هلا عيوني وقلبي مع شراينه

[الطامي]

هلا عيوني وقلبي مع شراينه = هلا بحدسي وفكري وكل امنياتي
هلا باللي مناتي شوفته وينه = قريب مني وكنه بديرة اغاتي
اسم الصغيرعلى اسمه والاسم زينه = ومكمله ربنا يالحسن والأتي
الزول زوله وهو حلياه او عينه = منه وديكور شكله حرك اسكاتي
اغار منه اذا حياه في حينه = لاشفت ذا قمت اجر اشكال اهاتي
لاحدٍ يلوم المولع ماهو اغبينه = الله هو اللي عطاه برغم شداتي
حبٍ على كبر يازينه وياشينه = خلوني اذوق في حبه معاناتي
القلب سوق الغضي وايضا دكاكينه = وابيوت واقصور وطوال العماراتي
ياناس خلوه بيدينه وسكينه = يسلب ويذبح مايبغى مراعاتي
الله عطاه الغلا هو مع محبينه =لو غرت من حبه لهم اصبح مناتي
وكلٍ ايسكر بهذا سينه وجينه = خلوني تكفون واللي يسوي اسواتي

[حوريه]

اغار منـه اذا حيـاه فـي حينـه=لاشفت ذا قمت اجر اشكال اهاتـي
لاحدٍ يلوم المولع ماهـو اغبينـه=الله هو اللي عطاه برغـم شداتـي
حبٍ على كبـر يازينـه وياشينـه=خلوني اذوق فـي حبـه معاناتـي

الشاعر الطامي

بدعت وامتعت بهذه الراائعه

صح لسانك مدد لا عدد

دمتــ... بكل خير

.

.

[مبروك بن ماضي]

الاخ الكريم الشاعر / الطامي
حضور شعري فاخر كالعاده
حضرت هنا :
لأنال شرف التوقيع تحت هذه الباسقه
تقبل تحياتي واحترامي
أخوك / بن ماضي

[الطامي]

حوريه
صح بدنكي
وشكرا لمروركي وتعليقك الأجمل
لاهنتي

[حي الضمير]

ابدعت شاعرنا القدير الطامي
وعوايدك ياجزل

[الطامي]

مبروووووك بن ماضي
صح بدنك
وشكرا لمرورك وتعليقك الأجمل
لاهنت

[الطامي]

حي الضمير
صح بدنك
وشكرا لمرورك وتعليقك الأجمل
لاهنت

[صعبة المنال]

حبٍ على كبـر يازينـه وياشينـه
خلوني اذوق في حبـه معاناتـي

الاعتراف فى الحق فضيلة .....هههههههههههه

الله ع العاق المتيم
صح لسانك ونبضك يا القرم

صعووووووووب

[منيع]

القلب خضر يامنصور
لام الله من لامك
تسلم
دمت بخير وعافيه
تحياتي

[داعي الشوق]

صح لسانك يالطامي

مقدما

و لي عودة يالغالي

لاهنت

،،،،،،،،،،،،