ماليزيا و اسبيرانزا (كوالالمبور)

السلام عليكم ورحمة الله


الموضوع هذا المقصود منه تعريف الرحال العربي بجميع المناطق في ماليزيا باسلوب مختلف و ممتع.

كل اللي اطلبه منكم هو انكم تشجعوني اكمل الموضوع الي نهايته بمشاركاتكم الجميلة.

ارجو ان يحوز على رضاكم.


_______________________



(ماليزيا و Esperanza)



( كوالالمبور )


اسبرانزا: ماليزيا ممكن سؤال بسيط؟
ماليزيا: تفضل يا اسبرانزا هات ما عندك.

اسبرانزا: انا ارا و اعتقد بانك مغروره و بشكل كبير ، انتي دايم مزعجتنا في التلفزيون و الراديو و ايضاً الجرايد بانك جميلة و ساحره و ان مافية بلد في اسيا بمثل روعتك ، لا و زياده على كذا تقولي انك اسياء الحقيقية؟
ماليزيا: انا يا اسبرانزا ما قلت الكلام هذا من فراغ ، انا قلت الكلام هذا لاني اعرف الشي هذا ولاني اعرف ان كل من زار ماليزيا يومن بالشي هذا.

اسبرانزا: ماليزيا لكي الحق بان تقولي الكلام هذا عن نفسك (القرد في عين امة غزال) ، ولاكن انك تقولي بان كل من زار ماليزيا يومن بالشي هذا ما اعتقد انه صحيح ، يعني انا قرات في بعض المنتديات بان جمالك وسحرك مبالغ فية و كان هناك عدد من اعضاء هذا المنتديات من ينتقدك بشده ، حتي ان احد المواضيع كان يدعو الا عمل اضراب عن استخدام سيارات التكسي عندك بسبب استغلالهم للسياح.
ماليزيا: اسبرانزا انا ممكن اشرح لك و اصف لك سحري و جمالي لايام و ايام ، ولكن في النهاية ممكن ما تصدقني و تقول اني ابالغ في وصف نفسي ، عشان كذا انا بودي انك تجي معي و تزورني و تشوف جمالي الحقيقي ، ونا متاكده بانك بعد نهاية جولتك في ارجاي بتقع في سحري و تعشقني كما عشقني من هم قبلك. وكل الي ابغاه منك انك تفرغ نفسك لمدت ثلاثة اشهر عشان تتاح لي الفرصة بان اتجول بك في في كل ارجائي.

اسبرانزا: بدينا في الغرور مره ثانية ياماليزيا ، طيب قولي اني صدقت كل كلامك و وافقت اني اجي معك ، انا رجال اطفر من الطفراً من وين اجيب قيمة التذكره و المصاريف وزياده على كذا عندي مدير في العمل لو بقوله اني ابغا اجازه لمدة 3 ايام طردني من مكتبه و قال لي اروح اشوف شغلي و اخلي عني الاهمال في العمل ، فمابالك لو بقولة اني ابغا اجازه لمدة ثلاثة اشهر ، والله ان القاء ملفي الوظيفي مع الحراس عند بوابة المستشفي اللي انا اشتغل فيها ، و اول ما يشوفوني الحراس يجدعون الملف في وجهي و يشوتوني بوز مع الباب .
ماليزيا: فيما يخص التذكره و المصاريف لا تشيل هم ، انت ضيف على محفول مكفول ، اما بخصوص مديرك في العمل فنا عندي لك راي ، اعطي مديرك تذكرتين سفر الي عندي شاملة الاقامة و المصاريف لمدة شهر بالمجان ، فاوش رايك.

اسبرانزا: ماشاءالله عليك يا ماليزيا وش كل هالكرم اكيد انك من احفاد حاتم الطائي ، ومدام انك كريمة ونا استاهل ماعندي اي مانع اروح معاكي. اما بالنسبة للتذكرتين الي بتعطيها لمديري فهي فكره زينه مع انه ما يستاهل.
ماليزيا: ممتاز ، اجل جهز نفسك يا اسبرانزا عشان نمشي الحين.

اسبرانزا: ماشاءالله عليكي حار بحار مافية تضييع وقت ، طيب عطيني بس عشر دقايق احزم عفشي وجي معك.
ماليزيا: افااااااا يا اسبرانزا الحين اقولك انك محفول مكفول ونت تقول لي انك تبي تحزم عفشك ، انت لا تجيب اي شي معك ، انا ابيك تجي معي ولا عليك الا الفنيلة الي على ضهرك. الحمدلله عندنا اسواق من افضل الاسواق في العالم ، كل ما تحتاج لة من الملابس انا اشتريها لك.

اسبرانزا: طيب لا تزعلين انا غلطان ، يلة مشينا و توكلنا على الله ، بس تراني ما ادري وين موقعك من اسياء ولا طول الطريق بالطياره.





