فالمحكمه ثارو عليه المشاكين

[نجم الإبداع]

قولو لراع التيه لاراغ قلبه=في المحكمه لايشتكي للمشاكين
الي على حد الشبا مد صلبه=واغتر في طوله وصف السواكين
حرّف وانا من جزل لي زان شبه=من نار حقده ثار مثل البراكين
حسبه من التزوير والزيف حسبه=بين البحور الهوج حلّو مساكين
اليا فعل فعله غدى الكل سبه=اقرب وصوفه بالعباد اهل بكين
ماهوب بحر الحسو مخبور غبه=قدمه سيوف وقام حد السكاكين
اللي خطب للناس بالزور خطبه=متخلخلات ابوابها والرواكين
يقول انا الفرعون واقبل بعصبه=يومه غرق ماساعدوه الملاكين
مغرور عند الناس مابان طبه=يضيع لامن صار بين المحاكين
جا يبتلشني يوم له بان غلبه=خثرد وماجاب العلوم المواكين
حرم حليب النوق والتيس حلبه=عنده حلال ومنشدق للحناكين
وجه لنا من بعد سبعين حربه=وانا برعد وبرق سقت المواكين
وجهت له صاروخ من فوق تبه =وان جا خذيت بضاعته والدكاكين
لاسلْم من نشبه يجيه الف نشبه=ماله مفر ونشْب بين الشراكين
وكل طلبه فوقها الفين طلبه=والدرب من طوله تضيع السواكين
اللي يقول النقض معتاد شربه=ياكل عراد ومن بواقي الحساكين
انا لقيت الحسد للرجْل عطبه=مايبلغ المقصود راعي الحواكين
توي وعيت وشفت كلٍ وحزبه=وانا حسبت اني مع اصحاب زاكين
اثري مع اهل الحسد في كل نضبه=من غيضهم فوق الحقارات راكين
يتشدقو بالقول في كل رطبه=الين غاصو في الوحول الدراكين
يمشي الجمل مايشتكي يوم سغبه=ياطا بخفه لين كسر الوراكين
نور القمر ماضاق من ضي لمبه=والوقت به عيّه وبه ناس واكين

[عبدالله الشويمان]

كفو كفو وصح السانك يا ابا محمد

قصيده قويه جزاله مبنى ومعنى وقافيه..

دمت بخير ولا هنت

[داعي الشوق]

صح لسانك مليووووووووون يا بو محمد

شاعر جزل و ما فيك حيلة

و الشك زايل

ولاهنت

************

[عبدالمحسن الرحمه]

صح السانك شاعرنا الغالي
لله درك رائعه من رائع
ودي لك

[الراقي]

الف صح لسانك وفكرك

سعدت بقراءة هذه الجزله

وسعادتي اكثرفي معانقة وجودك

اسجل اعجابي

*

[الطواله]

كفيت ووفيت وابدعت
صح لسانك
ولاهنت
تحياتي الطيبه

[الـزلـزال]

نجم الإبداع

نص مميز في حروفه وتوجيهه
من شاعر عودنا على تميزة وروعة أسلوبة الشعري
أبدعت وأمتعت نجمنا الغالي
دمت بخير وسلام ودام لنا حرفك
صح لسانك ملايين ملايين
ولك فائق تحياتي وتقديري

[منيع]

اكثر من رائعة
تسلم اخي الكريم
تحياتي لكم

[الطامي]

فلاح بن منشار
صح السانك ملايين
وافية وكافية وهادفه
لافض فوك اخي
شكرا لك

[عمر ال شيبي]

صح لسانك وعتلا شانك
معنى ومضمون وقاف طيب يا طيب