لاوآآآهني اللي من الحــب ســـالي ،،،

[داعي الشوق]

لا واهني اللى من الحب سالى = متريح باله ولا عاش بهموم
قلبه سليم من سهوم و نبالي = عايش و متهني ولاهوب محروم
ماهوب محرومٍ من عيون غالى = ولا طرا له بالهوى علم و علوم
ماهوب مثلي بس ساهر ليالي = أعانى اللوعات و احسّب نجوم
باسباب من جاله بقلبى مجالي = ريم ٍحسين الدل والنهد مزموم
ريان عوده والجدايل طوالي = هاف الحشى والخصر ضامى ومهظوم
والعين من رمشه عليها ظلالي = لا رف بأدنى العين صابتك بسهوم
حبه تمكن بي و ساكن ببالي = و انا بحب الزين ماني بمليوم
نصف الشهر يبدا القمر بالعلالي = متكامل بدره ولو حوله اغيوم
و تال الشهر يبدا يعوّد هلالي = مذكور و حسابه مدرّس ومعلوم
وانا حبيبى بدر في كل حالي = ما يعترف بحساب تاريخ و رقوم
حبيب قلبى كامل بالجمالي = ماله مثيلٍ بين الأشوام والروم
نجدية المنشأ وتاج الكمالي = من ساس عربانٍ لهم صيت وسلوم
ياما من المحبوب شي جرالي = حيرني الظالم وانا منه مظلوم
مدري غيابه ليه طــوّل وطالي = انا من المزيون والله مصدوم
أرجوك يا خلي تلطف بحالي = ما للهجر معنى ولا هوب مفهوم
لك مدة ما بان منك اتصالي = ولا وصلني منك يا زين مرسوم
ما قد هوى قلبي لغيرك ومالي = أنت الوحيد اللي له القلب مجزوم
يا غاية آمالي ويا راس مالي = لا غبت محشومٍ والا جيت محشوم

[عبدالله راشد الثويني]

لا غبت محشومٍ والا جيـت محشـوم
لا غبت محشومٍ والا جيـت محشـوم
لا غبت محشومٍ والا جيـت محشـوم
لا غبت محشومٍ والا جيـت محشـوم
الله عليك ياسعود
كم أنا سعيد كوني أول من يرد على هذه الدره وهذه الشامخه
شاعر مُبدع أخي الغالي سعود
منتهى العذوبه أبيات تمنيت أن لا تنتهي
كل الشكر على إتحافنا ، طامعين دائماً با الجديد
تقبل وُدي وأعطر وُردي

[عذب القوافي]

الجزل / داعي الشوق

صح لسانك نص وافي من وافي

وأمل قبول هذا البيت المتواضع

يالغالي

تقديري

	يابوسعدترجمت شيّن جرالي=في قافك اللي للعواريف مرسوم جبت المعاني سقتها بعتدالي=ياشاعر ٍ وسط البحرتبدع العوم أنا أشهد إنك ياكريم السبالي=هيضت جرح ٍ بين الاضلاع مردوم حبيت مهرة من زمان ٍ مضالي=حب ٍ عفيف ٍ وأعشقه حيل لليوم لوهي على ماقيل تقطع وصالي=أحبها والقلب ماهوب مليوم ذاله ثمان سنين يسكن خيالي=صاحي أنادي إسمهاكني بنوم

[صوت الإحساس]

الله الله الله



يا دااااااااااااااااااااااعي


ما اجمل وما اروع ما قرأت لله درك


القصيدة بكااااملها لوحة جماليه مبهر ة

لكن وقفت هنا كثيرا

يـا غايـة آمالـي ويـا راس مالـي ــــــــــــــ لا غبت محشومٍ والا جيـت محشـوم


قمة بيت الهامي وبأسلوب سلس خالي من التعقيد


صح لساااااانك مليوووووووووووووووون


تعظيم سلاااام لهكذا حضور

[محمد عبدالله البدراني]

العزيز الغالي داعي الشوق سلمه الله



الله الله الله عليك



مليوووووووووووون صح السانك وعلا شانك


لاهنت يابو سعد وبيض الله وجهك


تحياتي
مع اسمى ايات الشكر فائق التقدير واطيب المنى رعاك الاله

[داعي الشوق]

المشاركة الأصلية كتبت بواسطة عبدالله الثويني

لا غبت محشومٍ والا جيـت محشـوم
لا غبت محشومٍ والا جيـت محشـوم
لا غبت محشومٍ والا جيـت محشـوم
لا غبت محشومٍ والا جيـت محشـوم
الله عليك ياسعود
كم أنا سعيد كوني أول من يرد على هذه الدره وهذه الشامخه
شاعر مُبدع أخي الغالي سعود
منتهى العذوبه أبيات تمنيت أن لا تنتهي
كل الشكر على إتحافنا ، طامعين دائماً با الجديد
تقبل وُدي وأعطر وُردي

حياك الله يا عبدالله
نوّرت الصفحة الله يسلمك
وصح بدنك
و مشكوووور يالحبيب على المرور

مع التحية لك

[رفيعة الشان]

و انا بحـب الزيـن مانـي بمليـوم

صح الله لساانك على قصيدتك الرائعة

ونتبعها بصح لسانك لعبد الكريم

تحياتي لجميـــل ماخططتم

[الطامي]

داعي
صح بالسانك وبنانك
ولاهان راسك يالغالي
شكرا لك

[محمد الأحمري]

الله الله الله
يا داعي الشوق
والله وألف صح لسااااااااانك
أنت مبدع مبدع مبدع
وفقك الله ياغالي ورعاك
وسدد خطاك
وراح نشوف لكـ الأجمل
ياشاعرنا العذب

[داعي الشوق]

المشاركة الأصلية كتبت بواسطة عبدالكريم بن خزيم

الجزل / داعي الشوق

صح لسانك نص وافي من

وأمل قبول هذا البيت يالغالي

تقديري

يابوسعدترجمت شيّن جرالي=في قافك اللي للعواريف مرسوم
جبت المعاني سقتها بعتدالي=ياشاعر ٍ وسط البحرتبدع العوم
أنا أشهد إنك ياكريم السبالي=هيضت جرح ٍ بين الاضلاع مردوم
حبيت مهرة من زمان ٍ مضالي=حب ٍ عفيف ٍ وأعشقه حيل لليوم
لوهي على ماقيل تقطع وصالي=أحبها والقلب ماهوب مليوم
ذاله ثمان سنين يسكن خيالي=صاحي أنادي إسمهاكني بنوم

صح بدنك يا بو ابراهيم

ومشكووور يالحبيب على المرور الجميل وعلى الابيات الجميلة ايضا

سلمت يابو براهيم

تحيتي لك

،،،،،،،،،