في بلاد الواسطه والضرايب والرسوم

[الطائر المهاجر]

في بلاد الواسطه والضرايب والرسوم = وش بقى لك يالضعيف غير ربٍ ترتجيه
ما دروا بك لو تجوع او تشيل من الهموم= كل منهم في نعيم مايبي ياصل اليه
لو حسبنا المتخمين ومن رصيده بالرقوم = ما يجوا عشر الشعب والبقيه وسط تيه
بين قرض وبين اجار وبين مصروف لزوم = والمعيشه غاليه ماتبي ما تقتويه
والاجانب لاعبه بالسهول وبالتخوم = في تحامي بينهم خلف طبل او سفيه
من يجي اية مواطن يوقفوا له بالسقوم= يضايقونه لين يطفش مالقى من يحتميه
كم شباب صار عاطل لو مؤهل او جزوم = ولو سرق من شان ياكل فالكلبشه في يديه
لو ضبطتوا للفساد عند حصنيٍ قضوم = من مشى بدرب التسلق لين وصل اللي يبيه
ولو ضبطتوا للاجانب ومن وراهم من رخوم= كان حنا بألف خير بوضع حنا نرتضيه
وكان ما احتجنا قروض ولا ضرايب او رسوم = وكان ما شفنا فقير بأرضنا نشفق عليه

[داعي الشوق]

صح لسانك يابو عبدالله

ابدعت و اجزلت .

....... و الجوع لا يبرر السرقه

ولاهنت

[منيع]

ابدعت ياحكيم
وماجاع فقير الا بما متع به غني
شكرا لك
تحياتي

[بنت النور]

ابدعت واتقنت
وصح بوحك لاهنت
يعطيك العافيه
تقديري لسموك

[الطامي]

الله المستعان
هيك الدنيا تقلب مثل الكفوف نوب هيك ونوب هيك
ولاكن ماعليها الا الصبر
ويزين الحال بأذن الله
صح السانك
وشكرال ك

[الطائر المهاجر]

شكرا داعي
على كريم المرور
تحياتي

[الطائر المهاجر]

شكرا منيع
على كريم المرور
تحياتي