الناس في الماي العكر كم يصيدون

[احمد الكثيري]

السلام عليكم
كل عام والجميع بخير هذا النص المتواضع اضعه بين يديكم امل ان
يحوز على رضا الجميع وهذا ليس الا احاسيس خص طلبني في كتابة هذا النص

وش تستفيد إن جيت تبكي عليه=لاماتسامحنا وحنا على الكون
يامسندي ياعزوتي ولحميه=وش يعذرك يو الخلايق يعزون
وانته تقبلني وتمسك يديه=يمناك تمسح جبهتي وش يفيدون
تقول هذا اخوي مافيه زيه=وفي خاطرك مليون حسره يجولون
من فضل خالقنا عزومي قويه=وابشرك ماهمني مايقولون
طاوعت بي اهل العلوم الرديه=اهل الوشاه اللي يفوقون مليون
ياخوي ياراعي العلوم الوفيه=عامين قلبي من الهواجيس مطعون
صدقت من يحكي وقلبه لضيه=من ماحكوا اصبحت انا شبه مجنون
انا اعتذر لاصار مني خطيه=واعيش في فرحه ولا اعيش محزون
لا انته ولانا عاملين(ن) قضيه=لكن هل النمات قاموا يكيلون
ارجوك كب اهل الحسد ولاذيه=الناس في الماي العكر كم يصيدون
يامن صفاته ترفع المعنويه=خلك من الي في قفانا ينمون
اللي كووني كية فوق كيه=خلوني اسهر والخلايق ينامون
ان كان لي عندك بقى مقدريه=فسمح وانا ياخوك شاكر وممنون
ياخوي ياللي مسكنك وسط ذيه=انا تراني بين الاظلاع مطعون
اطلب عظيم الشان رب البريه=عداد منهم بالمشاعر يلبون
يغفرلنا ياصاحبي كل سيه=اعداد من طافوا ومنهم يزورون

[الطائر المهاجر]

الظفر مايطلع من اللحم
والشفافيه بين الأخوان مطلوبه
احسنت واجزلت
ولاهنت
احترامي وأطيب تحياتي

[سمّار]

الله الله
رائع هذا البوح
قصيدة تستقر على قمم الابداع
شعر ومعنى ومبنى وجزاله ....
اشكرك شاعرنا العزيز احمد الكثيري على اتحافنا بهذه هنا
لاهنت ولاهان منطوقك

[حوريه]

نص زاخر بالجماااااال
صح لسانك واحساسك
ودمت بكل خير

[عبدالعزيز العمار]

الله الله

صح لسانك ياأحمد وجاد بيانك

رائعه وجزله بكل مافيها من إبداع

لاهنت ولاهان منطوقك

وكل عام وأنت بخير

[عمر ال شيبي]

جزل يا جزل

سلمت يمناك
وصح لسانك

[عبدالله الشويمان]

صح السانك يا اخ احمد

نص جزل يا الجزل

دمت بخير وصحه وسلامه..

[طوفـــان]

ماشاء الله تبارك الله

نص رائع والله وكلمات رائعة أيضاً ...

بوركتم ووفقتم ..

واصلوا في طرح مالديكم ونحن في شوقٍ لكم وماتطرحون

[منيع]

كل الروعة والابداع
تحياتي لكم

[حي الضمير]

ياسلام ابدعت حيل شاعرنا
ومدد صح لسانك