فلاح بن منشار ×الكايد

[عبدالله الشويمان]

محاوره يوم الجمعه 8-7 -1429

الكايد=
سلامي سلامٍ مثل بيض الفناجيل = على اهل الوفاء والطيب واهل الشكاله
واثني تحيات الوفاء للحلا حيل = وخص القروم وكل واحد لحاله
فلاح=
هلا مرحبا يالي تغرد على الجيل=كلامك يهز القلب في كل حاله
هلا بك عدد من ناظر الجدي وسهيل= وعد النجوم الساريه لامحاله
الكايد=
يدوم اليقاء ياموفي الوزن والكيل=ياراع اليمين اللي تحب الجماله
لكن العلوم اشوي في تالي الليل = ياساتر على غترة فلاح وعقاله
فلاح=
انا يارفيقي معك مثل الدريويل= ليا من قضب دربك تردى مجاله
على العود سقها مثل سوق المعاميل= ولا من روي فاسقه ترى العود داله
الكايد=
ترى الطيب لهل الطيب جيل بعد جيل =ياشين الردى شينا ه واهل النذاله
وانا يافلاح اعرف هل الجيش والخيل = واعرف الفقير اللي قليلٍ حلاله
فلاح=
انا اعرفك يالكايد رفيع المداهيل= تسوق المشاعر سوق لاهل الجهاله
ترفق بنا ياصاح في سكة الميل= ولا ترسل البارود وسط الرساله

[محمد عبدالله البدراني]

العزيز الغالي عبدالله الشويمان سلمه الله

يعطيك العافيه وبيض الله وجهك


ياسلام قاف كايف وصحت الالسن
الكايد وابن منشار وش خليت اشهد بالله اللي بتصير المحاوره صح للشاعرين صح


الف مليون صحت السنتكم ولاهنتم


تحياتي

[النهج المختلف]

محاورة رائعة الله يعطيكم العافية ,,,,
صح السانك يا فلاح وصح السانك ياصنداح ,,,,
لاهنت يابوبدر على النقل الجميل والرائع ,,,
تحياتي وتقديري للجميع ,,,,

[داعي الشوق]

صح السنتكم جميعاً شعار فطاحل ما فيكم حيله ..

والف شكر لك يالرعد على النقل الرائع

تحياتي للجميـع ،،،

[همس الورد]

اخي الشويمان

الله يعطيك العافية

و صح السنتكم جميعا

تحيتي

[الطامي]

ياسلام
محاورة طيبة من عمالقة شعر
لاهنتو

[نفحات حساسة]

تسلمون جميه ولا هنتو
محاوره رائعه...تحياتى