كــنــيــســة الــقــصــمــان ...!!!

[بارقةأمل]

=]الساعة : 9.30 صباحا

المكان : المطار

تحديدا : صالة الانتظار

الوضع : انتظار موعد اقلاع الطائره



صالح : وين هو بُه عمي مات يا حمد ...؟

حمد : بتايلند

صالح : وراو عايش بذاك ..؟؟

حمد : بلا ه داشر الله يرحمه ويرحم اموات المسملين .. ترا مايجوز تذكر مساؤه قل بس محاسنه ..

صالح : ايه صادز ..

حمد : البلا انه مابُه محاسن سربوتٍ داشر .. الله يرحمه ويرحم اموات المسلمين

رقيه : نبي الصدز وراو هو بذاك يا حمد .؟

حمد : من يوم حنا بزران وانا اخبره رايحن يدرس وبعد ما ابلشه الوالد الله يرحمه تعال ارجع نبيك تشتغل معنا انت متعلم رجع عقب 22 سنه ومعه شهادة لغه ماخذها من معهد ..

رقيه : هوو وش ذالهرج ..؟؟ (هوو هنا بعنا هاه او افا بس بالقصمنجي )

حمد : ولا بعد طلع مزورها الملعون .. الله يرحمه ويرحم اموات المسملين

رقيه : واخزياه.. ( واخزياه بمعنى عيب والله )

صالح : ايه اخبر عمي يوم دخل علينا البيت توه واصل وعندنا الضيوف يستقبلونه كان عمي حالق شنبه وصابغ شعره اصفر ويوم قام يبوس ابوي قلت يبه وراك عازمن الاتراك حقين المطعم ..؟؟

حمد : الله يرحمه ويرحم اموات المسلمين ..

حصة : طيب وراه رجع لذيك الديره ..؟

حمد : ابوي طرده عقب مادرا انه كان بس يدشر بذاك .. الله يرحمه ويرحم اموت المسلمين

حصة : طيب انت وش دراك انه مات .؟

حمد : وانتم ماعندكم الا حمد وشو حمد كيف حمد قلنا .. الله يرحمه ويرحم اموات المسلمين

صالح : طيب علمن انا وماعليك منهن ..؟؟

حمد : الي قالي حمود ابوصعرور وخلاص كولوا تبن وانثبروا بذأ واسكتوا .. الله يرحمه ويرحم اموات المسلمين

رقيه : ايه ماعليك منوه .. تعال نسولف يا صالح وانا اختك

صالح : وش نسولف فيه انتي ماعندتس الا سواليف يوم نسافر لجلاجل

رقيه : وانت ووجهك وين قد سافرت غير لجلاجل .؟ ..بس تذكر يوم نسرق الدجاجه من المزرعه الي جمبنا ونقعد نضغط عليه نبيه تنزلنا بيض ههههههههه
صالح : ههههههههه ايه وماتت وعيونه تدودلن من كثر الضغط عليه تقول مصاقيل ههههه .. بس اوصصصص لايسمعك اخوتس ذالعله حمد والله ان يفرشنا بذأ ..

حصة : يله يقولون بتقلع الطياره خلونا نركب ..

حمد : ايه طيب طيب لاتعلينا .. ليت اهلي نايمين من بعد ماجابوني كان افتكيت من ذالكمخ المجمعين عندي .. الله يرحمه ويرحم اموات المسملين


الساعة : 11.00 صباحا

المكان : الطائره

تحديدا : على مقاعد الطائره

الوضع : متربطين يحترون الاقلاع



رقيه : يله كلن يتمسك ترا بينطلقون ..

صالح : هذاه الطياره بدت تنطلق اويلاه والله من الوناسه الي بي ..

حصة : وراه ذالطيار تقل انه مسرع بزياده الله يدفع عنا البلا ..

صالح : واااوو والله انتس صادزه حتى شوفي كتوفي طالعتن قدام صدري متر من الضغط..

حصة : أي والله وش بُه ذا طايربنا ..

رقيه : ناه اللبنانيه الفاصخه الي ماتستحي ياحمد نص صدره طالع تقول حبحب مب صدر .. ( ناه بعنى ناظر او شف بالقصمنجي )

حمد : اقول كولي تبن واسكتي ماتشوفين وجهي وشلون هو متشفط وعيوني طالعه تقول عنز صوامليه من سرعت ذالحمار الي يسوق بنا..

رقيه : هييييي حمد ناه اللبنانيه شف وش ذالي تفجر بوجهه .. شي طالع من صدره .. ( هيييي بمعنى الخوف والفجعه )

حمد : اشوه وين هو بُه .. ايه ذا الله مير يسلمتس اخرت السيلكون ..

صالح : وراه حاطتن مغسله بصدره يوم انه حاطتن السيلكون ..؟؟

حمد : اقول اللفقه يا الكمخه .. ( اللفقه بمعنى اسكت وانطم )

صالح : ماعليكم منوه يا بنات اذا بغيتوا شي علمونن انا اخبرلكم سباك زين يزبطلكم ام السليكون لكم ..

حصة : اقول كل كبر راسك واسكت ..

رقيه : صالح وش قلة هالحيا ذي ..

