صحة الحب

[سعود العضياني]

بسم الله الرحمن الرحيم

رود هذا الكيان الراقي بأعضائه وزواره وأدارته

السلام عليكم ورحمة الله وبركاته


مساء الخيراات






أخواني وأخواتـي



أطرح لكم هذه الأبيات لعلهاا تنال على أجابكم ورضاكم

ياقلب يالي وسطك النار تشتب=شب ولاهي بالعوايد غريبه
عاديتني ياحظ ومنك تسبب = لي علت(ن) بالقلب عله صعيبه
أدور الأطباب ومافادلي طب= ولا فادنـي شور المريض لطبيبه
أدور الأطباب في صحة الحب = أبغى طبيب يشوف علة صويبه
علة جريح(ن) طاح في كلمة أحب = حده زمانه لين ردا نصيبه
ياشين حظ الرجل لامن تصعب = يبغى يفوز وذاق طعم الغليبه
يبغى يفوز بحب غالي وينحب = ويصير حب الترف هذا نصيبه
حبيت وأثر الحب حاجه تنشب = أتنشب الرجال بصعب نشيبه
حسبي على الي صار بالقلب يلعب = يلعب بقلبي جعل ربي حسيبه
سامرت نجم الليل لصبح وأحسب =أحسب مفاقيدي وحسب النهيبه
لقيت قلبي عن ضلوعي مغرب= ماخوذ من بين الضلوع بغصيبه
منهوب والمنهوب ماهو مقرب = يبقا بعيد(ن) جعل ربي يجيبه
منهوب والمنهوب منهوب بالغصب= ماهي عطات اليد ولاهي طليبه
أنا أشهدأني بالهوا صرت متعب= بسبة هنوف(ن) زينها مانعيبه

وسلامتكم

[داعي الشوق]

صح لسانك ملايين


قصيده تلامس القلوب وتكلم الجروح وتستمطر المشاعر


دمت يامبدع ولاتحرمنا اللي بعدها

لاهنت يا سعود لا هنت

تقديري لك

،،،،،،،،،،،،،،

[الخنساء]

صح لسانك مليون ولايكفون

قصيدة جزلة من شاعر جزل

سلمت ودام حرفك

[فارس القوافي]

حي الله سعود

ياهلا بك والله


اي والله ماهو باليد

صح لسانك

لاهنت

يعطيك العافية

دمت لنا بخير

[صعبة المنال]

صح لسانك وحرفك

صعوووووووووووب

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^

[نفحات حساسة]

صح السانك..
ولاهنت ششاعرنا..
كتبت فابدعت..شاعر جزل
يعطيك العافيه..وسلم فكرك
تحياتى..

[عبدالله الشويمان]

صح السانك اخوي سعود

قصيده رائعه يا الرائع

لا هنت لا هنت

[منيع]

ابيات رائعه جدا
بارك الله فيكم
تحياتي لكم

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك
تحياتي الطيبه

خطأ طباعي:
شــب ولاهــي بالعـوايـد غـريـبـه= شبه