بمناسبة عودة الأمير سلطان(بالصوت)

[صنداح الزلامى]

الوطن مشتاق وقلوب البشر مشتاقه =انتباشر كلنافي سيدي سلطاني
الكريم اللي يمينه بالعطاء دفاقه = والزعيم الصامل اللي يقهرالعدواني
سيدي مثل السحاب ليا اشتعل براقه = يحيي الارض الدهور ويروي العطشاني
لو ابشرح عن وفاه وميزته واخلاقه = كان ابا خذلي سنه والشرح ماكفاني
له يمينٍ بالجمايل والكرم سباقه = مزبن المظهود ابو خالدرفيع الشاني
كم يتيمن شامله عطفه وخيره ذاقه = والفقير اللي يعانى الجوع والمرضاني
والكبير اللي على دنياه ماله طاقه = فضل ابو خالد عليهم كلهم منداني
احتضنهم بألسخا وكفوفه العملاقه = الكفوف اللي ترجح كفة الميزاني
والسعدبيدين ابوخالد بعد خلاّقه =وحكمة الرب الكريم وفزعة الشيهاني
ياولي العهد لك من جاش صدري باقه = درةٍ مضمونها حبي وقول الساني
الولا ء والحب وافراح الوطن واشواقه =امطرت مثل المزون وجالها هتاني
والقصيد اللي ضمير ي من ولايه ساقه =كلها تعبير عن حبي لك ووجداني
أسعد الله ساعةٍ فيها الخبر واوراقه = وأسعد الله جيتك ومرافقة سلماني

[(ابو ريم)]

صح لسانك .... قصيدة رائعة بروعة كاتبها ؟

تقبل تحياتي ياشاعرنا .

[الـزلـزال]

صنداح الزلامي
قصيده مدح ووفاء رائعه ومميزه
من شاعر متميز ورائع في كل مايقدمه
أبدعت أبو محمد ولنا أمتعت
يستاهل سلطان الخير هذا المدح والثناء
صح لسانك ملايين ملايين
ولك فائق تحياتي وتقديري

[عبدالله راشد الثويني]

شاعرنا الجزل / صنداح الزلامي
صح لسانك مليون ولا يكفون أبدعت وامتعت نص راقي
والممدوح يستحق بلا شك
تسلم يمناك على ماخطت طامعين بجديدك
تقبـّـل تحيتي

[منيع]

ابيات اكثر من رائعه في الترحيب بسلطان الخير
شكرا لك ولشعورك الراقي
تحياتي لكم

[صنداح الزلامى]

المشاركة الأصلية كتبت بواسطة (ابو ريم)

صح لسانك .... قصيدة رائعة بروعة كاتبها ؟

تقبل تحياتي ياشاعرنا .

ابو ريم

صح الله بدنك واشكر لك سجل اعجابك

دمت وسلمت اخوي الغالي

[الطائر المهاجر]

سلمت
وصح لسانك وفكرك
وسلطان يستاهل اكير
لاهنت
تحياتي

[صنداح الزلامى]

المشاركة الأصلية كتبت بواسطة الـزلـزال

صنداح الزلامي
قصيده مدح ووفاء رائعه ومميزه
من شاعر متميز ورائع في كل مايقدمه
أبدعت أبو محمد ولنا أمتعت
يستاهل سلطان الخير هذا المدح والثناء
صح لسانك ملايين ملايين
ولك فائق تحياتي وتقديري

الاخ سامي

اشكر لك سجل اعجابك

وصح الله بدنك ودمت بخير اخوي

[الطامي]

صنداح
صح السانك ملايين ولاتكفي
حفض الله سلطان الخير
رائعة جدا
لاهنت

[نجم الإبداع]

الله الله

صح لسانك على المصافحه الوطنيه الوافيه

ويستاهل ابو خالد

لاهنت ياشاعر

لاهنت

تقبل مروري

وتقديري