صالح : الشرهه علي الي ابيلكم الرخص

رقيه : ماتلاحظون هجدت الطياره ..؟؟

الكابتن : اسنام عنيكم ونحمته وبنكاته .. منحبا بكم معنا عنى متن اطائنه المتجهه بمشيئته انى تاينند في مطان بانكوك ادوني .. مدة انحنه انبع ساعات وانبع وانبعين دقيقه .. نتمنى ان تكون نحنه سعيده نكم .. وننحب بكم انا الكابتن نائد النايق ومناحين اطائنه وشكناً ..

حصة : وش هو يقول ذا ..؟؟

صالح : الظاهر ريحت مساعد الكابتن مخيسه عشان تسذا تلقين الكابتن مسكر خشمه بيده ويحتسي بالمايك ..

حمد : لو سمحت يا الطيب ..!!

المضيف : سم ..؟؟

حمد : وشبه تسذا يحتسي الكابتن ..؟؟

المضيف : هو كذا يتكلم عنده مشكله بالنطق .. الام والراء ينطقهم نون ..

حمد : اكيد احد تساويه وهو صغير .. الله يرحمه ويرحم اموات المسلمين

المضيف : كل شي جايز .. تامر شي ثاني ..؟

حمد : سلامتك .. الله يرحمه ويرحم اموات المسلمين


الساعة : 1.00 مساء

المكان : الطائره

تحديدا : مقاعد الطائره

الوضع : لا يزالون متربطين والطياره ترقل..



رقيه : هوو وش به الطياره تهز تسذا ..

صالح : الظاهر ان الكابتن حاطه على الهزاز ..

حصة : ول وش ذا لعنبوهم والله ياهي تهز بنا تقول خلاط ..

حمد : الله يرحمه ويرحم اموات المسلمين ..

رقيه : ورا المضيفين قاموا يرتاكضون لايصير فيه بلا وحنا ماندري ..

الكابتن : انجاء من نكاب اطائنه ان ينبطوا احزمت امقاعد ... وشكنا

صالح : تقل الطياره قامت تدحدر وراه ..

حصة : وش تدحدر الطياره قاعده تنزل للارض يا ويلييييييييييييييييه الطياره تطييييييح

حمد : الله يرحمه ويرحم اموات المسلمين

رقيه : هوو وش ذالي يصير بنا ياربيه ..

صالح : ورا العالم تسذا تصارخ .. يمه وش ذالي يصير بديت انخرش

رقيه : الطياره تطيييييح بنمووووت

حصه : يمااااااااه وينتس بُه ابيتس

صالح : ابي الحمام ..

حمد : الله يلعنك يا عمي ويلعن الساعه الي عرفناك به ..

رقيه : يا ويلييييييييييييييييييييييييييي ه



الساعة : مجهول ؟؟ (صباح )

المكان : ارض مجهوله ؟؟

تحديدا : ارض شبه صحراويه بلا ملامح ..

الوضع : حطام طائره واجزاء متعبثره في كل مكان ..



رقيه : واو ياراسي راسي يماوو يماوو راسي يمه يمه راسي .. ( يماوو يعني يمه بس مع حنت الالم )

حصة : وين شنطتي بس ولا الباقي ماعلي امنُه ..

حمد : لا الله الا الله .. مابقا احد وش ذالي صارلنا ..؟؟

صالح : اكيد الكابتن هالحمار نام وطلع عن الخط وانقلبنا ..

رقيه : وش ذا الريحه .. ماتشمون ريحه خايسه ..؟؟

صالح : لا لا مانشم شي ..!!!

حصة : أي والله وش ذالخياس ..؟؟

رقيه : تقل ريحت جاموس ميت له سنه ..

حصة : صالح وراك مبعد ..؟؟

صالح : مافيني شي !!!

رقيه : عمى !! صالح وش ذالريحه الله يخزيك ..؟؟

صالح : انا قايلكم ابي الحمام قبل ماتطيح الطياره وش اسويلكم ..

حمد : اقول ورا ماتتلطمون بتبن وتمشون نبي نلقى حل لهالبلا الي حنا به ... الله يقطعك يا عمي ويقطع الساعه اللي عرفناك به ..

صالح : انتم توحون ..؟؟ فيه صوت جاي من هناك ..؟؟

رقيه : اقول لاتصرف تبينا ننسى ريحتك يا الخايس ..

صالح : ورا ماتتلايطين .. منب امزح ماتوحين انتي ..؟؟

حصة : الا وهو صادز بُه صوت مناك ..؟؟

حمد : خل نروح نشوف يمكنه احد باقي حي ..

حصة : انا بروح ادور شنطتي ..

رقيه : هوو من هو ذا ..؟؟

حمد : انت من انت ..؟؟

الرجال : انا نائد النايق ..

صالح : ايه ذا الكابتن الكربه .. ( الكربه سبه قصمنجيه تعني الغبي او الي مايفهم )

حمد : وش الي صار بنا ..؟؟

الكابتن : صانوووووخ ضنبنا. . وبعدين طاحت الطيانه على الانض ..

صالح : اتحداك تقول غرغرينا ..

