كشكول بارقة امل

[بارقةأمل]

خلي هجرني تكفى ياموت زرني
وان ماقدرت دلني مكانك وانا اجيك

مابي حياتي دام خلي هجرني
مابي حياتي دامه يقول مابيك

يدري بظلم الناس يدري وظلمني
واكد كلام اللي يقولون ناسيك

لكن قبل لاتاخذ الروح مني
باسأل حبيبي كم سؤال واخاويك

وشلون قلبك ياحبيبي تركني
وتد ري بخفوقي كم له سنين هاويك

وماتدري بعادك وصدك ذبحني
وما تدري عن دمع نثرته وانا ارجيك

اسال جميع الناس وش صار عني
اسال وش اللي صار في حال مغليك

لوعلموك وش كثر همي وحزني
من يوم حبي انتهى وصار ماضيك

لو علموك عن قلبي اللي يوني
مطعون يصرخ يشتكيلك يناديك

لو عاش عاقل عيشتي كان جني
حالي لو تشوفه بعيونك يبكيك

صار الحزن هو لعبتي صار فني
ابكي ندم والله الى حل طاريك

ضيقت صدر ويا الهموم اسكنتني
احكي واكمل ولا ماقلت يكفيك

اللي سمعته بسبتك انت جتني
عطيتني كرهك وانا الحب معطيك

ضاعت سنيني وانا بالحب أبني
قصوور وانهدت سبب فعلت ايديك

جاك الوفا والحب والعشق مني
حتى الوله والشوق والصدق معطيك

قلبي وفالك وانت قلبك خدعني
خدعت قلب كان بالحب شاريك

بكذب وخيانه وغدر قلبك حضني
في وقت قلبي فيه يسهر يداريك

ماكنت أظن قصدك بحبك تذلني
ذليتني من بعد مامت انا فيك

هذي حقيقة بعض مامنك جتني
وبعض اللذي اسقيتني انت با ايديك

ماكنت ساكت خايف بس لاني
ميت بحبك ما أقدر ازعلك واشقيك

حرّمت اقولك من محبتك عطني
مادام غيري في محبته مرضيك

ببعد بعيد واوعدك ما احني
ابشر اببعد ومع حبيبك بخليك

خلصت هرجي الحين ياموت خذني
تاركلك الدنيا بها الله يهنيك

واذا سأل في يوم انا انسان عني
قله توفى والسبب طعن بيديك

قريتوا القصيدة الحمدلله ماصارلي شي من اللي فيهاأبــــــــــــــــد ولله الحمد

[بارقةأمل]

قصيدة اليتيم...يمه علامك ردي الصوت تكفين...

هذي القصيده قريتها بمنتتدى وحبيت انقلها لكم يمه علامك ردي الصوت تكفين...

يمه علامك ردي الصوت تكفين
......................ردي علي الصوت لا تذبحيني

اصرخ وانادي واتبع الصوت صوتين
......................يمه ويمه لين باح الكنيني

قالوا علامك لاتخلي المصلين
.....................بوسط الجنايز مايجوز الونيني

امك خذوها من رجوه المصلين
......................شف دارها مابين رمل وطيني

خذاني الهاجس وانا بين نارين
.......................قبل آصله مابين شك ويقيني

استغفر الله ليه ياحظي الشين
......................حتى المنيه ماتبيها تجيني

يمه حياتي ارهنه بين كفين
......................كفينك اللي عطفها محتويني

يمه حياتي لو تساوي ملايين
.......................فدوه ..وفدوه مابقى من سنيني

يمه وداعك زود الهم همين
.......................هم يروح وهم بعده يجيني
يمه وداعك زود الهم همين
......................هم يروح وهم بعده يجيني,,!

