رح الله لايردك

[محمد بن عمار]

السلام عليكم .
عندما مايتوقف مسار التواصل
نشعر بأن دولاب الزمن كله متوقف
ولم تعُد هناك رغبة في رؤية من نحب
فمرةً أدعوله ومرةً أدعوعليه ،
جديدنا لهذا اليوم ،


رح الله لايردك

أنا كل ما طلبت الله ، يردك ، زدت في بعادك = رح الله لايردك بمكن إنه ماستجاب دعاي
بذلت رخيص ٍ وغالي سعيت أبحث عن إسعادك = تعبت وما تكلّل في نجاحه ، بحثي ومسعاي
قضيت العمر في شّفك ورهن رضاك ومرادك = متى ماغبت أجاوب نايح الورقا بكثر نعاي
على هونك بعد عمري ، بقلب ٍ ذاب بودادك = تمهّل كان ناوي يالغلا هجراني وقطعاي
ملازمني خيالك وأنت ، يهنا ، عينك رقادك = يمر الليل سهران ومنامي قعدة ٍ وإكعاي
عجب إنيّ قتيلك أمس ، صرت اليوم جلاّدك = بدأ مارد هواك بداخلي يستبشر برجعاي
أنا فعلاً تمشّكلت .! بهواك ، ونظرة حيادك = عقب ماناخت ركاب الغلا بك في حما مرعاي
تحمّلت الشقا والبعد وضبط النفس وإجهادك = أخالف هاتف أشواقي متى ما كرر إستدعاي
ومدام إن السبب أصبح ، نتيجة زايد عنادك = فأنا قلبي سمح من عشرة اللي مايبي جمعاي

مودتي لشموخكم

محمد بن عمار

شكرا لإمتاعنا بإبداعك
لاهنت
تحياتي

[عبدالعزيز العمار]

محمد بن عمار والموعد الجميل مع الشعر

لله درك يابن العم وصح لسانك وفكرك وكلك

دائما ً مبدع وممتع في طرحك الجزل والمميز

تقبل مروري وخالص تحياتي

[عمر ال شيبي]

ملازمنـي خيالـك وأنـت ، يهنـا ، عينـك رقـادك

يمـر اللـيـل سـهـران ومنـامـي قـعـدة ٍ وإكـعـاي

صح لسانك لا هنت مشارب حاميه يا قلبي بن عمار

وش هي اكعاي-- طال عمرك

[حي الضمير]

صح لساااااااااااانك شاعرنا الكبير محمد ابن عمار
قصيده رائعه وابدعت وعوااااايدك
سلمت يمناك

[سالم المغيلث]

أنـا فعـلاً تمشّكلـت .! بهـواك ، ونظـرة حـيـادك

عقب ماناخت ركاب الغلا بـك فـي حمـا مرعـاي

تحمّلت الشقا والبعـد وضبـط النفـس وإجهـادك

أخالف هاتف أشواقـي متـى مـا كـرر إستدعـاي

صح الله لساااانك يالعزوه تقبل مروري

تحياااتي وتقديري

[محمد بن عمار]

المشاركة الأصلية كتبت بواسطة عمر ال شيبي

ملازمنـي خيالـك وأنـت ، يهنـا ، عينـك رقـادك

يمـر اللـيـل سـهـران ومنـامـي قـعـدة ٍ وإكـعـاي

صح لسانك لا هنت مشارب حاميه يا قلبي بن عمار

وش هي اكعاي-- طال عمرك

اكعاي / مرتكي على كوعي ياطويل العمر فديتك

[الطائر المهاجر]

أنا كل مـا طلبـت الله ، يـردك ، زدت فـي بعـادك
رح الله لايـردك بمـكـن إنــه ماستـجـاب دعــاي
عبدالمحسن بن سعيد
أنا كل ماطلبت الله يجيبك زدتني ببعااااد
رح الله لايردك يمكن الدعوات مقلوووووبه

الطائر المهاجر
فانا مهما اقرّب منك اعيـش القهـر والانكـاد
"رح الله لايـردك" دعـوةٍ تاصلـك مقلـوبـه
بدل ما يبعدك عني يـردك لـو غويـت بْعـاد
لتعرف وش غلاك بقلب حطـك يـوم مندوبـه

الظاهر فيه تقارب في الشخصيات والأفكار

صح لسانك
ولا هنت
تحياتي

[حرف وشعر]

محمد بن عمار

لاهنت يالذيب

طبت وطاب مساءك

[عمر ال شيبي]

المشاركة الأصلية كتبت بواسطة محمد بن عمار

اكعاي / مرتكي على كوعي ياطويل العمر فديتك

سلمت لا هنت على الايضاح