بيت القصيد

[عذب القوافي]

بيـت القصيـد يصـيـد در المعـانـي=ويظهرمـع الشّعارطلقيـن الأيـمـان
وجيت الفطاحل وأعتبرهم إخواني=نـاس ٍتفنـن لاحضـرت كـل ميـدان

[الطائر المهاجر]

المشاركة الأصلية كتبت بواسطة عبدالكريم بن خزيم

بيـت القصيـد يصـيـد در المعـانـي=ويظهرمـع الشّعارطلقيـن الأيـمـان
وجيت الفطاحل وأعتبرهم إخواني=نـاس ٍتفنـن لاحضـرت كـل ميـدان

بيت القصيد بهالزمن كالسواني = والشعر اصبح ينشرى ببخس الاثمان
كل غدى يقصد وحتى الغواني = والاطرم اللي صار الشاعر فلان

[عذب القوافي]

ترى التشأم يارفيع المكاني=ماهوب طيّب لايبي من تبيان
والخيرباقي مانعيش الزماني=ومن شذماله مع هل الطيب عنوان

[الطائر المهاجر]

معدنك طيّب في زمان الهواني = تظن كل مثل حالك بالاشجان
وقت تغير لاعبٍ شقلباني = الذيل فوق ورافع الراس ينهان

[سناعيس]

واصلو وانا أبرص الصفوف
الكل منكم صح لسانه
على هذه المحاورة الرائعه والهادفه

[عذب القوافي]

الأستذ/ سليمان

صح بدنك

مشكورعلى الحضور

تقديري .

[عذب القوافي]

الحمد لله منزل السبع المثاني=الواحداللي مانح(ن)أمن الأوطان
والطيب باقي منذكرعبرالأزماني=والاالردي من فعلته نال حقران

[الطائر المهاجر]

الطيب ماهو بمظهر المودماني = ولا كل من صلى رجا بعض غفران
خل التفاءل كان تبغى الوماني = واخذ الحذر فالوقت غير الذي كان

[عذب القوافي]

بعض البشر ياصاحبي مغلطاني=ماله على دروب المراجل ولاشان
يفرح يسب الناس بأية مكاني=متغطرس ٍفيه الردى عدت ألوان

[نجم الإبداع]

الله يكفينا الشر

صح لسانك ياعبدالكريم

وصح لسانك يابو عبدالله

لاهنتم

واصلوووووووووووووووووا

تحياتي واحترامي