اخو طفلة والبنت الشاعرة

[ابومياس]

اخو طفلة وفتاة الدرعية

سالفتنا الله يسلمكم حدثت لأحد شيوخ عتيبة دخيل الله المريبض الرويس

وكان يلقب بـ (اخو طفله ) المهم كان اخو طفله ذاهب مع بعض ربعه الى الدرعية

قادمين من البادية والمقصد من هالسفرة جلب بعض الطعام والخام للعشيرة 0
وصلوا للدرعية والكلام هذا قبل يطلع الرياض ونوخوا الركايب في مناخ الابل قريب من السوق

ومشوا على رجولهم للسوق وسط شوارع الدرعية الضيقة وهم ماشين

انفتح امامهم باب وطلعت منه ذيك البنت ا لجميلة وعلى طول رفيقنا يوم شافها زادت دقات

قلبه قال (( انا اخو طفلة )) سمعت البنت الرجال يو م ينتخي واثر البنت شاعرة 0 وقفت خلف الباب



وقالت له البنت:

من وين جيتونا من البعد عانين=وش جابكم للحظر يا خو طفلّـه

رد عليها :

جينا على هجنٍ سواة الشياهين=والجوع زاويهـن زواة الأهلّـه

فقالت :

هو عندكم مثل الذي شفت بالعين=لو كان مع غيرك ولا تستحلّـه

فرد عليها:

عندي مثل ماشفت زولٍ مكفيـن=اسوق لاجله دق مالـي وجلّـه

فقالت :

لو كنت تجلس عندنا بس يومينت=شوف مالا شفت بالعمـر كلّـه

فرد عليها وهو مغادر:

البدو لاجو ديرة الحضر عجلين=رجالهـم كـن السعايـر تملّـه

وبعدها قال لها فمان الله يابنت الرجال وذهب رفيقنا الى حيث حاجته 0

وسلامتكم0

[عبدالرحمن الصباح]

مشكور اخوي ابومياس على هالسالفه الحلوه وبيض الله وجهك تقبل ودي وتقديري

[ناصر]

شكرا لك

الى اللقاء

[مبارك أبوظهير]

الله الله



محاوره شعريه جدا جميله ..



شكرا على نقلها ..



لاهنت



غلاااااااااااي



م ن

محاورة رائعة مشكور اخوي

[العيناء العامريه]

بس خلاص ؟؟؟؟؟؟؟؟؟؟ يابو مياس تجنن و يعطيك العافيه يارب

محاوره حلوه بس فين الباقي ؟؟

مافي كمان ؟؟؟

كنت اقرا واحسب في النهايه بيتزوجها وبتروح معاه او شي زي كذا .... او ابوها يرفض او شي

ماابغى ... مالي دعوه ......... ابغى تكمله ..... ألفوا تكمله و كملوا الحكايه .....

ولكم شكري

[بارق السيف]

رائعة من روائع نقلك يا ابو مياس

تسلم يمينك ويمين ما نعدمها

--------------------------------

العيناء العامرية تدور أفلام هندية ،، يا بنت الأجاويد هذي قصة موب شرط تنتهي بنهاية بطولية ، وموب شرط الحبيب ياخذ حبيبته وينحاش فيها وابو البنت يطالع فيهم ويوم يبتعدون عن شوفه يقول لبنته روحي عساها روحة مقيط ورشاه ( طبعاً باللهجة الهندية ) ههههههههههههه

[محمد بن عبدالله السلمان]

ههههههههههههههههههههه
رائعة من روائع نقلك يا ابو مياس

تسلم يمينك ويمين ما نعدمها

--------------------------------

العيناء العامرية تدور أفلام هندية ،، يا بنت الأجاويد هذي قصة موب شرط تنتهي بنهاية بطولية ، وموب شرط الحبيب ياخذ حبيبته وينحاش فيها وابو البنت يطالع فيهم ويوم يبتعدون عن شوفه يقول لبنته روحي عساها روحة مقيط ورشاه ( طبعاً باللهجة الهندية ) ههههههههههههه

هههههههههههههههه
وش رايك بالرد يا ابو مياس
عجيب أمرهم
والله يافهد كتبت اللي قلته ويوم شفت ردك توقفت ونسخت ردك
ابو مياس الله يعطيك العافية قصة جميلة ورائعة

[ابراهيم عبدالحميد]

جزيل الشكر أخى للقصه الرائعه و السرد الراقى
سلم فكرك و نبضك

[ابومياس]

شكرا للجميع

على الوقوف هنا

دمتم بخير