صح السانك يا ابو محمد ويستاهل ولفك الله يخليه لك.ولا يحرمكم من بعض

قصيده جزله ووافيه .

دمت بخير ولا هنت

تسلم يابو بدر

صح بدنك

وجزيل الشكر لمرورك الشذي


لاعدمتك

[داعي الشوق]

صح لساآآنك يا نجم الابداع

سرد جميييل ورائع

معنى في الكلمة و تنسيق في الحرف

لله درك يا نجم

صح لسانك مع التحية لك

،،،،،،،،،،،