قصيده كمبيوتريه تستحق القراءه

[عبدالعزيز-]

اسعد مساكم قصيده تستحق القراءه مع العلم لا اعلم من الشاعر
واتمنى من يعلم عن اسمه ان يخبرنا
حقيقه موجوده بين دفاتر الاختيار اللى عندي من قبل تقريبن

10 سنوات وبحثت عن اسم الشاعر ولا عرفت -



فيروس هجرك عطل القلب تعطيـل

ودمر ملفات الفـرح فـي حياتـي

ياللي سكنت القلب من دون تحميـل

متـى لموقعنـا تشـرف وتـأتـي

عنوانكم ماهـوب ياهـو وهوتميـل

عنوانكم روحـي و قلبـي و ذاتـي

كم مرةٍ أرسلت لك عبـر الإيميـل

وأدورك فـي منتدايـه و شـاتـي

وأرسلت لك قصة عذابي مع الريـل

ياللي غيابك هـو سبايـب شقاتـي

دايم عليك أبحث بياهـو و جوجيـل

وأنـت ولا تسـأل علينـا بتاتـي

خابرك بانتيوم فور أصلي و إنتيـل

لكـن خسـارة غيـروك الوشاتـي

وكان الهكر غروك بالقـال والقيـل

بأدعي عليهم في سجودي وصلاتي

ياجعلهـم بقعـاء وطيـرٍ أبابـيـل

ترمي عليهم بأمـر ربـي حصاتـي

يرضيك من حبك غدى منهك الحيل

ريقي غدى ناشف ويبست شفاتـي

صحـراي جفـت مالفانـا مخاييـل

وأنت المزون اللي تـروّي نباتـي

وياشين حالي لا قريـت المراسيـل

في الأوتلوك أذكر قصص ماضياتـي

منك حزين الحرف شاف البهاذيـل

وقلبك مثل قرصٍ صلب في القساتي

موقعك في وجهـي مقفـل بتقفيـل

حتى البروكسي مانفع وش سواتـي

بمفضلة قلبـي عطينـاك تفضيـل

أنت المفضـل عندنـا يـا غناتـي

ويا زين هجرك عطل القلب تعطيـل

ومن غير شوفك وش تساوي حياتي

كني بدونك قرص فـارغ ولا فيـل

فاسد ومرمـي بسلـة المهملاتـي

ماعدت أفرق بين اكسس و أكسيـل

وماعدت أفرق بين بالتوك وشاتـي

وبأشكي على الكيبورد كثر الغرابيل

وأكتب على الوورد المطور وصاتي

وهذي النهاية حطها وسـط تظليـل

لا مت فغيابك هو سبايـب مماتـي

[داعي الشوق]

صح لسان الشاعر
قصيده مفرمته 😄

و علمها عند العود يجيب خبر شاعرها

ولاهنت عبدالعزيز

و يعطيك العافيه

[عبدالعزيز-]

حقيقه قصائد جميله جدا وتدل على تمكن الشعراء اللى كتبوهن بتمكنهم ومدى ثقافتهم الكبيره وعلمهم الغزير - حقيقه اكثر من 10 سنوات والقصائد مخزنهم بين دفاتر الاختيارات اللى عندي وحقيقه دفاتر الاختيارات اللى عندي تتجاوز ال10 الاالف قصيده مختاره فبين فتره وفتره اغووص بين الدفاتر واطلع عليهم ولا اعلم القصائد في اى دفتر موجودين - وامس وانا اقرا في بعض الدفاتر اطلعت على القصيده السابقه والقصيده هاذي - اتمنا تحووز على رضاكم واذواقكم النيره -