حمد : اقول اللفقه .. وش نسوي برايك يا كابتن .. معن شكلك يقول انك حمار بس انشالله يجي منك شي ..

الكابتن : اول عنموني انتم من وين ..؟؟

رقيه : من القصيم ..

صالح : لا .. اصص انتي .. حنا من عرعر ..

رقيه : وشو ..؟؟ وش تقول انت ..؟؟

صالح : اصص .. تحت الحصاة الرقطا .. ( تحت الحصاة الرقطا بالقصمنجي يعني كذبه بس مشيها وتقال اذا كان فيه بزران )

الكابتن : عن عن ..!!؟؟

صالح : هههههههههههههه عن عن هذا طلع شكمان مب ديره هههههههههه

حمد : اقول يا كابتن القربعانه تلايط بس واللفقه ماوراك الا الضيعه انت ووجهك ..

حصة : ابشركم لقيت شنطتي ..

صالح : وشبه زود عشان تهتمين به ..

حصة : ايه بلاك ماتدري يا الهيس .. هذي به وقود الحياة ..

صالح : افاا صرتي تشفطين بانزين يا حصيصه وحنا ماندري ..!!

حصة : هذا والله الي بيخليني اخذ شماغ حمد وافره واقعد اللسعه لين يتوب ..

صالح : لا بس كلش ولا التلسيع لعنبوتس الشماغ يغدي سوط بيدتس ..

حمد : اقول خلونا نمشي عسانا نلقى احد يعلمنا وش نسوي ولانشوفلنا دبره ..

رقيه : يماااااااااااااه وشو ذا ..؟؟ انت وش تبي ..

الرجال : كل واحد يطلع الي بجيبه واي شي معاكم هاتوه يله ..

صالح : والله مامعي شي وازينلك لاتقرب ..

الحرامي : اقول اخلص هات الي معك

صالح : والله انت الي لو معك حفاظه عطن .. يمكن اغطي ولو شوي من البلاوي الي سويته ..

رقيه : يمااااااه .. الطياره طاحت بنا وبغينا نموت همن يجينا حرامي والله اني مقروووده ..

حمد : الله يلعنك ياعمي ويلعن الساعه الي عرفناك به ..

الحرامي : اخلصوا علي هاتوا الي معكم ..




الساعة : مجهول ؟؟ ( مساء )

المكان : ارض مجهوله ؟؟

تحديدا : ارض شبه صحراويه بلا ملامح ..

الوضع : ماشين بوسط صحرا وتوهم مسروقين حتى الجوازات انسرقن .. وحصه عطت الحرامي كل ذهبه بس يترك لها الشنطه ..





رقيه : وه بس تعبنا خلونا نرتاح شوي ..

صالح : أي والله صادزه اختي ..

حمد : اقعدوا بذأ .. ننام الليله بذأ وباتسر يحلها الف حلال ..

صالح : اقول ياحصيصه ودي بس اعرف وش سالفتس انتي وذالشنطه وبعدين وراو الحرامي يوم فتح تركه لتس ومشى ..؟؟

حصة : انا عطيته كل ذهبي والي به مايهمه ولا يعرف قيمته ..

رقيه : اشوه ورينا وشبه ..

حصة : هاه ناظروا ..

صالح : كراث ..!! وصاجتنا وقود الحياة واخرتها كراث .. اجل هذا وقودتس يا العنز ...

حصة : اقول تلطم بتبن واللفقه وعشان حتسك مهناش اكل معنا ..!!

صالح : لا خلاص اتوب ..

رقيه : أيـــه وين الليمون نغمس وحنا ناكل ..

حصة : امحشيه بوجه اخوتس حمد احمض من الليمون هو ونفسه الخايسه ذي .. ( امحشيه بمعنى امسحيها على وجهه )

حمد : اقول يله ناموا انتم هنا يابنات وحنا بنروح هناك ننام ..

رقيه : وين بتقعدون ..؟

حمد : هناك محنب مبعدين بس نبيكم تنامون براحتكم ..

صالح : يله مشينا ..

حصة : اخلص هالرزمتين وانام ..

صالح : تصبحون على خير ..

رقيه : خخخخخخخخخخخخبشششششششش ( خخبشش معناها نايمه بالقصمنجي )

حصة : خخخخخخخخخخبشششششششش

حمد : خخخخخخخخخخخبشششش .. الله يلعنك يا عمي ويلعن الساعه الي عرفناك به .. خخخخخخبشششش

صالح : هوو حمد حمد ناه ناه بُه ذيب جاين لم خواتي ..

حمد : وين هو بُه ..؟؟

صالح : بذاك شفوه ..

حمد : ايه ليته ياكلهن ونخلص وعقبهم يحلي عليك ونفتك ..

صالح : ناه قاعد يشمشمهم .. وش عنده لا يكون مضيع شي وحدا خواتي سارقينه .؟ .. انا خابرهن انواع الحرمنه ..

حمد : صدق انك ثور .. هو يدور اذا معهن فلوس ولا شي ..

صالح : ناه للحين يشمشم .. شف قاعد يشم أثم حصيصه .. هاه شف الذيب طاح .. وش جاه ..؟؟

حمد : مدري ..

