قصيده اترك لكم كتابة عنوانها (فشاركوني)

[عايض ابوشيبه]

يأفهيد روح للشعيب الموالي=وأحطب اجلال السمر وأترك أدقاقه
نبى نجهز من صفار الدلالي =للضيف والا لجتماع الرفاقه
جمع النشاما ياالخوي شف بالي=في مجلسن مافيه راعي طفاقه
المجلس اللي ماتجيه الرجالي=ياالله عسى راعيه تنقص ساقه
واللحيه اللي ماتحب المعالي=ودك تعرضها لموس الحلاقه
وأنا بها الدنياء فقدت أحتمالي=لاجيت ابفتح باب زاد انغلاقه
دنيآ سقتنا كاس مرن وحالي=خلت لنا بالحزن وصل وعلاقه
فيها الشجيع اليوم ماله مجالي=والخبل بأفلوسه كسب للطلاقه
والحكم فيها صار حكم الريالي=لازم يجي بينك وبينه صداقه
لازم يصير المال عمن وخالي=وأهم عندك من جواز وبطاقه
المال يستر عيب شين الخصالي=ويلبس المفضوح طيب ولباقه
وإن كنت طيب نفس والجيب خالي=يبين في وجه المنافق نفاقه
تصبح ضحيه لأهل قيلن وقالي=لوانت عاقل لبسوك الحماقه
كم من عزيزن بهذلته الليالي=قلبه من اللوعات زاد احتراقه
مايطلب الا من عزيز الجلالي=اللي لخلقه وافر الرزق ساقه

[ماجد الزيد]

صح الله لسانك وجاد بنانك ابدعت يالقرم

[داعي الشوق]

صح لسانك يالشاعر عايض

قصيدة واقعها ملموس

تسلم يا عايض وضعت النقاط على الحروف

دائماً مميز وصح لسانك مع التحية لك ،،،

[الطائر المهاجر]

تميز في الإبداع
جزله من راس جزل
وإن كنت طيب نفس والجيب خالي
يبيـن فـي وجـه المنافـق نفاقـه
المنافق ينافق مع مليان الجيب
اما الوضيع فهو من يبان على وجهه احتقاره لك
لذلك ارى
يبان في وجه الوضيع الصفاقه
صح لسانك
ولاهنت
تحيتي واحترامي

[العيناء العامريه]

صدقت ...
وصح الله لسانك و تفكيرك .. ولا هنت

[الـزلـزال]

عايض ابوشيبه


يحلو لي بأن أسمي هذة القصيدة بـ

قصيدة الأبداع من المبدع

صح لسانك ملايين ولله درك

تقبل فائق تحياتي

[حي الضمير]

صح لسانك وقلبك شاعرنا الرائع عائض ابوشيبه

قصيدة جزله وابدعت كعادتك ياعائض

[منيع]

ابيات رائعة
اجدت وابدعت
شكرا لك
كل الود والتقدير
تحياتي

[سناعيس]

الشاعر عايض ابو شيبه
صح لسانك ولله درك على هذه الرائعه
ولايهمنا المسمى بقدر مايهمنا الاستمتاع والاستفادة من بوحك العذب
لاهنت وبيض الله وجهك
وعلى شان مانبخس حق أي بيت من أبياتها أبسميها ( يافهيد )
ونعم فيك وفي من سنتدها عليه

تحياتي

[الخنساء]

صح لسانك اخي الشاعرعايض

لاهان راسك قصيدة راائعة

وعنوانها كرم الضبافه

سلمت وسلم شعرك

دمت بخير