حياة المدينة والباديــة ... بـيــن هــذه الآبيات

[داعي الشوق]

هاض الضمير وفاض قافي وغـنـيــت = غنيت من شغل التفاكير وإنتـــــــــــاج
من عقب ما شفت البدو يوم مــــريت = مجلاسهم طيب ونقاء وفلة حجـــــــاج
يا ليتـنــي عـايش مع البـــدو يالـــيت = ولا عشت في ديرة هل الضج و إزعـاج
لامن طرى للفكـــــر طــــاري تمشيت = أطلق عنان الرجل مع كل منهـــــــــاج
أمشي وأسج بخــاطري يــــوم عديت = بين الفياض الناظـــــره طب وعــــلاج
ولاجاء العصر جبت الدلال وتقهويت = فوق الطعوس اللي لها البال محتــاج
والـفـجــر لا نـــادى المنادي وصليت = القا الجماعة وإقصراء البيت أفــواج
وعقب الفــرايـض للمعـــــازيم ناديت = في مروبع العمدان والصبح فجــاج
وصفر الدلال إتــعــد والـنــــار شبيت = وأسمع رنين النجر والنار وهـــــــاج
ودارت ســــواليـفـــن على ما تمنـيت = والعود الازرق عاثي وجاله عجــــاج
مليت أنا من زحـمـت المــدن مـلـيـت = مليت من روتين لاهين و إحــــــــراج
طبع المدن شايك وانـا طـبـت وأزريت = حالي إ نـبــرا وأرجي من الله الافراج
ما كـنـي بــوسط العرب لـو تهقويت = كـنــــي غريب مطوق بسور وسياج
الـكــل يـدبـك كل ما أصبحت وأمسيت = منطوقهم مشغول ومزحـــوم الادراج
الوضع مزري ومن سبايـبـه عـانيت = بــأ قضـّي أوقــاتي مع الليــــل بسراج
من لامني وأعـلـن بيــانه مـن البيت = أقـــول بيـتــك مـرصــد بكـم مــــــزلاج

صح لسانك وعلى شانك اخى سعود
جمالها اكتمل بلمساتك السحريه
لاهان راسك

[الطائر المهاجر]

هلا ومرحبا بك أخي سعود
جزلة من راس جزل وشاعر متمكن
شكرا على اتحافنا بها
لاهنت يالغالي
تحياتي الطيبة

صح لسانك وعلى شانك
جزله من جزل
لاهنت يالغالي
كل ودي واحترامي

[ابومياس]

صح لسانك اخووي سعود

قصيدة جزله وومعاني رائعة

دمت بخير وعافية

سعود


ييض الله وجهك على هذا النص الجميل


تحيتي لك

[منيع]

ابيات رائعه
ومعبره
ومقارنه في محلها
بارك الله فيك
تحياتي

[ماجد الزيد]

صح الله لسانك اخ سعود وعلا شانك وعز الله انك صدقت بوقولك واجدت بوصفك
استمتعت بقراءتها من اولها الى اخرها
لاتحرمنا هالروائع طال عمرك

[عبدالعزيز العقيدي]

سعود
تسلم وصح السانك على هذه الفاخرة
تقبل مروري المتواضع
وسجل أعجابي بها
تحياتي لك

[عيد مشعل]

صح لسانك

وعلى شانك

قصيده وااااااااااااقعيه بمعنى الكلمه

جزله من شاعر جزل

تحياتي وتقديري