صالح : اكيد صرعته ريحة أثم حصيصه عقب الكراث ..

حمد : اجل جابت اجله ..

صالح : شف قام الذيب ..!! ناه وشلون يتطروح .. هههههه اكيد بيرجع لبيته وبيفرشه ابوه يحسبه سكران مايدري انه شام أثم حصيصه ههههههههه

حمد : ايه اقول نم بس ..




الساعة : مجهول ؟؟ ( صباح )

المكان : ارض مجهوله ؟؟

تحديدا : صحراء بلا ملامح ..

الوضع : توهم صاحين من النوم وكشت رقيه طالعه وحصة تتثاوب وتحك راسه وكل مامرت ذبانه من عند اثمه طاحت بالارض ميته ..



صالح : يمااااااااااااااااه وشو ذااااا ..

رقيه : وشبك تصارخ يامال التبن الي يلط وجهك .. ( يلط يعني يملى ويغطي وجهك )

صالح : لعنبوتس وش ذالشوشه هبلتين اول مافتحت عيوني اشوف ذالشوشه بوجهي قلت ذي شيفه جايتن ..

رقيه : وهو بُه شيفه تطلع بالنهار يا الكمخه ..؟؟

حصة : عن الحتسي الفاضي وتعالوا نفطر ..

صالح : وانتي الى هالحين تعلفين بذا الكراث يا العنز ..

حصة : ليه ناوي تفطرنا بهرفي انت ووجهك ..؟؟ ( هرفي اكشخ مطعم من اول بالقصيم )

حمد : الله يلعنك ياعمي ويلعن الساعه الي عرفناك به .. يالله صباح خير

صالح : تعالوا شوفو وش بُه هناك ..

رقيه : اشوه ورن ..

صالح : ناه بذاك .. تشوفين ذاك المبنى التسبير ..؟؟

رقيه : أي والله وشو ذا ..؟؟

حصة : خلونا نروح لمهم يمكن يساعدونا ..

حمد : اقول يله مشينا ..



الساعة : مجهول ؟؟ ( صباح )

المكان : قلعه كبيره وسط الصحراء

تحديدا : اما بوابة القلعه

الوضع : يدورون الجرس ..




حمد : يا اهل البيت .. ما بُه احد بذأ ..؟؟

صالح : الا احد به ... مير نيم ههههههههههههه

حمد : ورا ماتلايط لا اقطع العقال على ظهرك ..

صالح : وراه ظهري طاولة مطبخ وعقالك الدجاج يومنك تبي تقطعه بظهري ..

حمد : اقول اسكت لا العن سنسفيلك بذأ ..

حصة : خلاص تعالوا هذاي فتحت الباب .. هم تاركينه مفتوح

رقية : في رجال جاينا تغطي ياحصيصه ..

حمد : السلام عليكم ..

الرجل : اهلن بكم ..

حمد : من هو بيته ذا ..؟؟

الرجل : هذه كنيسة البابا جوزيف الثاني ..

صالح : وراه عاد الثاني مالقا احد يغششه بالاختبارات وماجاب الاول ..

رقيه : هوو كنيسه ..!!

حصة : هييي مافذ الا ذي اخرتها كنايس .. محنب داخلين ..( مافذ الا ذي يعني مابقا الا ذي )

حمد : اقول كولوا تبن لايسمعكم الرجال .. ان درى اننا مسملين والله ان يذبحنا .. حنا بنموت من التعب والعطش .. بس ناخذ الي نبي ونتركهم ..

صالح : أي والله وهو صادز حمد ..

حمد : بنسوي انفسنا منهم ..

صالح : ايه ماعليك ازهله ..

الرجل : انا ادعى الاب جون .. ومن انتم ..؟؟

صالح : هذا البابا حمد وذي الاخت رقيه والاخت حصه وانا ابوك صالح ..

حمد : لعنبوك وش ذالنكبه الي جدعتن به ..؟؟

صالح : يا ابن الحلال تتسهل انشالله ولا انهم يذبحونا ..

حمد : الا ماقلتلي ياجون وش اقرب مدينه لمكم ..؟؟

جون : تبعد مايقارب اربع مائة كيلو وهي قرية صغيره ..

صالح : الظاهر يحسبنا نسأله عن البحرين ..

حمد : نبي مدينه .. نبي شي يوصلنا لاهلنا ..

جون : اقرب المدن تبعد الفين متر وهي في حدود الدوله المجاوره ..

رقيه : وين جنا بُه ..؟؟ وش ذالديره ..

جون : نحن في منطقة حدوديه بين دولتين ..

حمد : وشو ..!! منطقه حدوديه ..!! يعني مانقدر نطلع لامنا ولامنا ..

جون : نعم لاتستطيع .. ومالذي تريده من الدول المجاوره .. انت هنا في كنيسة البابا جوزيف الثاني .. وهو افضل مكانٍ للقيام بصلاوتك وعباداتك .. وتكريس روحك لتعبد ..

صالح : أي والله وبعد كل هالهرج سيده على جهنم ..

جون : لما لاتتفضلوا فانتم في حماية الرب ..



الساعة : مجهول ؟؟ ( صباح )

المكان : كنيسة البابا جوزيف الثاني

تحديدا : مجلس البابا

الوضع : يحاولون يرقعونها باي شكل ..