وسلامـــــــــــــــــــــــــتكم

[شموخ سدير]

أولا مبرووووووووووووووووووووووووووو ووك وكلووووووووووووووولووووووووووو لييييييييييييييش


يام الزوز واخيرا مابغيتي هههههههههههه

بس ياوخيتي انا مانيب قاريتن ولاقصيده من هاللي حاطتها ياختي انا سمعة انشودةأحتاج إليك يا امي

وعجزت انام وكل يوم صياح وكلما شفت أميمتي طبيت عليها وصحت في حظنها وبعد لاني محتاجه لها

فعشان كذا لاتزعلين لو ماقريتها وأهم شي اني بدخل وأشيك على كشكولتس فإن حطيتي شي غير قريته

وانا ابارك لتس مرتن أرخرى

وعقبال ماتناقشين الدكتوراه ههههههههههههههههههههههههههههه

[بارقةأمل]

ههههههههههههههههههههههههههه
الله يقطع شرتس شموخ قولي آمين عسى الله لايحرمك من أمك
وعسى أمي في جنات الفردوس الأعلى ويجمعنا بها ربي
آآآآآمين

أنا حطيت هالقصيدتين لأنهم أثرت فيني كثير

وأنتظري مني الشخبطة واللخبطة ومن كل بحرً قطرة نفسي أجرب الحوسة ههههههههههههههه

[بارقةأمل]

إستلموا أول الهسترة اللي من غير شعور
تصدقون كنت كل يوم أدخل أقول بفتح كشكول ليش في ظنكم لأن عاجبتني كلمة كشكول هههههههههه أمزح
المهم الاقي اللي يردني أنشغل لكن اليوم صراحة المكان كئيب إختبارات وبنتي ماجابت خبر
إذا سمعت صوت التلفزيون جت تركض وإذا قلت هاتي الكتاب قالت بنام وإذا مسكتها غصب قالت أبي الحمام
ويالله إنطر ياحمار لين تطلع بنتك من الحمام والله ترصني رص مثل مايرصون الكنيز
اليوم مطرفة على الصياح خلاص معقولة ماعندها إحساس هالبنت إحساسها ميت؟؟!!!!
المهم هذا كشكولي وبنفس عن مكنوناتي خخخخخخخخخخخخخخخ فيه وأدبل تسبودكم

المهم هذي يومين راحت والبنت ماقرت إلا عشر صفحات بعد ماطلعت في راسي نخل

[سناعيس]

الأخت الفاضله أم زياد
أولا مبروك الكشكول
ثانيا باين من أولها انه بيطلع كشكول رائع وستستمتع به كلما مررنا به
ثالثا أتمنى لك ولإبنتك التوفيق والنجاح وتفرحين في كل عيالك إن شاءالله
رابعا ربما نتابع هذا الكشكول الرائع بصمت فلا تؤاخذيننا إذا لم نعلق <<<<<<< انانيين بنستمتع وبس
خامسا انبسطي ذكرت كلمة كشكول خمس مرات <<<< كله على شانك تحبين كلمة كشكول طلعو ست مرات من قدك

تحياتي

[الخنساء]

هلا ام زياد

والف مبرووووووووووووك

بس والله من اولها حزن

نقلك رائع ومؤثر

بانتظارك حبيبتي

دمتي بخير

[بارقةأمل]

هلا وغلا أخي سناعيس نور الكشكول بحضورك الرائع
ومرورك وقرائتك حتى دون تعليق شرف لي وأنا صدقني ما أواخذ على هالأمور التعليق للي بيكون عنده تعليق لكن إذا ماعنده شي أكيد بيكتفي بالقراءة راس ماله كشكول يعني شخبطة وصرقعة
وأنا مثلك ممكن أمر على الكشاكيل وأقرى ويمكن نادراً ماتجدي لي تعليق طبعاً لأن الأغلبية إفتتحوا كشاكيلهم قبل إنتسابي لموقع الفطاحلة
تحياتي لك أخي سناعيس

[صعبة المنال]

الف الف الف مبروك يا ام الزوز
واخيرا على البركة
اقول ايش فيكى على البنت هذا من علامات الذكاء ههههههههههههههههه بس ترى هذا علشان تبيكى تكون لها وحدها شكلها تشوفك كثير على النت وطبع الاطفال كذا بس عادى

على العموم متابعين يا قمر لك حضور ووحشة يا ام زياد


احجزى لى مكان فى الصف الاول جنب سناعيس باشا ابو النخوات الله يسلمه لنا حاكم البيبسى على والحب والمكسرات عليه ههههههههههههههه

صعبة

مبروك قصيده
اكثر من جمـيله