ماليزيا: طيب ركز معي يا اسبرانزا ، الخريطة هذي هي لمنطقة شرق اسياء ، انا الاموره الحلوه اللي حولي الخطوط الزرق ، واللي على يساري و على يميني و تحتي هي ديرة الاندومي او زي ما انتم تسمونها العمة اندونيسيا ( Indonesia ) و الي جاية فوقي على اليسار و بيني و بينها حدود صغيره هي ديرت سيام او زي ماهي معروفة الان بسم تالند ( Thailand) ، اما الي جاية فوق من اليمين ولا بيني و بينها حدود برية فهي ديرت الفنس الفلبين( Philippines ) ، اما الديره الصغيره الي جاية في وسطي بالضبط فهي ديرت المريش بروناي ( Brunei ) والله اني اضرس على الديره هذي ودي اشوت المريش هذا واخذ ديرته ، بس يقولون الصبر زين.




ماليزيا: و الخريطة هذي هي نفس الي قبلها بس انا فيها واضحة بشكل اكبر ، شفت يا زيني.




و هذا موقع العاصمة حقتي (كوالالمبور).



اسبرانزا: الله يعطيكي العافية يا ماليزيا على الشرح الجميل هذا ، بس ما قلتي لي المشوار من الرياض الي عاصمتك كوالالمبور كم بالضبط.
ماليزيا: المشوار يعتمد على الطيار ، يعني اذا كان ماخذ راحتة ولا هو مستعجل بيكون في حدود 8 ساعات ، اما اذا كان الطيار مطفوق و حاط رجلة زي طيارنا هذا بيكون المشوار في حدود 7 ساعات.

اسبرانزا: الحمدلله ،، وصلنا ، والله المشوار ، هاه يا ماليزيا وين نروح الحين.
ماليزيا: بوديك الحين للفندق ونشاءالله بدري الصباح ناخذ جولة على كولالمبور.

اسبرانزا: اصبحنا وصبح الملك لله الواحد القهار ، والله الجو جميل في الصباح ، هو جوكم يا ماليزيا كل يوم كذا.
ماليزيا: مشينا يا اسبرانزا ترا ورانا مشاوير كثيره.

اسبرانزا: توكلنا على الله بس تكفين كل محل نروح له حاولي تعطيني تفاصيلة.

ماليزيا: ولا يهمك بس اول شي نبغا نسوية هو ان احنا ناخذ لفة على كولالمبور على متن الهيلكوبتر الخاصة حقتي عشان تاخذ فكره عامة عن المدينة.
اسبرانزا: !!!!!!!!!




ماليزيا: هذي وسط المدينة ، شفت محلاها .








ماليزيا: وهذي طبعاً برجي شركة البترول حقتي بيترونس.







ماليزيا: يلة خلاص انتهت اللفة ، يلة انزل خلنا نركب اللموزين حقي و ناخذ لفة في الشوارع.
اسبرانزا: بس ، هذي اللفة دقيقتين بعدين تقولين خلصنا ونزل ، وين راحت نفخة النفس الي من شوي ونتي تقولين "الهيلكوبتر الخاصة" :sh:
ماليزيا: انت و ديرتك هي السبب رافعين اسعار البترول صرت معاد اقدر ادفع بنزين الهيلكوبتر ، بعدين انا لازم اكون نموذج للمواطن الماليزي المتقشف.











ماليزيا: وهذي ابراج البترونس ، كحل عيونك يا اسبرانزا انا عارفة انه ما عندكم زيها.
اسبرانزا: اية هين ، شكلك ما شفتي المزيونة الفيصلية ، ولا شفتي الباهره المملكة. صحيح اني مابعد شفتهن من جوا ، لاني كل مره اروح لها يطردوني و يقولون للعوائل بس ، لكنها ازين من مبناكم هذا الف مره. )
ماليزيا: طيب انا مصدقتك بس تعال خلنا نخلص و ناخذ لفة في المدينة.


( يتبــــــــــــــــــــع )

(بقية الموضوع)








ماليزيا: هذا شارع السلطان اسماعيل و المبني هو مبني بنك HSBC





ماليزيا: هذا بعد شارع السلطان اسماعيل ، بس الغريب المبني هذا ما قد شفته من قبل ، الضاهر انه جديد و ما بني الا امس.
اسبرانزا: هذي ما تنتصرف ، وشلون مبني في ارضك ولا تدرين وشو ، الضاهر انك الله بالخير.

ماليزيا: هو يعني انا لازم اعرف كل صغيره و كبيره ، انا مشغولة ولاني فاضية للشيا هذي.
اسبرانزا: كل هالمبني و" صغيره" !!!





ماليزيا: وهذا شارع بودو.
اسبرانزا: والله من زين الاسم





ماليزيا: هذا شارع بوكيت بنتانق.





ماليزيا: هذا شارع امبانق.





ماليزيا: وهذا البرج حقي





ماليزيا: وهذي حديقة في وسط مدينتي ، شفت وش زينها ، ونتم ما عندكم الا حديقة الفوطة.







ماليزيا: وهذي نافوراتي وتراني انا اللي مصممتهن بنفسي.





ماليزيا: هذا فندق استانا.





ماليزيا: هذا فندق المنديرين اورينتال.