جون : تفضلو مجلس البابا مع البقيه ..

صالح : اجل ذا مجلس الباباوات .. الحين تلقا كل واحد من الباباوات ماسكه المدرس حق ولده ويحش بولده ويقول انه مايذاكر ومايفهم وجبني اردسه خصوصي ..

جون : دعوني اعرفكم بهم .. الاب سمث والاب روجر والاب جاك والاب ... الخ .. والاخوات ..هنا كبيرت الاخوات الاخت تريزا وهذه الاخت ساندرا و الاخت نينا والاخت فتحيه

صالح : فتحيه ..!!

جون : نعم هي من مصر ..

رقيه : ياحظ امتس بتس ..

حصه : والله ياهي رافعتن راسه بتس ..

حمد : اشكرك ايوه الاب جون ماقصرت ..

جون : لاتشكرني بالاشكر الرب الذي جمعنا ..

حمد : أي والله .. الحمدلله الذي لايحمد على مكروهٍ سواه .. والله يلعنك ياعمي ويلعن الساعه الي عرفناك به ..

حصة : وش ذا الاصاوات الي تطلع من هناك ..؟؟ وش ذا ..؟؟ تقل يغنون .؟؟

جون : نعم انهم يقومون بالصلاوات بصالة العباده ..

رقيه : اجل تسذا تصلون .. اجل اكيد امامكم محمد عبده ...

جون : الاخت تريزا سوف تأخذكم يا ايوه الاخت رقية والاخت حصة لمبات الاخوات لترتاحن .. واما البابا حمد والاب صالح سوف يرافقوني لمبات الرجال ..

صالح .. وش مباتـُه ..؟؟ لايكون به رجال وحريم بايتين عندهم بالثلاجه ترا ماحب البايت ..


تريزا : تفضلن معي ..

رقيه : لازم يعني نروح .؟؟

حصة : والله انا احبلي اقعد مع اخواني ..
حمد : اقول انجزوا يله روحوا مع الاخت تريزا مب جايكم الا العافيه بس لاتجيبون العيد بكثر البربره ..

جون : هيا لنذهب لمبات الرجال لاترككم ترتاحون اليوم هناك ..


الساعة : 1.00 مساء

المكان : كنيسة البابا جوزيف الثاني

تحديدا : مبات الرجال

الوضع : حمد توه صاحي من النوم ..


صالح : حمد يا حمد ..

حمد : يالله صباح خير وش تبي .

صالح : وش كل هالنوم ياخوي ..

حمد : اقول انجر وش تبي ..

صالح : مادريت وش صار اليوم الصباح وانت نايم ..؟؟

حمد : وش صار ..!!

صالح : قمت الصباح ورحت لخواتك ابي اتطمن عليهن .. يوم لقيتهن واللقا معهن الخاله تريزا ..

حمد : تقصد الاخت التسبيره حق الحريم ..

صالح : ايه .. المهم لقيته تقولهم ان البابا جوزيف بيدور على الكنيسه ويحظر الصلات معهم فوصت رقيه انه هي الي تصلي بهم ..

حمد : وشو ..!!! اختك رقيه تصلي بهم ..!! وش ذالهرج ..؟؟

صالح : جاك العلم ويوم جيت ابي اعلمك ومير يصيدن جون ويقولي

(((المشهد الاول )))


جون : تعال معي يا ايوه الاب صالح ..

صالح : معليش انا مستعجل بروح اصلي ..

جون : لم يحن وقت الصلاة يا ايوه الاب صالح ..؟؟!!

صالح : هاه !؟!؟ .. ايه داري بس ودي اتسنن ..

جون : ..!!!


صالح : ويوم انحشت منه واللقا البابا بوجهي وياخوني الاثنين معهم واخرون عنك و ماقدرت اصحيك ويوم لف البابا جوزيف وجا وقت الصلاة صار شي الله لايوريك ..

حمد : وش الي صار ..؟؟

((( المشهد الثاني )))

صالح : رحنا انا وجون والبابا جوزيف واول مادخلنا طارت عيوني .. . خواتك ماسكات الطيران ..

رقيه : وكل الباباوات كلهم

الاخوات : وكل الباباوات كلهم

رقيه : فرق الله شملهم << ( ذكرت الكلمه بدون لا )

الاخوات : فرق الله شملهم << ( مع الخيل ياشقرا )

رقيه : ويازين جوزيف بينهم

الاخوات : ويازين جوزيف بينهم

رقيه : وكل الباباوات خياله

الاخوات : كل الباباوات خياله

رقيه : وجون لاتخلونه

الاخوات : وجون لاتخلون

صالح : ومير اجي لاختك واقوله وش تسوين ياخبله ..؟؟

رقيه : هم مب يغنون بوقت صلاتهم .. خلاص غنينا لهم وهذاهم مبسوطين ..

صالح : والله واللتفت على جوزيف وجون واللقاهم متشققين من الوناسه ....

حمد : طيب وبعدين ..؟؟

صالح : وبس ..!! هذا انا جيتك ..

