(( // * $ * عــــــــــــــالــم * $$ * الـــحــــــــــــــب * $ * // ))

[محمد العسكر]

ودي


ودي


ودي



بقيت بعالم الحب


وياه



لاشك



ماجااااني على الكيف


ودي


راحت بي سنيني وقفت

مطاياه


مدري عناد الوقت


والا



والا



والا




والا تحدي ....!!
.
.
.
.

ودي بقيت بعالم الحب وياه=لاشك ما جاني على الكيف ودي
راحت بي سنيني وقفـّت مطاياه = مدري عناد الوقت والا تحدي !!
ماعاد باقي غير تالي بقاياه = اللي توصلني من الشوق .. حدي
أهيم لامن المساء جاب طرياه = واسج ّ بفجوج الصحاري وامدي
ذكرى وشبت في خفوقي من اقصاه= قامت معه في بعض الاحوال ضدي
أثر الغلا فيني مسوي سواياه = والحال عقبه من عناه امتردي
درب ٍ مشيته ماتمنيت ممشاه = صار الهوى مع جاير الحظ ( ندي )
وين الحبيب اللي له الروح تفداه = طالبك انا ياسود الايام ردي
نزف المشاعر مالها غير شرواه = وعليه بلّت دمعت العين ( خدي )
صبرت وادري ما تحمّـلت فرقاه = وبيـّـحت من زود العناء فيه سدي
بين الضلوع القلب صوّت وناداه = وشلون يقاوم جزر الاشواق مدي
تعبت من دنيا المتاهات والآه = ليت الفرح لحظات يمي يلدي
حتى المساري لو تمنت تمناه= ذيك الليالي ما عليها تعدي
فوق الخيال اللي على البال عشناه = ملكت قلبه وامتلك كل ودي
لو كان غيره يمكن انا نسيناه = لكن بعض الناس ماله مسدي
لولا الامل في دنيتي حي لولاه = ما كنت اجامل في ظروفي واعدي
عودت نفسي اكتم الجرح وارضاه = ولا زادت جروح الزمن قمت اهدي
تبقى الحياه بدون شوفه معاناه = ويومه معي ماحد ٍ من الكون قدي
سبحان رب ٍ صوّره كيف سواه = لحد الجنون الزين مـنـّـه يودي
متى على الله التقي فيه والقاه = وارتاح من طول التعب والتحدي

شعر / محمد العسكر
واعذب الود لقلوبكم
النابضه بالحب

[حي الضمير]

الشاعر القدير محمد العسكر صح لسانك على هالقصيده العذبة

ولا جديد عندما يبدع العميد

[بارقةأمل]

يسعدني أن أكون من الأوائل الذين ردوا على قصيدة
للشاعر المبدع محمد العسكر
هطول رائع
كلمات تنبض بالأحاسيس
وتفيض بالمشاعر الجياشة
دام نبض حرفك ونزف قلمك
وبوحك الراقي

[ملاك الصمت]

ذكرتني بقصيدة الشاعر الراقي / ناصر القزلان..........

ودي ولكن كيف تحقيق ودي

عيا زماني لايجيلي على الكيف .

الشامخ ... العذب ... محمد العسكر
اسم اقترن بالإبداع

ابداع الى حد الامتاع ..

تأتي ومعك أغصان العشق متدلية من أشجارها ..

لتعانق الطير وتشدو له لحن السمر ..

ولااستطيع الا ان اقول دائماً وابداً أنت شاااااعر فوق التعليق ....

سعدت بمعانقة هذهـ الدرهـ

[محمد العسكر]

<<<<<<<<<<<<<<<<<<<<<<<<<<<<<< <<<<<<<<<<<<<<>>>>>>>>>>>>>>>> >>>>>>>>>>>>>>>>>

[الخنساء]

لولا الامل في دنيتـي حـي لـولاه
ما كنت اجامل في ظروفي واعـدي
عودت نفسي اكتم الجرح وارضـاه
ولا زادت جروح الزمن قمت اهدي
صح لسانك اخي الشاعر محمد
لاهان راسك قصيدة رائعة
ترجمت المعاناة
سلمت وسلم شعرك
دمت بخير

رائع قلمك الذى أستطاع أن يجسد ذلك النزف

بتلك الكلمات المتألقة الرائعة

[الجابر]

صــــــح لسانـــــــك و اعتلى شانـــــك وربــــي أبد لا هانـــــك

نتريـــــا يديــــــدك ^_^ لا تتأخر عليــنا

سلامــــــي

يعطيك الف عافيه على الكلمـات

لك مني ارقى واجمل التحايا

تحياتي

[عبدالرحمن الصباح]

الف مليون صح السانك ولاتكفي رائعه من شاعر مبدع اسجل اعجابي وتقديري اخوي الفاضل