محاوره يوم الاربعاء . موج القصد ..وفلاح

فلاح =

ياموج انا مارتاع من عكف الاشناب =تكفين من كيد الحريم اتركيني
وشلك تماديتي وانا وانتي اغراب= مالك معي ياكود رمين مكيني

موج القصيد =

اشوف كثرت في محانيك الاعطاب = ولا الحكي مافيه شئ يهيني
حنا سألنا وانت رديت بجواب = لكن على الشيبان الله يعيني

فلاح =

ياموج منك اتلامست كل الاقطاب= وشبك بحرفك ناويه تربكيني
قولك عسل من فوق موسى ومشعاب= بين الملاعب صاح حرفك سجيني

موج القصيد =

انت الذي من حرف لمواج ترتاب = وتعزف بقيفانك كنايٍ حزيني
ولا انا متعليه فوق مرقاب = واللي من الدنيا لفاني يكفيني
حرفي مكين ويرفعه ساس وطناب = وكل شهدلي ماحدٍ يقتويني

فلاح =

لاتصرخي من بين واعي ومنصاب = حرفك هزيل وقافيتك اتغثيني

موج القصيد =

كانك على وضح النقا جيت طلاب = تبغي القوافي جاك قافٍ سخيني

فلاح =

دورت لك بالناس مالقيت طباب = قالو ترى موج القيصد اب تليني
حملت فوقك حمل يصلح لقلاب=ماتحملينه وان حملتيه شيني

موج القصيد =

من قال لك هالحكي اعرف كذاب = وكانه صدق خله هنيا يجيني

فلاح =

ماقلت غير القافيه والردى غاب= ناويك يالي تعجنين العجيني

موج القصيد =

انتا مجرد شخص رايح وجلاب = كلمتك ماهي منك والله يعيني
وانا بنيه من عريبين الانساب = محدا قدر ياصل ولا يحتوني

فلاح =

ماني من الي يتبع شغل الاحزاب = كلام من راسي وساسه متيني
والله مالي بالفرزدق وزرياب = وانتي لياصغتي الدرر تعجبيني

موج القصيد =

منتا سوى شخص بالقوال شباب = تدور الفتنه والله يكفيني
انا رفيعة شان عن كل غلاب = ماهي انا اللي للشوراب تليني

فلاح =

الموج ودوها على طب الاعشاب=واقروا عليها لين يروى الوتيني

موج القصيد =

وفلاح باقطعه بالمخلب وناب = ويصير عبره في بواقي سنيني

فلاح =

يقلون فجع الذيب يرخي بالاعصاب= لاتمسحي والا امسحي واكتبيني

موج القصيد =

وما انا يقرى علي محكم اكتاب = مهو بلي ذم قرايت حسيني

فلاح =

لوني قريب اعلقك فوق كلاب = بلسانك الي كل ماجاء ايهجيني

موج القصيد =

لا والله الا بمسحك مثل غياب = ويصير مالك في البواقي معيني
دوني حصون ويحفظ الوجه لحجاب = ما تاصله يا مكثرٍ بالونيني
وضحت لك بالقاف قصدي بلا عتاب = وجتني بيوتك بالخراب اتعنيني
امسك لسانك واختفي خلف لبواب = منتا بندٍ لي فلا تحتريني

فلاح =

ونعم بربعك مير شعرك هو الداب=لوني قريبك كانك بتاكليني

موج القصيد =

وبك البقا والقاف طالب وطلاب = ويستاهل اللي بالحكي يقتفيني
ماهوب لاني ما انحسب بين الاشناب = بصير سهله وبالقوافي تديني
ابوي اسقاني من العز مشراب = ولحد خلق يقدر يجي وياذيني
وختامها روح ولا تكثر اعتاب = وصلك جوابي تكتبنه يديني

[صعبة المنال]

ألله الله ع الابداااااااااااع


صحت السنتكم


صعوب

[سناعيس]

الله الله
فلاح بن منشار و موج القصيد
ماشاء الله عليكم
محاوره ولا أروع
الكل منكم صح لسانه
ولاهنتوا


تحياتي

[ترانيم المطر]

سلمتم وسلم إبداعكم

[خالد محمود الفردي]

تسلمون ويسلم فكركم الناضج

مرور سريع لكن الجمال الموجود في هذه الصفحة تشعب في أنحاء قلبي فأرتويت جمالاً

تقديري

خالد الفردي

[محمد عبدالله البدراني]

هههههههههههه


الله الله



صحت الالسن



تحيتي وتقديري

[عبدالله راشد الثويني]

الغالي/ فلاح .. صح لسانك وعلا شانك شاعر مُبدع وممتع دائماً
الغاليه / موج القصيد ، صح لسانك شاعره متمكنه نتوق لما تكتبين دائماً


الله يعطيكم العافيه أمتعتونا الصراحه طامعين بالمزيد من روائعكم
كل الشكر
وُدي للجميع

[نجم الإبداع]

كفوووووووووو

محشومه وانا اخوك

صح لسانك ياموج القصيد

حقيقه اللعب مع شاعره مثلك ابداع

ودام ان الاستفزاز يخرج الدرر فانتظري مني هجوم آخر ههههههههههههههه

ماشاء الله عليك




شكرا لك ولكل من مر وسيمر من هنا


موووووووو لك والجميع وووووودتي

[رفيعة الشان]

الله الله عليكم
ابصراحه ابدعتواا
الله يعطيكم العافية

لاااهنتوا

[عدنان كريزم]

صح لسانكم


ولا هنتوا يالربع