نادي الهلال

[سااامر]

السلام عليكم ورحمة الله وبركااااته

استأذنكم بهذه الابيات المتواضعه


الليله الليله مع الشعر اشتعال
دله مع البراد في روضة مسيل

جاها المطر توه قبل يومه لازال
مل الفياض وقبله اصوات الهديل

طاب الشعر حبكه بعد رخصة مجال
في حب يستنزف ولا له اي مثيل

من غير حب الله وخلقه ذا محال
مقارنه وايضن مع الشعر الجزيل

يجي يجي يجي لنا نادي الهلال
من يوم ابو يعقوب لشعاره يشيل

كم فزله قلبي وصفق له وقال
هذا الزعيم ويالهزيمه مستحيل

شومي لغيره يالهزيمه من حيال
هذا القمر مالك مع القمرا مقيل

طاب الكرى واقول يالغربي تعال
ياذا الغمام اللي تمد ولا تسيل

نسناسك اللي ايام وايام احتمال
معاد فيه الا مع القرب الرحيل

احدن على ناديه كم جاه انفعال
اصابه السكر مع الضغط الثقيل

لكن انا والحمدلله الكمال
فيما يرام وكل يوم لي مخيل

يم القمر والنجم والعالي هلال
يفداه من وقع وبعده مستقيل

ويفداه من يلعب على شوق الامال
من اجل يدفع كلمة القايل وقيل

وختامها عفوآ اذا شعري انحيال
ون كنت مخطي حسبي الله الوكيل

[عبدالمحسن الرحمه]

الله الله ياسلام عليك صح السانك وجاد بيانك

[الطائر المهاجر]

ان كان وراها شرهه فلا باس
وإلا هلالك اليوم مهوب هلالك المعروف
غاب الهلال وغاب عنه الإكتمال=والحكي ف الماضي فلا يشفي العليل
صح لسانك
ولاهنت
تحياتي

[سااامر]

المشاركة الأصلية كتبت بواسطة عبدالمحسن العمر

الله الله ياسلام عليك صح السانك وجاد بيانك

صح بدنك لاهنت طال عمرك

[سااامر]

المشاركة الأصلية كتبت بواسطة الطائر المهاجر

ان كان وراها شرهه فلا باس
وإلا هلالك اليوم مهوب هلالك المعروف
غاب الهلال وغاب عنه الإكتمال=والحكي ف الماضي فلا يشفي العليل
صح لسانك
ولاهنت
تحياتي

صح بدنك

هههههههه تبي الصراحه يابوعبدالله

والله لو تقول عد لاعبين الهلال الان ماعديتهم
والكوره لي عنها فتره طويله

وكنت زمان لي ميول لنادي الهلال من دون تكلف

ولكن سبب القصيده كنت امس مع الاصحاب ويدقون بالفريق
وخذتني الحميه القديمه

[الراقي]

صح فكرك

صح بيانك

ودام حرفك ..

و صح السانك

و عاش الزعيم

[داعي الشوق]

صح لسااانك مليوون يا بو راشد

و عاشت ايامك يالشاعر

و مافيك حيله

ابدعت يا مبدع

[عبدالإله]

صح السانك على هـــ الجميلــــة*
رائع شعرا و حضورا*
دمت بِكُلِ مَوَدَةٍ*

ولك ارق التحايا

[بنت النور]

الله عليك ياشاعرنا

صح لسانك وسلم بنانك


أنثره لك عبر شذى الورد
أكتبه على ورق الياسمين
إمتناناً و تقديراً كلماتك
وجمال عذوبتها
الذي منحتها لنا اناملك
سلمت يمناك

[البوعلي]

بيض الله وجهك على هالباذخه
صح لسانك ولاهنت
تحياتي وتقديري