الذبيـح ..

[حسن الشريفي]

.. حبّي وتفاحته ..


أنت زاد القلب واللهْ .. وانت مـاه
يا ثـمـر حبّـي .. ويـا تـفــاحـتــه

وانت عمري وانت روحي والحياه
في جـدار الخافق .. اسْـمك ناحتـه

الغـلا قصـر ٍ.. تطـاول في سمـاه
وانت يالغـض الطّـري في باحتــه

قلبي الداله ترى .. محـد ٍ قــواه
فارس ٍ .. محْـد ٍ نزل في ساحتـه

مادخل مخلوق .. في قلبـي هـواه
رغْم كـبره .. واتسـاع مْساحتـه

كنت اقـول إنّ الهوى: كـذْبة هُـواه
له بَحَـر .. واضحك على سبـّاحتـه

لين شفتـك بين شقرا .. والحصـاه
ويـوم شفتك .. صرت من مدّاحتـه

من عرفتـك .. ماعرف جفني كراه
ومن عرفتـك .. عـاف قلبي راحتـه

صرت ذاك العاشـق اللي ما معـاه
إلاّ خـفّــاقـه .. ومَــدّة .. راحتـــه

وصرت فعْيـون العواذل .. والوشاه
الذبيــح اللي .. عـشـق ذبّـاحـتــه

ولا يهـمّـك هالحكى .. واللي حكـاه
قلبــك بْكيــفـه .. وياخــذ راحتـــه

انت زاد القلـب واللهْ .. وانت مـاه
يا ثـمــر حبّـي .. ويـا تـفــاحـتــه

وانت عمري وانت روحي والحياه
في جـدار الخافق .. اسْـمك ناحتـه




حسن سعد

[عبدالله مذكر العقيلي]

نص رائع جدا

صح لسانك

ولاهان راسك



تحياتي

[عبدالعزيز البليهد]

نص جميل غارق بالرومنسيه

من اجمل ماقرأت بدون مجامله

صح لسانك ولاهنت

[منيع]

ابداع وتميز
شكرا لك ولحرفك الراقي
تحياتي

[مروان الشيخ]

وصرت فعْيـون العواذل .. والوشاه
الذبيــح اللي .. عـشـق ذبّـاحـتــه


الله عليك يا حسن

عذب عذب

[حوريه]

حسن سعد القحطاني 00

نص رائع وجميل 00

كما تعودنا منك الأبداع والأمتاع

صح قلبك مليووون

ودمت باطيب حااال

0

0

[عمر ال شيبي]

صح لسانك لا هنت
ابد

جزله من جزل

[حي الضمير]

صح لسانك شاعرنا الرائع
قصيده رائعه وابدعت بارك الله فيك
أجزل التحايا والاحترام

ــــــــــــــــــــــــ

[ابوعبدالرحمن القريشي]

صح لسانك اخوي حسن

الفاظ رائعة ومعاني جزلة

[الـزلـزال]

حسن الشريفي
بوح مميز ومتقن
من شاعر تعودنا منه تقديم كل جميل
مبدع وممتع شاعرنا في بوحك
صح لسانك ملايين ملايين
ولك فائق تحياتي وتقديري