مرثيه في الشيخ /سعود العماج القحطاني

[سالم منصر الجعيدي]

الشيخ /سعود بن محمد العماج رحمه الله أحد مشائح قبيلة قحطان وأحد رجالات الملك عبدالعزيز
توفي وهو شامخ كما كان عرف بالولى لولات أمره وبكرمه وطيبه وحسن جواره وأنا كنت قصير له في العماجيه وعندما سمعت خبر وفاته عزيت الشيخ/عبدالله بن سعود أبن المرحوم وكافت أخوانه ....
ولم أجد مااقوله في الشيخ إلا قصيده تذكر بعض مواقفه لإنه بحر من الانجازات رحمه الله

هلّت مدامع نجد من فقّدت سعود=وانا بعد عيني على سعود هلّت
دمعي على العماج ماهوب منقود=اللى يمينه بالمراجل تحلّت
تاريخ مطلق باع ماهوب محدود=اسمه كبير ومعه أسامي تعلّت
الاسم خالد والفعل ذرب مشهود=ومناكبه ياما مع الوقت شلّت
بيته طرف والباب ماهوب مردود=وبشته ذرى ظافي والاطراف ظلّت
إليا زبنّه إللي من الوقت مضهود=يضحك حجاج وعنه الاوجاع ولّت
غيره يمد الجود لكنّه يزود=مات ويمينه بالعطاء ماتخلّت
مرحوم ياعودن قضى خمسه أعقود=شارك وعارك والبلد فيه هلّت
يالله ياعالم بما كان مجحود=يلّي عبادك وحّدة لك وصلّت
ياناصرن موسى ويامنجين هود=يامنقذن ذالنون بمرك تجلّت
كل الكبار تروح بمرك مع النود=أنت الوحيد ومنّك النفس ذلّت
أنت الرحيم أنت الغفور أسمك الجود=لاجود غيرك كُل أسماكَ جُلّت
أدعيك يالله تغفر لعبّدك سعود=رُحماك خشيه مِنك ألاعيان بُلّت
وجّبر عزى اللي في البلد يبكي العود=وألهم ذويه الصبر بلي أُحلّت
مامات لا مامات عايش وموجود=بعده رجال كفو في إللى تولّت
هلت مدامع نجد من فقّدة سعود=وانا بعد عيني على سعود هلّت
دمعي على العماج ماهوب منقود=إلى يمينه بالجزاله تحلّت

رحم الله سعود العماج
تحياتي
سالم منصر الجعيدي

[عذب القوافي]

الجزل / سالم الجعيدي

صح لسانك على هالوافيه بحق

الشيخ / سعود العماج يرحمه الله

الذي صليّ عليه في جامع الراجحي

ودفن في العماجيه رحمه الله

وأسكنه فسيح جناته

نص وافي من شاعر وافي

تقديري ,,,,,,

[عبدالله راشد الثويني]

رحم الله سعود العماج واسكنه فسيح جناته
أبدعت يالغالي كفيت ووفيت نـص أقل مايقال عنه بإنه رائـع
صح لسانك مليـون ولا يكفـون طامعيـن بالمزيد من روائعك
تقبل مروري

[منصور العبدالله]

رحم الله الشيخ سعود العماج

وصح لسانك

واعتلا شانك يالجعيدى

[الطامي]

الجعيدي
صح السانك ملايين
ورحم الله الشيخ وغفر له وادخله واسع جنته
انت تقول وهو يستاهل
شكرا لك

[نجم الإبداع]

رحمة الله عليه وامات المسلمين

وصح لسانك على المرثيه الرائعه ياسالم

واهل الطيب لاشك ان لهم قدرهم احياء واموات

لاهنت

تقبل مروري

وتقدري

[رفيعة الشان]

رحمة الله عليه
شاعرنا الجعيدي ماقصرت
مرثية وافيه واجدت فيها
فصح الله لسانك مليوون


ولاااهنت

[داعي الشوق]

صح لساآآنك يالشاعر سالم

يستاهل ابن عماج كل علم طيب

و راع الطيب يذكر بالخير دائما

وافي يالجعيدي وافي

صح لسانك مع التحية لك

،،،،،،،،،،،،،،،،

[زهرة اللوتس]

رحم الله الشيخ سعود العماج

وصح لسانك وبيض الله وجهك


يالجعيدى مرثية وافية

تحياتي

[حوريه]

رحم الله الشيخ سعود العماج

قصيده وااافيه من شاعر وااافي

صح قلبك يا ساااالم

ودااام نبضك

.