محاورات من شات الفطاحله(1)

[الطائر المهاجر]

المحاورة توقفت عند بيت فهد "اظن جتك..."

فهد المطلق=
اظن جتك الهلوسه والوساويس=يومٍ شفت الجمع جاك وتقدم
الطائر=
اظنكم صرتوا رجالٍ عتاريس= لكن عنتر فوق الابجر تقدم
ماشوف غير الدبس محتاج تدبيس= وكل على ليلاه ليله تحلم
سناعيس=
يلعب على الحبلين مثل النسانيس=والا من الشنباز والله أعلم
فهد=
الطائر =
يقول ردوا ماقرا الحرف ترويس= ويقول ابزعل وحط وجه يتجهم
خطاب=
مشيي بالعلا باين دون تهويس = على درب النقا درب تردم
سناعيس=
لاتحسب اني عاجز عنك ياريس=ياكود خطاب(ن) عليك يتهجم
الطائر=
سنعوس علمك صار حلم وهداريس= من بعد ماسيفك بيدك تثلم
الطائر=
ياسرع ماتمشي سكيك ودعاويس= حتى ولو تمشي على درب اظلم
وخطاب رجل من رجال اشاويس=لامن بغى علم وصل دون تعلم
خطاب=
اعترافي جاء بعد هقوى مضاريس = والشاهد الله يالمهاجر تندم
سناعيس=
ياوالله اللي مانوى يدحر ابليس=كنه شراره من جمر ماتفحم
فهد=
الطائر=
زين اعترافك بعد لف وتدليس= يوم انكشف نابك بديته تلعثم
سناعيس=
انا اشهد انا مانخلي المطاريس=مثل الذي ينفخ وهو دايم اشرم
الطائر=
خطاب عظم ينكسر في التهاريس= ارفق عليه ان كان شفته تحطم
خطاب=
خطاب عظيم من عظم الاهراس =لكن أحذر منه لو نك متلجم
الطائر=
وهذا الحصيني قام يلبس تلابيس=مايدري انه عارفه لو تلطم
فهد=
الطائر=
امافهد شاعر يقز الاحاسيس=ويترجم اللي داخل القطو الادغم
سناعيس=
اشهد شهادة حق ماهي بتدليس=انك سياسي واللكاعه بك أعظم
الطائر=
خطاب واقف خلف ذيك المتاريس= لكن نبي ناصله لوهو بالانجم
فهد=
تعطيه درسٍ وافي بالمقاييس=ومن بعدها خطاب جاك متحيزم
الطائر=
اما انت ياخطاب محري بتفليس=ماظنتي في الشعر يوم تأقلم
الطائر=
منك نتعلم في دروس وقواميس= ولا قلت لي علم فلاانا اتندم
فهد=
صدقت والله في كلامك سناعيس=يعلّم اللي مايريد يتعلّم
سناعيس=
انته من يعلم فروخ القرانيس=وانا مع الطلاب كنت أتعلم
الطائر=
رادرنا فطحول اسمه سناعيس = ياويل من قرب الى من تكلم
سناعيس=
لالا يغرك من يجي وكنه قبيس=لابد يكشف من فعوله ويندم
الطائر=
رادارنا ماهوب من صنع باريس= ولاهوب وارد بوش وإلا المقطم
سناعيس=
اترك سواليف تجيب الوساويس=وانهل من الحكمه واسلم وسلم
فهد=
ياشيخ لاتبلش بكثر اللواليس=رادار جاله من غدره وتحطم
الطائر=
الله يفكك من عروق ودبابيس= ومن واحد في الشات فينا تعلم
الطائر=
وان كان ماتفهم ترى غرك ابليس=ياخذك في دربه على اقرب جهنم
سناعيس=
الله يقوي الأجهزه والنواقيس=وتكشف لنا ماكان خافي ومعتم
الطائر=
رادارنا يكشف فروخ وبسابيس= وان كان ماتدري فبالله تفهم
سناعيس=
يامرحبا بك عد كل التضاريس=هات الجزيله كانك اليوم مغرم

[الطامي]

حلوه ورائعه
سويتوها بغيابي عن اشاركم بها
لاكن انا وراكم
صح السنتكم جميع

رائعه جدا ً

بيض الله وجيهكم


صحت السنتكم جميع




إحترامي

[العيناء العامريه]

ماشاء الله تبارك الله

رااااااااااااااااائعه

صح لسان كل من قال بيت فيها

و يقوي لنا اللي جمعها و حطها

تسلم ايديك يابو عبدالله

[هاجس نجد]

أبو عبد الله صح لسانك والمشاركين معك
خطوة ممتازه لحفظ الحقوق والمشاركات
بيض الله وجهك على هذا العمل الجبار
تقبل تحياتي وتقيري
أخــــوك
هاجس نجــــد

[ابومياس]

الله الله الله

شي جميل

ببيض الله وجيهكم

مساجلة حامية الوطيس حتى نهايتها

صح لسان الجميع

[عبدالله راشد الثويني]

مبدعييييييييييييييييين

بكل ماتحمل الكلمه من معنى

ويعطيكم العافيه

تحيتي لكم

[البتار]

مشكور
على المعلومه الجيده
تحياتي

[البديعي]

شكرا لك
على الجهد الطيب
تحياتي

[الحويطي]

الف شكر
على ماجاد به قلمك
تحياتي الطيبه