المستشار يطالب

[الطائر المهاجر]

المستشار الفاضل الإستاذ/ حمد السحيمي يطالب في توقيعه بكشف الأسماء المستعارة في همس القوافي

عند الفطاحل طويليـن العمـار=يامرحبا بالصغيـر وبالكبيـر
حطيتني يالمهاجـر مستشـار=توجتني ياعسى فالأمـر خيـر
الله يجمـل نشـارك باقتـدار=ونحث ركب السفينـه للمسيـر
والبرقع اللي على روس الحرار=ياهل ترى ذا يصير او مايصير

فماذا ترون يا معشر الفطاحلة ..

<-- أصغر مـعـشـر الـ فـطـاحـلـة ..

/


اِتـحـيـا وتـدوم .. يا راع الـ قــرار

%%%% نـظـرتـكـ مـحـور .. يـجـنـبـنا الـ خـطـيـر

الـ بـراقـع لـ الـ نـسـا .. فـيـها انـتـصار

%%%% أمـر نـرضـخ لـه .. من الــ رب الـ بـصـيـر

والـ صـقـور تـحـوم .. في عـال الـ مـنـار

%%%% ما تـداري خـوف .. من نـسـرٍ صـغـيــر

مـسـتـشـار الـ نـور .. حـرفـكـ له مـدار

%%%% لـيـت مـن يـقـرا .. حـروفـكـ يسـتـخـيـر


/

واخـتـلاف .. الـ رأي .. لا .. يـفـسـد .. لـ الـ ود .. قـضـيـَّـة !!

..

[الطائر المهاجر]

"البراقع للـنـسـاء فيها افتخار" = ماخبرنا رجال بالبرقع تسير
وللظروف احكام في بعض المسار= ومن بغى البرقع يخبر للمدير
في رساله تشرح اسمه باختصار= ينحفظ عنده بصندوقٍ ستير
ويظهر المرغوب بإسمٍ مستعار = تحفظ حقوق الشعر وقت النفير

[نجم الإبداع]

علم السحيمي قدا وافي العيار= كلام مليان هذا مايصير
وش حد بعض العرب للمستعار = مابيننا لاذليل ولا حقير
اخوان ماشين في هذا القطار = وش فايده تخفي اسمك يامير
ياخوي شيل الغطاء يحلى الحوار= وان مايبي قلت يالله صار خير

[نسناس الهوى]

دوك الذيابه لا غدت تستشار = قال المسمى حاجته يستنير
قله ترى ماكتمل راس العمار = وتوّ الحكايه باديه بالمسير
وابشر ليا من اتزن بالمسار = نعلن عن اللي في سنينه صغير

[ابو زياد]

السحيمي جا لنا وضح النهار=يا هلا به عد ما هل المطير
يا هلا باللي عليه الاعتبار=يا هلابه راعي الذكر المنير
من بغى للعلم جاله باختصار=الحرار احرار ما فيهم كسير
ما دخلنا الدار نبغى الاشتهار=ولا تخفينا ولا نبغى نذير

[الطائر المهاجر]

من تخفى ما يبي له من آثار = جاته الظنّه بشغله لو صغير
من عرفته صرت له مثل الجدار= يرتكي ماخاف من سبر الخفير
ومن جهلته لو بدا بعض الغبار = مقدر ادفع عنه فالوقت الخطير
لا طلع شاعر وقال الدم فار= فطحل عندك سرق وانته تجير

[سناعيس]

ماعلى قولك غلط والا غبار=يالسحيمي يا حمد وانته قدير
لكن المطلوب وش يجني ثمار=ان عرفت أو ماعرفته وش يصير
مالها تأثير سلبي أو دمار=ولا لها أصلا من المساوئ ما يضير
ولاتعلل ياحمد لابياض ولاسمار=وكان فيها عرس أبشر بالبشير
السكيبي وديرتي منها قفار=واسمي سليمان وبالله استجير
جاك علمي وانت رجل تستشار=من الكبير الفطحلي قبل الصغير

تحياتي
اخوك ( سناعيس ) عاد لاتزعل آخر مره