حظن دافي

[نجم الإبداع]

قال ابن منشار اسمعوا حرف رنان=يشفي المراضى مايجيه انعطافي
وجهة نظر من قلب ماهوب منان = حب القوافي يومها حظن دافي
اشوف بعض الناس يحسبه سلطان = يرمي ويحسب خالق الكون غافي
لو حدد اهدافه لقلنا انت شيهان = ليته من الهفوات والغمي عافي
والا اتبع درب الفرزدق علا شان = نقول رميه باللقاء صار وافي
الشعر له موقف وهو عالي الشان=بين العلوم الشعر مثل المرافي
والشعر مايرضى من القول نقصان=مثل الذهب ماجاه يوم ارتجافي
والشعر لاصاغه من القوم فرسان =فارس همام وبالمهمات كافي
الشعر نبض الروح واحساس نشوان = مثل السيوف اللامعات الرهافي
يحلى الشعر بالحبك في صوغ الاشجان=ويمر طعمه لاستقى حرف جافي
لولا المشاعر مارتوى قلب عطشان = ولولا عيون الغيد من هو الرصافي
ولولا هوى عبله بعنتر لما زان = بين البشر ياهوه نظم القوافي
صب المشاعر بالرضاء زاهي الالوان=مثل الورود عبيرها جاك صافي
ياعاذل العشاق حديّت الاوزان = لاقيس يشبه لك وليلى لها في
هذا بيان الشعر ياكل طربان = من نهل ماجته العذاريب صافي

[ماجد الزيد]

الله الله يافلاح ابدعت كعادتك الف صح لسانك يالشاعر
لا ادري ما انسخ من الابيات فكل بيت اجمل من الاخر
احسنت يافلاح بارك الله بعمرك

[سعيد الصاعدي]

الاخ الفاضل / فلاح بن منشار
صح لسانك لاهنت
عز الله انك مبدع ووافي يابن منشار
تقبل الحب والاعجاب
أخـــــــــوك
س / ص

[عبدالله الشويمان]

يا سلام عليك يا ابو محمد

جزله وحكيمه من راس جزل اعرفه بالجزاله

بيض الله وجهك يا فلاح قلت فابدعت..

دمت بخير وصحه وسلامه ولا هنت يا الغالي

[حوريه]

لولا المشاعر مارتوى قلـب عطشـان
ولولا عيون الغيد من هـو الرصافـي


بوح رائع من شاعر رائع...
لاهنت ولاهان مغليك....
فلااااح ...صح لسانك مليون....
فائق الود والتقدير

[صوت الإحساس]

صح لساااانك


بيض الله وجهك



صاااادق الود

[داعي الشوق]

ياسلام عليك يالشاعر فلاح

صح لسانك يا صاحب الحرف والمعنى الجميل

دائما مميز ومبدع ،،

وصدقت في كل معنى ومغزى،،

تحياتي لك مع التقدير والاعجاب ،،،

[حي الضمير]

رااااائع واطربتنا شعر وجزاله شاعرنا الكبير فلاح
والحقيقه ابدعت كعادتك بتلك القصيده الشامخه
والف صح لسااااانك يامميز

[صعبة المنال]

ابن منشار


صح لسانك وفكرك



صعوب

نوورت المنتدى بطلتك

وإبداعك الرائع

دمت ويعطيك ألف عافيه