شيّدت قصر الفطاحل واعتلى شانه

[الطائر المهاجر]

شيّدت قصر الفطاحل واعتلى شانه = من كل شهم همام قايم بدوره
ربعي النشامى فهم من يرفع اركانه= ومعهم بنات الفخر من كل غندوره
مجلس شياهين ما للبوم به خانه = ومجلس حراير ولا به عين مكسوره
والقصر واضح يشوف الكل عمدانه = عدل ومساواه في التنفيذ والشوره
من جاز له قصرنا واعجبه بنيانه = فيا مرحباً به ونفس الكل مسروره
مسكنه وسط الفؤاد ونبض شريانه= تاج على الراس لو تبعد به بحوره
ومن كان في نيّته ما يخلف اعلانه= ماهوب منّا وندري خافي سطوره
والقصر ماهو حكر لفلان وفلانه = ومن شاف نفسه فلا نحتاج له صوره
القصر للكل كلٍ زاد عمرانه = فيهم يفاخر وهم من يحتمي سوره

[الطائر المهاجر]

انا اشهد انه قصر بالروح له خانه=قصر الفطاحل غدى للشعر بلوره
يا زين ماينكتب بايمان سكانه=مثايل(ن) تنقرى بالصوت والصورة
والقصر لين انبنى واعتليت اركانه=فانتم له العز وانتم دايم(ن) نوره

ابو زياد

[الطائر المهاجر]

تسلم لنا يا ضمير الطيب ولسانه = ياشاعرٍ يبدع القيفان بسطوره
يامشيدٍ فوق عالي الطيب بنيانه = قصرٍ تعلى السحاب وشعشع بنوره
قصرٍ خذ الشعر والشعار ميدانه = يجمع به اهل الوفا من كل معموره

يزيد النمي

[الطائر المهاجر]

جيت القصر قبل ماتنهج بيبانه=واشهد لقيته وسيع وشعشع بنوره
له مجلس(ن )واسع(ن) ما تلحق اركانه=والعود من رَ بعته هو سيد عطوره
عموده الشهم هو من شاد بنيانه=حط السياسه وعزز أمنه وسوره
فيه التقينا وكل(ن) عالي(ن) شانه=نعم لقينا الفطاحل أصل مع صوره
للكل مني سلام(ن)بان عنوانه=ياحبنا للقصر واهله وناطوره

ابو أنس

[راجي الحاج]

ومن كان في نيّته ما يخلف اعلانـه ==== رادارنا يكشف اللي تخفي سطـوره


الله يعلي شانك

ويحفظك للجميع

ويقويك يا دكتورنا

[الطائر المهاجر]

شكرا لك اخي راجي
للمعلومية فردود الإخوان الذين وضعت اسمائهم تحتها
انحذفت مع ما انحذف في بداية رمضان ولم استطع ارجاعها
كما كانت ، فنقلتهاووضعت اسمائهم تحتها فقط
تحياتي الطيبة

[الأموره]

صح لسانك يالمهاجر ،،

و عسا ربي يوفقك دوم ،،

الف شكر لك ،،

دمت برعاية الخالق ،،

[الطائر المهاجر]

شكرا لك الأمورة
على كريم الحضور والتفاعل الرائع
تسلمي يالغالية
مع أطيب تحياتي

[الطائر المهاجر]

هذه القصيدة من ضمن القصائد
التي انحذفت العام الماضي
وتمكنت فقط من نسخ بعض الردود
من عند المستضيف ، واعدت نشرها
وذيلت الرد بإسم صاحبه
فشكرا لهم جميعا

[الطامي]

الطائر
ماشاء الله عليك وعلى القصر
فعلا قصر شامخ بأذن الله تعالى
شيّدت قصر الفطاحل واعتلى شانـه=من كل شهـم همـام قايـم بـدوره
ربعي النشامى فهم من يرفع اركانـه=ومعهم بنات الفخر من كل غنـدوره
مجلس شياهين ما للبوم بـه خانـه=ومجلس حراير ولا به عين مكسوره
لاهنت اولا واخير
وصح السانك
شكرا لك