حمد : لعنبوكم ماتنتركون دقيقه لحالكم .. يله خل نروح نشوف وش سوو هالمهبل الي جو معنا ..



الساعة : 2.00 مساء

المكان : كنيسة البابا جوزيف الثاني

تحديدا : مجلس البابا

الوضع : حمد وصالح توهم مقابلين رقيه وبيشوفون وش الطعه الي جايبينها ..




حمد : وين اختس انتي ..؟؟

رقيه : ناداه واحدٍ من الباباوات عقب الصلاة ومعه تريزا ..

صالح : اكيد يبي يتفق معه على الطق بعرسه ..

حمد : وانتي تاركتن اختس لحاله تروح ..؟؟

فتحيه: يا لهوي يالهوي يالهوي .. دي فضيحه بجلاجل فضيحه بجلاجل ..

صالح : هييي رقيه لايكونون دروا وش حنا مسوين بجلاجل ..!!

رقيه : يماااااه والله لو يدري حمد غير يتوطى ببطونا ..

حمد : وشبتس يافتحيه ..؟؟

فتحيه : ايه البابا حمد .. الاخت حصة ماسكه الشماغ وشغاله لسع بالاب روجر .. ومش عارفين ليه ..

حمد : نعم ..!!! وراه وش جاه ذي ..

رقيه : اكيد مغازله ذا الداشر ..

صالح : وش يغازل به .. والله لو اغازل عبدالجبار السواق العراقي حق الامير انه انعم من اختك ..

حمد : اقول يله امشوا نلحق عليه نشوف وش بلاه ..


صالح : ناه شفه بذأ .. والله ياهي شايطه بعد .. ( شايطه يعني مولعه نار )


حمد : وراتس انتي وشبتس ..؟؟

حصة : يقولي يبي ياخذ من الكراث عشان يأكل الغنم الي عندهم .. وانا مكلوفتنبهم عيال اليهود ذولا ..

صالح : وانتي ماهمتس الا التكفل بهم ..؟؟ ومالاحظتي هو بيأكله لمن ..؟؟

حمد : اولا لاتقولين عيال يهود همن نبلش معهم وبعدين خلاص روقي حنا نتفاهم معه ..

(((( بعد عدت ايام ))))

الساعة : 12.45 مساء

المكان : كنيسة البابا جوزيف الثاني

تحديدا : صالة اللقاء ..

الوضع : صالح توه جايهم وحمد وجون يحترونه ..



حمد : وش يسون خواتك ..؟؟

صالح : والله حصه مادتن له سماط وجادعتن به الكراث ومجمعه الحريم ياكلون ويحشون بخلق الله من تزوج ومن طلق ..


حمد : ورقيه ..؟؟

صالح : والله رقية قاعده بالمطبخ تطزز ومعه كم حرمه ..

جون : ماذا تفعل روقيه ..؟؟

حمد : تقوم بعمل اكلت المطازيز الشهيره لدينا ..

جون : وماهي المطازيز ..

صالح : هي ان تقوم بطز وطز العجين حتي يصير سنع ليكون مطازيز .. الم تطزطز من قبل يا ايه الاب جون ..؟؟

جون : لم يسبق لي ..

صالح : ايوعقل انك لم تطزطز من قبل ياجون الطزطزه متعه وفن.. سوف نطزطز سويا يومن ما ..

جون : حسنٌ .. ولان اريد ان تكون جاهزا يا ايه البابا حمد لالقاء كلمتك وبركاتك لكل الحضور ..

حمد : لم تقل لي من بدري ليه ..؟؟

جون : ان بركاتك تعم أي مكان بمجرد دخولك .. يكفي ان تقول بضع كلمات لتبشير اولائك الصالحين بالخير الكثير ..

صالح : والله من ناحيت صالحين فهم ماشالله ابليس يحسدهم .. تبي الحق ياحمد مالك حق ما تباركهم وتطمنه .. يخوي بشرهم بس خلهم يحسون بطمأنينه ..

جون : اللقاك بصالة العباده .. وداعا ..



الساعة : 1.00 مساء

المكان : كنيسة البابا جوزيف الثاني

تحديدا : صالة العبادة

الوضع : حمد واقف على المنبر وهو داج ماجهز شي يقوله قدام الباباوات والاخوات ..



حمد : احم احم .. انشالله فيكم الخير والبركه والمستوى الي مقدمينه انتم كان جيد ..

صالح : ايه بعد كملها وقل المكافئه مضاعفه عشان يجرونك مع شوشتك لابوزعبل ..

حمد : انتم شغلكم زين وانا ما اقولكم الا الله الله بالتعاون

صالح : والتعاون مابُه مثله بالقصيم .. وينه بُه ..؟؟

الحضور : بالقصيم ..


حمد : انتم ابناء السلالات العريقه وابناء الامهات الطيبه ورجال الكنيسه الابديه كنيسة البابا جوزيف ..وكم هو فجركم جميل بهواه العليل وهب نسيم الفجر وداو الجروح يانسيم الفجر انعش الروح ..

صالح : ايه سمعهم يا ابوحنان ..

حمد : انتم كلكم في قلب وعقل البابا جوزيف وانتم لاتعلمون .. كما قال في كتابه : يالي على البال تطري وانتى ماتدري ..