في دسك توب القلب سويت فايل . . . . باسمك و خزنته بوسط الدكيومنت

وبيجك على الفيفورت ماله بدايل . . . . في الميموري و الهيستوري قد تدونت

فيروس حبك بي مسوي عمايل . . . . في هارد دسك القلب طحت و تمكنت

وايميل قلبي صار لك حيل مايل . . . . يكشف لك الباسورد من وين ما كنت

مبرمجة دليت كل الرسايل . . . . وبلوك سندر للمخاليق الا انت

سويت شت داون وريستارت أحايل . . . . اثرك على السيرفر بحالة تسلطنت

جربت داون لود باصعب وسايل . . . . عيا يتحمل غيرك وتالي اذعنت

لو سوت الماوس بقلبي هوايل . . . . سويت له ريفرش وبحبك اعلنت

يا ويب ماستر خاطري بالقبايل . . . . مالي سبايت غيرك ولا بعد انت

نذرت لك كيبورد عمري وشايل . . . . لك في فولبي القلب صورة ولا خنت

وسويت لك انتر ولاني بقايل . . . . إندو ولو في مودم القلب طعنت

دبل كليك اضغط على كل فايل . . . . في القلب ما تلقى من الناس الا انت

[عبدالعزيز-]

المشاركة الأصلية كتبت بواسطة داعي الشوق

صح لسان الشاعر
قصيده مفرمته 😄

و علمها عند العود يجيب خبر شاعرها

ولاهنت عبدالعزيز

و يعطيك العافيه

من ذوقك الكريم اخوى داعي الشوق ومنور المنتدى

[عبدالعزيز-]

مـــــــــــــــــع العلــــــــــــــم باقي قصيده ثالثــــــــــــــه

تعتبر من اندر النوادر وفيها من السجع الشي المحير والكبير اللى يدل على مدي واطلاع وثقافة شاعرها - ان سهل الله بجيبها لكم ولكن ليس عندي علم في اى دفتر ومثل ماسلفت ان القصائد كثيره تتجاوز ال10 الاالاف قصيده ولا ادري في اى دفتر فيهم ولكن بصيدها وين بتروووووووووح

[الطائر المهاجر]

فيروس هجرك عطل القلب تعطيـل

هذي يقول واحد اسمه حزين الحرف واسمعه عبدالرحمن سعد انها له
وحطها في احد المواقع بتسجيل صوتي له

[الطائر المهاجر]

في دسك توب القلب سويت فايل
يقول الشاعر احمد السبيعي انها له طبقاً لأحد الموقع
ويقال في موقع آخر انها للشاعر علي السبعان

عموما هذا القسم خاص بالشعر المنقول الذي يعرف صاحبه فقط
وعلى الناقل ان يوضح ذلك
اما من اراد الإستفسار فيمكنه الإستعانة بقوقل
تعليمات النقل
http://www.fatahilah.com/showthread.php?t=30209

[عبدالعزيز-]

المشاركة الأصلية كتبت بواسطة الطائر المهاجر

فيروس هجرك عطل القلب تعطيـل

هذي يقول واحد اسمه حزين الحرف واسمعه عبدالرحمن سعد انها له
وحطها في احد المواقع بتسجيل صوتي له

هلا بخوى الطائر المهاجر

اجل بعتمدها ان اسم شاعرها - عبدالرحمن سعد - والله يجزاك خير
حقيقه متمكن الدكتور ومطلع اطلاع واسع وثري علم ودرايه

[عبدالعزيز-]

المشاركة الأصلية كتبت بواسطة الطائر المهاجر

في دسك توب القلب سويت فايل
يقول الشاعر احمد السبيعي انها له طبقاً لأحد الموقع
ويقال في موقع آخر انها للشاعر علي السبعان

عموما هذا القسم خاص بالشعر المنقول الذي يعرف صاحبه فقط
وعلى الناقل ان يوضح ذلك
اما من اراد الإستفسار فيمكنه الإستعانة بقوقل

اصبح فيه الاتباس بين الاسمين ولكن قوقل ماكل اللى فيه صحيح بل فيه من الخطا الشي الكثير - حقيقه فيه قصيده لنوره الحوشان العازميه - اللى فيها بيت مشهور
اللى يبينا عييت النفس تبغيه
واللى نبي عيا البخت لا يجيبه

هلبيت في قوقل ينسب لشاعره غيرها وهو الصحيح لنوره الحوشان العازميه

اشكرك اخى الطائر المهاجر على الردود السريعه وعلمك الوفير

[الطامي]

عبدالعزيز
صح السنة شعرائها
ولاهان من نقل
شكرا لك