§][][لعبة روس][][§

[حمد الدليهي]

غياهب وانت ياالأبداع فيني منهل الألغاز=قصيده والطلاسم من بدايتها ليا اخرها
تراديد الأنا من غير فعل تخالف الأنجاز=وحزات المهمه .. ماتبي .. شخص(ن) .. يأخرها
وانا مامقصدي فايز ولافوزي ولافواز=محيط(ن) يلتطم موُجه ولاحسّْب بواخرها
ولاهو زود .. لكن عارف الجيّد من الممتاز=صعيبات القوافي ماتتعبني واصخْرّها
قوايمها سليمه مابعد قامت على معكاز=أعطرها من الكادي والازرق منّه أبخرها
واشوف بعيني الصوره وحاط اطرافها البرواز=وفيها ضرس والبرواز مثل السوس ينخرها
وفيّها للجمل مشّهد وقيد(ن) .. للجمل وحجاز=وفيها للنهر منظر وعذب الماء يزخرها
وشفت الشط .. والبصره .. وشفت .. الفاو .. والأهواز=مناطق تنشطر قسمين ماتحمي مفاخرها
وصوره ثانيه في وسطها جثه ولاتنهاز=سبايب ثقلها بالخشم مع فتحت مناخرها
وفيها لعبة رياضه تُسمى لعبة الجمباز=ماهي لعبة بنات الروس لعبة روس ذاخرها
طلاسم وانتهت غايب خبرها يكفي الأيجاز =وهذا غيض من فيض وكنوز المال داخرها

[سناعيس]

حمد الدليهي
صح لسانك وبيض الله وجهك
قصيدة رائعه من شاعر رائع

تحياتي

[وجدان القلوب]

الدليهي صح لسانك
أبيات جميلة ....ورااااااااااائعه...

[الأموره]

صح لسانك ملايين

سلمت يخوي

الف شكر لك ،

دمت برعاية الخالق ،

[عبدالله الشويمان]

الاخ حمد الدليهي

كفو كفو وصح السانك يا الغالي

قصيده رائعه

لا هنت

قوايمهـا سليمـه مابعـد قـامـت عـلـى معـكـاز
أعطرهـا مـن الـكـادي والازرق مـنّـه أبخـرهـا

صح لسانك كفيت ووفيت

ابيات جزله من راس جزل

تحياتي

[مبارك أبوظهير]

وحزات المهمـه .. ماتبـي .. شخـص(ن) .. يأخـره



الدليهي ..



ورائعه من الروائع .. تضاف إلى أخواتها



ألف ألف صح قلبك وفكرك .. أبدعت .. ولاهي غريبه عليك .. فأنت للإبداع عنوان



متميز في طرحك وحضورك .. لله درك



الشطر أعلااااه .. آخر كلمه .. ناقصها الألف .. أعلم بانها خطأ مطبعي .. ولكن يجب التنويه عنه



إعجابي .. متابعتي




مبارك

[منيع]

عاصمة الابداع ياحمد
شكرا لك
تحياتي

[ابومياس]

طلاسـم وانتهـت غايـب خبرهـا يكفـي الأنـجـاز
00000000000000وهـذا غيـض مـن فيـض وكنـوز المـال داخرهـا

نص من روائعك التي لاتنضب

صح لسانك وبيض الله وجهك يالدليهي

عادتك التميز

دمت بخير وعافية

[الخنساء]

صح لسانك اخي الشاعر حمد

لاهان راسك قصيدة رااائعة

سلمت وسلم شعرك

دمت بخير