جمر الوداع

[ماجد الزيد]

http://up.fatahilah.com/up//uploads/6e0f0da868.mp3

يا سعود لاتنشد ونا صابر وش القاف الجديد=دام السما شحّت ولاهي ساليه غيّابها
والله ياهي ملبّدة بالدّمع لكن وش يفيد =النبت اصمّ ولا يشوف البرق في سكّابها
وبالجوف عبرة كنها تلعب على اوتار القصيد=انحاش عنها وانتبه والا العيون كتابها
جمر الوداع اللي هنا / ذوّب ضلوع ٍ من حديد=لو ما تلوّت , والله إن روحي التوى كل مابها
فارقت من فرقاه بيت ومبني بْحبل الوريد=يوم الخلايا ظعون عيّت لا تزم ركابها
تْحن ويهدر فحْلها ويرد صوته من بعيد=قامت تهادى منه جبال الحشا وهضابها
زنّت عواصف خافقي والطرْف راسي ما يحيد=اشهب من عيون الرياح ومن صباغ خضابها
زمّيت حيلي عابر ومرّيت بالوادي عنيد=و عيني على المرقاب تتمنّى يطل احبابها
ما شفت به بعد الوفا / غير النواعي والجليد=وطيوف غادة ضحكها خالط نسيم اهدابها
انهلّ من عيني سحاب الشّوق والفقد الشّديد=وعظام رجليني ركزت عيّت تعدّى بابها
شفت الملاك مظفّرات قرونها ومعها وليد=تلعب وريح كفوف عنقا الغيد زين اطيابها
هي جدّلتها ولبّستها وضمّت القلب السعيد=تقول تدري بأنني طرقي يمر أبوابها
من حرّ قلبي ما تقول إلا يشختر بالصديد=يا قوّ نفسي وصبرها ويا قوّ فقد ٍ صابها
اقول يا نار الجوى يكفي وتجاوب بل مزيد=تسعر ولا شبعت من عظامي تشبّ احطابها
لله يا هبّت هبوب الوجد ياهي تذيب حيد=ولله لامرّت طواريها وكلْ شي جابها
موّال بغدادي يلفّ ضلوعي وياهو مريد=ومقرن بشيبه جاء يعاتبني معه جلبابها
لله يا ذاك الغلا والحب والشوق الفريد=هموم بقعا جاحته تضرس وساطي نابها
ودِّع على ماقال بن حمري ولابه من وكيد=كم غايب اقفت به لحود ولا مشى بترابها
مار الهبايب والمطر والصبح والمغرب تعيد=كل الطواري حاضرة والعين طاح قطابها
و يا سعود لاتنشد ونا ساكت ! وش القاف الجديد=دام السما شحّت ولاهي ساليه غيّابها

[داعي الشوق]

ما ننشد الا عنك و عن غيابك يا بو حمد

و صح لسانك يامبدع

و الحمدلله على السلامه

مع تحياتي و سلامي لك

ولاهنت

[روح الشعر]

لله يــــــا ذاك الـــغـــلا والـــحــــب والـــشــــوق الــفــريـــد
هــمــوم بـقـعــا جـاحـتــه تــضــرس وســاطــي نـابــهــا

صح لسانك

( ماجد الزيد)

تعجز الكلمات توصف روعه ابداعك

ودي واحترامي اليك

[حوريه]

شامخه بشموخ شاعرها صح لسانك يا ماااجد
ودمت بكل خير
0
0

[الـزلـزال]

ماجد الزيد

نص في قمة الجمال والروعة
من شاعر متميز ورائع في كل مايقدمه لنا
أبدعت وأمتعت شاعرنا الراقي المميز الجزل
دمت بخير وسلام ودام لنا حرفك
صح لسانك ملايين ملايين
ولك فائق تحياتي وتقديري

[فايز بن جبيل]

ماجد الزيد صح اللسانك مدد

نص وافي وجزل وعذب


دمت ودام هذا الابداااع
تقبل ودي وجل تقديري

[منيع]

كل الروعة والابداع
تحياتي لكم

[منصور العبدالله]

وبالجوف عبرة كنها تلعب على اوتـار القصيـد
انحـاش عنهـا وانتبـه والا العيـون كتابهـا
جمر الوداع اللي هنا / ذوّب ضلوع ٍ مـن حديـد
لو ما تلوّت , والله إن روحي التوى كـل مابهـا




لا والله انشد ياسعوود

وهيض االمارد الشعرى ليصحو ويفيقنا على عذوبه الشعر وسلاسته

منابع من ابهار لا يشح ولا ينظب

ماجد الزيد

تعجز الكلمات ايفائك ما تستحق

صح لسااااانك حتى ترضى

[سمّار]

صح لسانك وقلبك
من قلب هالقصيدة
ربي يسعدك
لاهنت

[الطامي]

فارقت من فرقاه بيـت ومبنـي بْحبـل الوريـد
يـوم الخلايـا ظعـون عيّـت لا تـزم ركابهـا
تْحن ويهدر فحْلهـا ويـرد صوتـه مـن بعيـد
قامت تهـادى منـه جبـال الحشـا وهضابهـا
زنّت عواصف خافقي والطرْف راسي مـا يحيـد
اشهب من عيون الرياح ومن صبـاغ خضابهـا
زمّيت حيلـي عابـر ومرّيـت بالـوادي عنيـد
و عيني على المرقـاب تتمنّـى يطـل احبابهـا
،،،،،،،،،،،،،،،،،،،،،،،،،
الزيد
صح السانك ملايين
فعلا الشعر فن وصياغة ومعنى
وان لم يكن على معنى فلامعنى له
قراتها مرار وتكرار لأعجابي بها لافض فوك اخي
شكرا لك