ليله غريبه بحيّنا

[الطائر المهاجر]

ليله غريبه بحيّنا/ ماهي مثل كل الليال= صوتٍ كسر صمت السنين/ وما عرفنا من سكينه
صوت الرصاص وطائره/ من فوق راسي في المجال= ترصد طيورٍ ذائره/ من بعد فعلتها المشينه
عقل انغسل/ صابه شلل/ يبحث عن دروب الزوال= مسحور والساحر هُبل/ يصدر له امره من عرينه
برمجه صوره قبل صوت/ القتل شغله بالختال= روبات يمشي بالرموت/ وان ما مشى يقطع وتينه
يدفعه يبحث عن هدف/ ويقول له يا عزّ غال= فجّر ودمّر لاتخف/ فالشر كله في المدينه
وان كان تقتل لاتخف/ تذهب لحور وقصر عال= مثل الذي قبلك سلف/ شفت الكرامه في جبينه
يقتل بلا رأي سديد/ ابكل غدرٍ واختيال= والساحر الخادع بعيد/ وراه حتماً من يعينه
كلش ولا أمن الوطن/ يامن تريده باشتعال= تريد يغرق في الفتن/ من شان احقادٍ دفينه
مهما اختلفنا نلتقي/ فالأمن فوق الإحتمال= ومن هو بشرّه منتوي/ يلقى لدينا مايهينه
ماظنّ عاقل يرتضي/ نصبح كما جار الشمال= ولا ظن قلبٍ ينبضي/ يقبل بتخريب السفينه
مهما يكن حنّا بخير/ نحسد على امنٍ وحال = وما فيه كامل/ غير ربٍ من أمانه نستعينه

[الطائر المهاجر]

من القصائد المنسيه

[منيع]

صادق يادكتور
شكرا لك
تحياتي

[داعي الشوق]

صح لسانك واعتلا شانك
جزالة ومعنى ولاهنت

[الطائر المهاجر]

شكرا منيع
على كريم المتابعه
لاهنت
اطيب التحيه

[الطامي]

صح السانك
قصيده تحكي الاحوال
لاهنت

[الطائر المهاجر]

شكرا الطامي
على كريم المتابعه
لاهنت
اطيب التحيه