فتحيه : عظمه على عظمه ياسدنا .. تاني تاني ..

صالح : اقول الظاهر انتي داخله حفل لعبدالحليم حافظ بالغلط وحنا ماندري

حمد : وكما قال البابا الطيب جوزيف وهو يوصف تعامله الطيب مع البشر : يا اطبط وادلع يا يؤل انا تغيرت عليه ..

الحضور : تش تشتش تشتش تشتش تشتش تشتش ..( تش تعني تصفيق )

حمد : وانهوا لمكان طيب وهوائه عليل وطاهر مكان البابا جوزيف .. واختم كلام بقولي .. كنيسة البابا جوزيف هوا خليجي . ..

الحضور : تشتشتش تشتشتش تشتشتش تشتشتش تشتشتش تشتشتش .. عظمه على عظمه ياسدينا .. من هو مثلك يابابا حمد ..تشتشتش تشتشتش تشتشتش .. انت البست غطيت على الست ( الست بمعنى ام كلثوم )


جون : الاب صالح توجه لغرفت الاعتراف ...

صالح : والله ماسويت شي ... رقيه هي الذبحت الدجاجه بجلاجل ..

جون : .!!! ؟؟؟

جون : اذهب لكي تكفر وتغفر ذنوب من اتا بحثا عن العفو والمغفره .. اذهب واستمع الى ذنوبهم واغفرها ..

صالح : تبين اجلس بالغرفه وهم يجوني .. ايه اشوى انا انخرشت احسبك تبي شين ثاني ..



الساعة : 2.15 مساء

المكان : كنيسة البابا جوزيف الثاني

تحديدا : غرفة الاعتراف ..

الوضع : صالح وسط غرفة ويحتري العالم تجي تجلس جمبه وتعترف بس مايقدرون يشوفونه ..



صالح : أيــــه يقولون غرفه .. أي غرفه ذي دولاب مب باقي الا يعلقونن بذأ ...... اوه الظاهر به احد دخل ..

الرجل : يا ابتي ..

صالح : نعم يا وليدي .. ( وليدي بمعني ولدي بنطق قصمنجي )

الرجل : اغفرلي يا ابتي ..

صالح : وراه وش مسوي يا السرسري .. اكيد مزعلن امك ومنتب بارن به ..

الرجل : لا اكبر من ذالك ..

صالح : اجل اكيد صايرن تسهر وماتصحى لصلاة الفجر ..

الرجل : ماذا صلاة الفجر ..!! أي صلاة هذه ..

صالح : هاه ..!!؟؟ ايه صلاة الفجر هذي منزلينه عليكم بالمقرر الجديد ..

الرجل : لا يا ابتي اكبر من ذلك ..

صالح : وش اكبر من تسذا .. لاتقول .!! اكيد اتتن يا المارج .. اذا انت اتتن ترا مالك توبه عندي ادزلب وجهك ..

الرجل : لا لقد سرقت ..

صالح : نعم .؟؟ سرقت ..من سرقت ..

الرجل : غرباء كانت الطائره قد سقطت بهم فأتيت وسرقت حاجياتهم ..

صالح : لا هذا انت .. يالله ان تحييه يالله ان تحييه ..

الرجل : ماذا افعل ليغفر ذنبي يا ابتي ..

صالح : ايه بسيطه تبي ينغفرلك ..

الرجل : نعم ..


صالح : رح ادخل ذيك الغرفه الي ورا غرفة الاعتراف وبتلقا فيها كلبشات مربوطه بجدار اربط نفسك و شوي وانا جايك...

الرجل : حسنن يا ابتي .. ولكن لماذا اربط نفسي ..

صالح : بنظف.. الا بنظف كل ذنوبك بغسلك غسل بخليك تلق جديد ..

وراح الرجال للغرفه وربط نفسه همن جاه صالح وهو ماسكن سلاحه الفتاك وهو اشهر سلاح بالقصيم (( الزبيريه )) الي تلقاه تتمايل من كثر ماهي مهلوكه ومكروفه تقول ماسك حيه مب نعله ولسم والدين الحرامي وجلده لين اذن وعض الارض وخلاه يدله على مكان الجوازات ومن اللعانه والحره الي بصالح شرب الرجال زيت خروع وخلاه مربط عشان ينتقم من وضعه يوم طاحت الطياره مع ان الحرامي ماله ذنب بذي .. بس عاد صالح كان مقهور ولازم ينتقم من احد .