ماليزيا: هذا فندق السويس قاردن.







ماليزيا: هذا مبني السلطان عبدالصمد.





ماليزيا: وهذي مباني فنادق الويستن و الماريوت ، ولي تحت هو مطعم عدن.
اسبرانزا: ماشاءالله عنكم مطاعم عدنية ، اجل اكيد عندكم زربيان.

ماليزيا: هاه زربيان؟؟ وشو ذا.
اسبرانزا: لا ولا شي (غاثتني و مزعجتني بمطعم عدن ولا تدري حتي وشو الزربيان).









ماليزيا: وهذي مجموعة من المباني الصغينونة.





ماليزيا: هذا مسجد جاميك.





ماليزيا: اسبرانزا وش انت قاعد تسوي!!! عيب عيب البس قميصك ترانا في الشارع ، انت انهبلت اصبر وش انت قاعد تسوي ؟؟ انت تعال وين انت رايح, والله انك مهبول فية احد يفصخ قميصة و يبدا يطامر تحت المطر.
اسبرانزا: ايهههه يا ماليزيا اصلك ما تدرين يا في قلبي حرقة على المطر ، ترانا ما نعرفة في الرياض ، لا و اذا جانا مطر يكون نصفة طين من العج و الغبار. بس الحين طاح اللي في راسي ، الحين شبعت من المطر.

ماليزيا: والله انك مهبول ، شفت الحين خربت ملابسك ، يلة مشينا خلنا نشتري لك ملابس جديده.
اسبرانزا: يعني لازم اقوم بالحركة هذي عشان تتذكرين انك تشترين لي ملابس.



















ماليزيا: مجمع سوق سورايا (Suria shopping complex).







ماليزيا: مجمع سوق المربع العاشر (Lot 10 shopping complex)





ماليزيا: مجمع اسواق ميدفالي (Midvalley shopping complex)




ماليزيا: مجمع سوق بي بي بلازا (BB Plaza Shopping complex)






ماليزيا: مجمع اسواق سينق وانق (Sungei Wang shopping complex)





ماليزيا: مدخل السوق المركزي.





ماليزيا: مجمع اسواق سنق واي لاقون (Sunway Lagoon shopping complex)


ماليزيا: هاه يا اسبرانزا عسا الملابس جازت لك.
اسبرانزا: والله انك يا ماليزيا بنت اجواد ، ملابس من فرساتشي يا زينهن زيناه ، اقول تكفين اذا مشينا لا تمشين جمبي ، على هلملابس الزينة الناس بيحسبوني وزير ، و كود الله يرزقني خير.
ماليزيا: طيب يا الوزير مشينا ترا الوقت تاخر و لازم نرجع للفندق.























اسبرانزا: مالزيا ، ديرتك حلوه ومنوره باليل ، طبعاً اكيد كل هذا من نورك.
ماليزيا: اقطع وخس ، الحين من شوي تقول لي لا امشي جمبك و الحين قاعد تغزل فيني.

اسبرانزا: والله انك زعولة ، تراني كنت امزح. ممكن اذا تسمحين مدامنا عند البرجين اطلع و القي نضره على المدينة من السطح.
ماليزيا: اية اطاع طلعت روح تراك انت اللي غثيتني.





اسبرانزا: كوالالمبور باليل


( اذا لم تظهر بعض الصور اعيدو تحديث الصفحه او قومو بوضع مواشر الفاره على الصوره ومن ثم اضغطو الزر الايمن للفاره و قومو باختيار اظهار الصوره)



( بهاذا ينتهي الجزء الخاص بموضوع ماليزيا و اسبيرانزا في كوالالمبور)

[ثار التميميه]

خخخخخخخخخخخخخخخخخخ

واصل وكمل

موضوع روعه

واسلوب شيق

وبيني وبينك

تعال هنا لحد يسمعنا

7
7
7
7
7
7
7
7
7
7


ياخي والله ان ماليزيا حليمه وصابره عليك ولاقصرت معك

خف عليها شوي لاتفشلنا

ثار التميميه

ايه انتم يا الحريم دائم تفزعون مع بعض

مدري ليه انتم علينا ، ترانا والله ضعوف.


لكي الشكر على المشاركة الكريمة

[الريم]

وااااااااااااااااو والله شكلها مره حلووه ودي اروح لها مره كلن يمدحها هالماليزيا تسلم ويعطيييك العافيه على الموضوع الحلووووووو وصياغتها الاحلى يا اخوي

الريم


هلا بخيتي الصغيرة


ماليزيا مثلها مثل معضم دول شرق اسيا فيها من جمال الطبيعة الكثير.

لكن مشكلة ماليزيا اصبحت كثر السياح و الاستغلال اللي يصاحبهم


مشكوره على المشاركة الكريمة

[السريع]

بارك الله فيك
جميل ما قرأته
تحياتي

[المؤذن]

لك الشكر
على ما فاض به قلمك
تحياتي

[المورد]

مشكور
على ما افدتنا به
تحياتي

[نديم الحيارى]

جزاك الله خيراً
على ما افدتنا به
ودي واحترامي