طهور إنشاءالله 000 أيام العياد

[سالم منصر الجعيدي]

السلام عليكم ورحمة الله وبركاته

كل عام وانتم بخير
بعد غيابي الطويل عنكم يامن استفدت منكم الكثير والكثير يشهد الله كان غيابي خارج عن إرادتي
ها أنا أتيت من جديد ولست ظيف بل من أهل الدار إخواني عند عودتي
لم أجد موضوع يكون روح لقصيدتي الاولى بعد غيابي الطويل وماهي إلا لحظات حتي سمعت التباشير بين الناس بعودت حاكم نجد
الامير سلمان بن عبدالعزيز سالما معافافكان هذا هو العنوان والخبر الذي انتظره الكثير
مثلي حمدا لله على سلامت ابوفهدفكتبت هذه القصيده
وقمت بتصويرها على طرقة الفديو كليب وستعرض قريبا على احدا القتوات

آتباشر واسرج القاف بالهرج الوكاد=يوم عود سيدي للبلد سالم بخير
اشهدان اليوم يحسب من ايام العياد=فاضت اعيوني فرح يوم عاد ألنا الامير
الامير اللي جمع طيب خلق الله وزاد=امدحه ماني بالاول ولاني بالاخير
سيدي سلمان اباالخير بالمعروف ساد=مدته منها الغني قال ياحظ الفقير
كل يوم وله مواقيف وافعولن جداد=وبشته الظافي ذرى للمواطن والجوير
وان تكلم كلمته علم منها يستفاد=استفدنا أكثير واللي بقا منها اكثير
واحمد الله والبلد في حجا الرب الجواد=ثم حجا اللي لابغو شي بأمرالله يصير
الحكم لعيال عودن طمر فوق الشداد=عادها بالرمح والعود والسيف الشطير
هد ابو تركي وشرواه كفون للهداد=واحتزم بالدين والله بما ينوي خبير
الموحد جامع الشمل مفتاح السداد= المحنك حاكم الشور لاظاع الشوير
حامل التاريخ قاتل جهل وانهى فساد=انصف المظلوم وانساه ماضيه المرير
واستتم الامن بعد المعارك والجهاد= واصبحت في خير والناس في مليون خير
تحت ظل الشجره اللي لنا في وبراد=دونها ناقف بوجه المخرب والغرير
والسلامه جعلها دوم ياغيث البلاد= العمر رحله والايام لإبن ادم نذير

[الطائر المهاجر]

شكرا لإبداعك
لاهنت
تحياتي

[فهد الغنام]

قصيدة جميله ورائعه ,,,

الله لايهينك ..وتسلم على هالجزله

صح لسانك واعتلا شانك ..

تقبل احترامي وتقديري ..لقلمك

فهد الغنام الشمري

[داعي الشوق]

يا سلام عليك يا سالم

قصيدة طيبة و جزلة

و قاف رائع بالحيل

صح لساااااااااانك مليووون يالشاعر

و الحمدلله على السلامه

و أهلا بعودتك من جديد أخي العزيز ،،،،،،،

بس لا تعودها ،،

ولاهنت

**************

[عبدالإله]

أسلوب ابداعي .......... و قصيدة مميزة بمعناها و مبناها

صح السانك

ولا عدمناك

@@@@@@@@@@@@@@

[الطامي]

الجعيدي
صح السانك ملايين
رائعة جدا ل
اهنت اخي

[عمر ال شيبي]

اهلا بعودك
وصح لسانك لا هنت ابد

[حرف وشعر]

الاخ سالم الجعيدي حياك بين اخواك ومحبيك

ومصافحه جزله من مبدع

تقبل الود

[منيع]

ابيات ولااروع
ومشاعر جياشة وصادقة
كل الشكر لكم
تحياتي

[حي الضمير]

صح لسانك مدد شاعرنا سالم
على هذه الابيات الجزله والشامخه.
لا عدمناك يا مميز