(البرزخ....

[سعيد الصاعدي]

بداية كل العذر لقلوبكم النقيه عن الغياب الخارج عن ارادتي

ياذابح اشواقي وبك عاقد آمال =من ضعف راكبها قويٍ سلاحه
غايب عن الخاطر ومسكنك بالبال =ياسبة الخاطر دواه وجراحه
بك قوّة اعْزومٍ وترتقا للاطْوال =ياضيق ميدان الامل وانشراحه
ياماضيٍ يبقى على طول لازال =ياباكرٍ لاطل قفّى صباحه
من شرقك لْغربك من يمين لشمال =في منهجك كل النقايض مباحه
بك مظرب امثالٍ وبك معقل ابطال =حقيقتك كذبه وكذبك صراحه
ياذا السراب اللي مع الناس ينشال =انت النسيم اللي شديدٍ رياحه
امن الهداوه تصنع اجدال وجدال =منك تعلمت الزعل والسماحه
في ضحكتك جدٍ وفي جدك اهمال =(يابرزخ/ن )بين الحلا والملاحه
عندك تذل احرار وتعزٍ انذال =فيك السعاده هم والهم راحه
فيك الصبر غّنا على كل موّال =ياجاهلٍ بلسان كل الفصاحه
صدوق متواضع لطيفٍ ومحتال =في طيبتك كل الوفأ والوقاحه
جاهل وتلعب بي كبيره برجال =من مدرسة وقته تعلم كفاحه
جاهل وتلعب بي كبيره ليا قال = طاح الذي بالوقت حقق نجاحه

ومرة آخرى مليون عذر عن الغياب الذي اتمنى من الله ان تزول جميع اسبابه
وكل الشكر لكل من قدر ذلك
محبكم
سعيد الصاعدي

[الطائر المهاجر]

هلا بك والحمدلله على السلامه
رائعة من رائع
صح لسانك واعتلى شأنك
لاهنت
دمت بود

[سناعيس]

الله الله
فعلا من طول الغيبات جاب الغنايم
صح لسانك ولله درك ياسعيد
جزله ورائعه
لاهنت

تحياتي

[عرق الماس]

الله شاعرنا ..
قصيد رائع..
تسلم وتعيش..

[عبدالله الدخيل]

اهلا في عودتك اخونا وشاعرنا الجزل سعيد الصاعدي


صح لسااااانك وما جبت لنا الا الجزل

واقبل

ودي واحترامي

[عبدالعزيز العمار]

صح لسانك ياسعيد والحمدلله على السلامه

سعداء بعودتك معنا من جديد ولاتقاطعنا

تحياتي لهطولك الشعري الفاخر

[احمد القاسم]

صح لسانك على المصافحه الطيبه

تحياتي لك

[عبير الورد]

الله الله


صح لساااانك ملايين


سلمت وسلم منطوقك الجزل

ربي يعطيك العافية

[بيدي رسنها]

صح لسانك ولا هنت .. وسلم عمرك وحرفك .. اهنيك على هالنص الاكثر من رايع .. تحياتي ..

[عبدالله الدخيل]

امن الهداوه تصنع اجدال وجـدالمنك تعلمت الزعـل والسماحـه

في ضحكتك جد وفي جدك اهمال(يابرزخ/ن )بين الحلا والملاحـه

للابداع عوده

صح لسااااااانك ولا هنت