جمعية الحاره المعنيه

[الطامي]

البارحه وانا اتقضى اغراضي = وسط جمعية الحارة المعنيه
والبلاك بيري فاتح بلوتوثه = حتى الرقم والنك بالماريه
لاهي ومشغول اتابع سوقي = والمجتمع مخلوط مابه زيه
لحظه ولاي الصوت من جوالي = يظهر رنينه صايدٍ اخيه
برسالته اهلا ممكن نتعارف = جاوبته باهلاعيوني تيه
سألني من اي الجماعه انتى = اسمي حمد وانته من اي عينيه
جاوبت انا رجل وهذا نكي = اهلا حمد يابرك هالجمعيه
حاورته لعلِه يبدل قوله = وهو حاورني كود اكون بنيه
طال الكلام وقلت له اسمعني = فرصه سعيده بالتعارف ذيه
وارسلت له اسمي مع عنواني = لعل يصدقني ويعرف اخيه
وارسلت له معها مثل متداول = لعل يوعى به ويترك غيه
ماهو بهين شطب معلوماتي = واغلق جهازه مايبي الرديه
يامن مسك رجله بالخيزرانه = تأديب مابه رحمه وحنيه

[الفاخري]

شكرا لإمتاعنا بإبداعك
لاهنت
تحياتي

[عبدالعزيز العمار]

صح لسانك يالطامي ولاهنت

ماشاءالله عليك حتى انت طحت في البلاك بيري ههههه

عاد تصدق اني ماهضمت هالجهاز مدري ليش...

ماقصرت يالطامي وقصيدة طيبه لاعدمتك

تحياتي وتقديري

[كظيم]

الطامي
صح لسانك وفكرك
نص جزل بفكرتـه ومعانيـه
لله درك
تقبل مروري المتواضع لاهنت
ودي وتقديري

[الطامي]

الفاخري
صح بدنك
وشكرا لمرورك

[الطامي]

ع بن عمار
صح بدنك
وشكرا لمرورك وتعليقك
نماشي العولمه وانا اخوك
هههههههههههههه
شكرا لك

[الطامي]

الوقيدي
صح بدنك
وشكرا لمرورك وتعليقك
لاهنت

[عبير الورد]

هههههههههه

صح لسااااااانك ملايين

سلمت وسلم منطوقك الجزل

ربي يعطيك العافية

[الطامي]

عبير الورد
صح بدنش
وشكرا لمرورش وتعليقش
لاهنتي

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة