كلما قلت زل الهم جتني هموم(بالصوت)

[الطائر المهاجر]

كلمـا قلت زل الهم جتني هموم = يالله انّك عليم الحال ويش السواه
اشتكي لك حبيبٍ من عرفته ظلـوم = يرفض علاج قلبٍ بالسحر ابتلاه
صرت مثـل اليتيم اللي بوسط السموم = تايهٍ في طريقٍ ما عرف منتهاه
قلت وينـك مروّح قـال مالك لـزوم = لا تقول لي ترى امك سافرت للآله
ادري امي تمّشى خلف ذيك الحـزوم = راحت تجيب لعبه ما خذتني معاه
الطفـوله بـراءه والمحبه سقـوم = من يلـوم اللذي حبّه لحبّه عمـاه
صار مثـل اللذي خبره بحاله يعوم = لين طبّ البحر والموج يلعن ثواه
من توهق ببحر الحب صار محكوم = دبرته عند حبٍ ما درى عن هواه
كلمـا قـال يا حبي كفـاني هموم = قالت اصبر فهذا الوقت يفرض قضاه
ان سكت بان قهـره وان تكلّم ملوم = كل حرف كما البارود يفضح خفاه
ولو يحـاول يجامل انكشف ما يدوم = تفضح العين ستره مايفيده دهاه
ولو يسايس حروفه بيّنت للخصوم = دام قلب المعنّـا يشتكي من لضاه
غسّل ايـديه من وقتٍ جحـد للسلوم = وصار كنه غرابٍ تايهـات خطاه
لا (تأمرك) بفكره كود سهمه يقوم = ولا لجا للترهبل بالنفاق اشتراه
ضاع عمره بليلٍ ما عرف للنجوم= والنهـايه سحب عمره الى منتهاه
كيف يصبر علـى وقتٍ يذل الخشوم = يشـوي الصقر حيٍّ بالقهر من بلاه
كيف يصبرعلـى وقتٍ يشوفه غشوم= كل حر يعـاني من زمـانه وطـاه
وين حقـك وحقـي يا ترى من نلوم = دام مالك ومالي جـاه والا وجـاه
من يدافـع عن المظلوم شق الهـدوم= من هـو اطعم فقيرٍ في زمان الرفاه
وين حـق التساوي والعـدل للعموم = "وين" .. جرحٍ نزيفه ما عرفنا دواه
ويستمر التفاخر كيف طلنا الغيوم= والحقيقه انحدرنا في حضيض الرداه
الزمن من عرفته ما يبا الا الرخوم = ما يبي الحر الاشقر دام فكره معاه
يمـدح السوق من ربحه يحسبه يدوم = ومن حسب للخساره ما تكدر مساه
وبيت يسكت على عيبه وساسٍ هضوم= يوم يسقط على راعيه هذا جزاه

[الطائر المهاجر]

آلله عليـكـ يسلـمـ هالإحسـآس وصـآحـبـه

صـح لسـآنـكـ يالمهـآجــر ..

وآبعــد آلله عنــكـ آلهمـــومـ ..

تقبـل مـروري المتـوآضـع ..

آعـذب التحـآيـآ..

إستبرق

[الطائر المهاجر]

شكرا للفاضله استبرق
على كريم الحضور والتصميم الرائع
تسلمي يالغالية
تحياتي الطيبة

ياسلام

صح لسانك ياابوعبدالله

ابيات رائعه

لاهنت لك الشكر

والتحيه

[الطامي]

الزمن من عرفته ما يبـا الا الرخـوم ما يبي الحر الاشقر دام فكـره معـاه
يمدح السوق من ربحه يحسبه يـدوم ومن حسب للخساره ما تكـدر مسـاه
وبيت يسكت على عيبه وساسٍ هضوم يوم يسقط على راعيـه هـذا جـزاه
الطائر
ابدعت صح السانك وعلى شانك
ولاهنت يالغالي

[نجم الإبداع]

الصمت في حرام الجمال جمال

صح قلبك ايها الطائر المحلق في سماء الابداع

لاهنت

فائق الاحترام

[ابومياس]

رائعة من رائع

واستاذ في صنع القوافي

صح لسانك وبيض الله وجهك

يابوعبدالله

دمت بخير

صح لسانك يالقرم لاهنت على الابداع

دمت بخير

[منيع]

ابيات رائعه
بارك الله فيك
تحياتي

[حي الضمير]

ابوعبدالله صح لسانك وكلك وربي انك متمكن حيل (ماشاءالله)
قصائد تكتب وتصبح في طي النسيان
وقصائد تكتب لاتفارق ذاكرة الانسان
كحال تلك القصيده وغيرها من القصائد المليئه بالحكم والنصح