نديم الليالي

[الطائر المهاجر]

نديم الليالي والخساره غدوا احباب = تعود عليها وان شكى بانت علومه
ونا صامت مقهور لو خذت بالاسباب= حلال جمعته راح في خاسر سهومه

هلا بالغالي .. الله يعينك ..

عساها هواين مالها بالقلوب حساب=الارزاق ياخالي من الرب مقسومه
نويت اقلع الددسن واجيكم على دباب =كذا دايم الاجواد ياشيخ مظلومه

[الطائر المهاجر]

وجب لي على دربك بعير بليا ركاب = ابيع المواتر وانحر البر في يومه
واذا مالقيت بعير فحنتر وليا تهاب= ابيعه على كوري وبادل به هدومه

غشانا الزمان اللي تمشيخ به الكذاب = تصدق على ليلى والايتام محرومه
متى يفطن الحارس ويقبض على النصاب= ترا سكة النصاب للناس معلومه

[الطائر المهاجر]

ونرحل بعيد ولا نبي خلقة الاشناب = نقضي بقايا العمر والأنس ديمومه
ونغرس انا وياك في ارضها الاعناب= ونتجر بسرعه مثل كذبان والعومه

يقولون خاف الحبل من ذاق سم الداب = وانا اقول صارت كل الاحوال مسمومه
ترى مالنا مقعاد هيا نفك الباب = تطير الصقور وخلها تقعد البومه

[الطائر المهاجر]

ولكن انا وياك يا صاحبي شياب = وعمرٍ بقى ما ظن يستاهل السومه
واخاف نتورط ثم نحبس على الارهاب= يشوفوا الديانه في الجوازات مختومه

أنا أشوف حوش البيت طبوا به الاجناب = فلا تنخدع في هرجة الشيخ وعلومه
يغني لنا الاعلام والبس بالمحراب = متى يفهم الدكتور تحليل جرثومه

[الطائر المهاجر]

ترى الفهم بعض الحين في الراس كالمشعاب = هني اللذي غافل ولا فاق من نومه
وش اللي متعبنا انا انت والأصحاب = سوى انا ندور للغثى ونحمل همومه

[الخنساء]

صح لسانك المشرف العام
صح لسانك اخي الشاعر ناصر
والله محاورةرائعه وهادفه
تحياتي للجميع