يقولون العنوسه زايده(بالصوت)

[الطائر المهاجر]

يقولون العنوسه زايده في مجتمعنا اليوم = واقول إنّ السبب واضح جهل.. في كل تركيبه
بنات اليوم في الغالب بنعمه ما يبنّ هموم= يبن رجّال يتفصّل وخالي من عذاريبه
يبن زود الدلال وبيت عز مرصّعٍ بنجوم= وزوجٍ غافلٍ طيّب وقايم في مواجيبه
فبعضٍ ما يحسّب للعمر يجري إلى المرسوم= تلاقي نفسها والياس تفرسها مخاليبه
وبعضٍ من كثر ما تسْمعه تصبح كما المحموم= تخاف من الفشل يقبل عليها في جلاليبه
وبعضٍ ينضحك في عقلها من ثعلبٍ مشؤوم= يمنّيها وفي الآخر تأكد من اكاذيبه
والى من كثّرت لطم النصيب وصدت المقسوم= فصك الباب يا ابوها عسى تلقى لها شيبه
جميل الورد لا منّه ذبل في ريحته كالثوم = وبنتٍ جاوزت سنّ الزواج اتحسّ بالخيبه
تروح الأم والشيبه الى دربٍ لهم محتوم = ومعهم ظلها اللي في هجير الوقت تمشي به
بوقتٍ فيه ما ينفع شقيقٍ كان كالمرحوم= تلاقي عقربٍ عنده تغيّر من اساليبه
وحنّا "بمجتمع رجّال" دوره واضحٍ محسوم= بيده الأمر والسلطه بترغيبه وترهيبه
بلا رجال فالحرمه ببحرٍ ما تعرف العوم = وحوشه حولها ترقب ولا حطت لها هيبه
قبل ما تذبل الورده ابوها بالأمر ملزوم = ولو زعلت مرور الوقت ترضيها اعاجيبه
الى من كبروا الأطفال صاروا في سماها نجوم= تشوف العز بعد الصبر لو عاشت لواهيبه

[صعبة المنال]

جزلة

سلمت وصح لسانك

صعووب

[نفحات حساسة]

صح الله لسانك ولا هنت
وصدقت بكل كلمه..يعطيك العافيه
تحياتى..

صح لسانك ويعطيك العافيه


تحياتي

[خالد محمود الفردي]

صح لسانك يا دكتور
طرح راقي يحاكي قضية مهمة

تقديري لك

[عصام عبد الحميد]

ابداع مميز
صح بوحك وحرفك
شكرا لكي

[الطائر المهاجر]

شكرا صعبه
على كريم المرور
تحياتي

[منيع]

جزل ومبدع وماتقوله عين الصواب
شكرا لك

[الطامي]

صح السانك دكتور
من القديم العديم
واللي ماله اول ماله تالي
ابداع في الوصف والقافيه
لاهنت

[الطائر المهاجر]

شكرا خالد
على كريم المتابعه
لاهنت
اطيب التحيه