ريم اليمامه

[الطائر المهاجر]

غناء الفنان فهد

ابسلى كيف ابسلى واتسلاّ = عن اللي ذاب قلبي في غرامه
فلا غيره ابد بدرٍ تجلا = بعرش القلب في احلا ابتسامه
ولا غيره ابد في البيض كلا= سحرني باللواحظ من سهامه
فداه الزين من اقصى المكلا= الى بيروت مع عالي تهامه
ومن طنجه الى ادنى المعلا = ومن ارض الكنانه للمنامه
فلالي في "وخا" او قول "هلا"= تكفي "سم" من ريم اليمامه
الى مني ذكرته قلت علاّ = لعل بيوم احضى بافتهامه
يعرف الحب إذلالا وذلا= على اللي ما اهتنى يوم بمنامه
يتل القلب تال الليل تلا= واشوف الكون دامس في ظلامه
احبه كثر من لله صلا = وصام الشهر واوفاه بقيامه
احبه كيف عن حبي تخلا= وتركني كاليتيم اعلن فطامه
يحسب اني ابنسى حب ولا= بعد ما ذقت كاس من مدامه
حشى لله لو انه تغلا= فانا احبه ولا اخشى ملامه

[هاجس نجد]

المشاركة الأصلية كتبت بواسطة الطائر المهاجر

ابسلى كيف ابسلى واتسلاّ = عن اللي ذاب قلبي في غرامه
فلا غيره ابد بدرٍ تجلا = بعرش القلب في احلا ابتسامه
ولا غيره ابد في البيض كلا= سحرني باللواحظ من سهامه
فداه الزين من اقصى المكلا= الى بيروت مع عالي تهامه
ومن طنجه الى ادنى المعلا = ومن ارض الكنانه للمنامه
فلالي في "وخا" او قول "هلا"= تكفي "سم" من ريم اليمامه
الى مني ذكرته قلت علاّ = لعل بيوم احضى بافنهامه
يعرف الحب إذلالا وذلا= على اللي ما اهتنى يوم بمنامه
يتل القلب تال الليل تلا= واشوف الكون دامس في ظلامه
احبه كثر من لله صلا = وصام الشهر واوفاه بقيامه
احبه كيف عن حبي تخلا= وتركني كاليتيم اعلن فطامه
يحسب اني ابنسى حب ولا= بعد ما ذقت كاس من مدامه
حشى لله لو انه تغلا= فانا احبه ولا اخشى ملامه

الله الله عليك هات ما يظهر الآهات على أحلى ذكريات السنين الماضيات
صح لسانك مليون ولا يكفون يامشرفنا الغالي
الإبداع ليس غريب منك تعودنا عليه دائماً
اسأل الله لك التوفيق والصحة والعافية ولنا ولجميع المسلمين
أخــــــوك
هاجس /ـــ/ نجـــــد

[النهر الخالد]

الاخ الشاعر الطائر المهاجر

صح لسانك على هذه الدره

ابيات ومعاني في قمة الجمال

شكرا لك سيدي

تحياتي وتقديري لك مشرفنا القدير

[الطامي]

الطائر
صح السانك ولاهنت يالغالي

[منيع]

فلالي في "وخا" او قـول "هـلا"
تكفـي "سـم" مـن ريـم اليمـامـه

ياسلام عليك
ابيات تشلع القلب
تسلم تسلم
تحياتي

[عذب القوافي]

قاف غير شاعر غير قلب خضر

صح لسانك شاعرنا الطير المهاجر

أبيات لايجيدها إلا الكبار

فائق التقديري .

[مبارك أبوظهير]

لعل بيـوم احضـى بافنهامـه



دكتور ..



صح لسانك وقواك الله



بس ترى مافهمت آخر كلمه في الشطر المنسوخ ..



ياليت توضح معناها ...




غلااااااااااااااي




م ن

[الطائر المهاجر]

معك حق عود كتب وعود مركب نظارة كنه قاعة بياله قرأ
بدل التاء جات النون ، وصلحتها
بافتهمامه. يبي لنا نعدل في الحروف
العربيه بحيث ما يصير فيه تشابه بينها
لو ماشاف احد العوده

[ماجد الزيد]

فلالي في "وخا" او قـول "هـلا"
تكفي "سم" من ريـم اليمامـه

صح الله لسانك يابو عبدالله رائعة رائعة لله درّك

وياحلو قولة سم اي والله

[مبارك أبوظهير]

ههههههههههههههههه



دير بالك .. هذا دليل إني ماني عود .. للحين شوفي زين .



ياحبني لك



غلاااااااااااااااااااااااااي



م ن