النهاية

.............................. .............
مــــنــــقــــول مــــن ___________


صـــا حــــب الموضوع المسطول مصقوع بقاروره
7
7
وهذه حقوقه الفكاهية الأدبية لنقل الموضوع

ابو وفى لاتحسب الموضوع منقول ترا هذا انا ماغيري مع فارق التوقيت

يوم فضيت قلت خلني اسير على خويي ( :hrt: ) واسدحلي مويضيع كود يجوز لاهل حارته

ادري اني مقصر لكنك اخبر بالظروف ياخلفهم

[الأموره]

ههههههههههههه

مع اني في كثير ما فهمته

لكن اللي فمهته ضحكني عالاخر

شكرا غلاي

و لي عوده اكمل الباقي

هههههههههههههههههه
الغالية ام زياد
ولله انك كتبتي جريدة بأكملها
اليوم ما حنخلصها بس
قرأنا البداية وسنكمل البقية
تسلمي يا حبيبتي

[بارقةأمل]

المشاركة الأصلية كتبت بواسطة الامورة

ههههههههههههه

مع اني في كثير ما فهمته

لكن اللي فمهته ضحكني عالاخر

شكرا غلاي

و لي عوده اكمل الباقي

هلا وغلا بك يا أمورة الأمامير
وأنتظرك تكملين وأنا ترى زيك نصها فهمتها
كود يجينا واحد من القصيمي يشرح بعض الكلمات
ههههههههههههههههه

احم احم


<< جاين بحزام ناسف للموضوع أبفجر به وبراعيته هههه يوم شفت كنيسه ياكافي .. بس يوم طلعت السالفه

بها ابو حمد هونـــــّا 00



وعلى فكره خيتوو مو كل القصمان حتسيهم تسذا فيه البدو وفيه الحضر وبالنسبه للبدو نص اللي قلتيه

بالموضوع مايقولونه فهي لهجة حضر القصيم إن صح التعبيـر 00والمتحضرين طبعا ً من البدو 00









ولتس أطيب تحيـــّه ويـاحبني للقصيمـ بس 00

[الطائر المهاجر]

هذي رواية ، ومادامت من ابووفى فما تخفى
ولكن .... ناه ، بلهجه اهل الوشم وسدير وليست للقصمان
طبعا ماقدرت اكملها الآن فلي عودة ..
اكيد ناقلتها من مواضيعه في الصرقعه لأنه يحبهم ومبسوط معهم

[بارقةأمل]

المشاركة الأصلية كتبت بواسطة أميرة الليل

هههههههههههههههههه
الغالية ام زياد
ولله انك كتبتي جريدة بأكملها
اليوم ما حنخلصها بس
قرأنا البداية وسنكمل البقية
تسلمي يا حبيبتي

هلا والله بأميرة الليل منورة الموضوع

وأنا زيك ما بعد كملتها كنت بسوي نفسي ذكية وأقرى شوي في البداية وشوي بالنص وقلت بأخذ الزبدة

وصراحة إكتشفت إنو لازم أقرأها من الأول وسطر سطر

ولكي مني أجمل تحية

[بارقةأمل]

المشاركة الأصلية كتبت بواسطة نبراس العز

احم احم


<< جاين بحزام ناسف للموضوع أبفجر به وبراعيته هههه يوم شفت كنيسه ياكافي .. بس يوم طلعت السالفه

بها ابو حمد هونـــــّا 00



وعلى فكره خيتوو مو كل القصمان حتسيهم تسذا فيه البدو وفيه الحضر وبالنسبه للبدو نص اللي قلتيه

بالموضوع مايقولونه فهي لهجة حضر القصيم إن صح التعبيـر 00والمتحضرين طبعا ً من البدو 00









ولتس أطيب تحيـــّه ويـاحبني للقصيمـ بس 00

هههههههههههههههههههه نبراس

هلا بك وراووه تويدز وتنحاش توي أدري إنك من من قوم بوه ههههههههههههههه وأنا صادزة مادريت بك

وعاد حزام ناسف ياكافي الشر وراووه لياك من خبوب بريدة هههههههههههههههه

وآآآآآآآآآآسفين تسانا أزعلناك ياوخيي ههههههههههههه بس ترى الموضوع اللي كاتبوه مصقوع يقولون بغضارة ههههههههههه هذا اللي قدرت أعرفه من حتسي أهل القصيم

تسلم على مرورك الفانتاستيك

[الطائر المهاجر]

والله انا اعرف الكثير عن لهجة القصمان والعبارات اللي نرفزهم بها
وطبيت قبل كم يوم ، والظاهر السفيره بعدها زعلت ، واخاف هالحين
يزعلون علينا ربعنا اهل القصيم ..

هـــَـو بس وراتس انطلدزتي علي ياكافي تقول برميلن طايحن من طلعة الغاط 00



الركاده ياام زياد لايطق بتس عرق همن نبلش بتس عاد 00



مير وانا اخوتس لستـ من خبوب بريده(قلبها فصحى) 00




بس واضح خيتووو أم زيوود ان عندتس جهل كبير بلهجاتـ القصيمـ ( وراوره - بوه - كاتبوه) < مابهن بقاموسي ابدن ابد 00 بالاضافه ان كثير من كلامتس حق سديراويه بعــد


لكن عــــاد اللي مايعرف للصقر يسويه مقلقل ويوديــّه لبطينه وعليه بألف عويفيه 000

وآآآآآآآآآآسفين تسانا أزعلناك ياوخيي

ماتؤؤؤليش كده بأه ياام زياد دا احنا اخوات (اخوان) << متعشين مع مصري وسرقتها لتس منه




ووو

تسلم على مرورك الفانتاستيك

اووووووخص وش عندها كونداليزا رايس






وتسلمين على موضوعتس الـ ف ـ ن ـ ت ـا سـ ت ـيــ ك < جازتـ له