اشكي عليك الحال

[الطائر المهاجر]

اشكي عليك الحال يامن تجنّا = خطرٍ على قلبي يجيه الجنانا
ضحكت لك الدنيـا بعينٍ وسنّا = وطعنتني بالهجر لا باسنانا
غيرك فـلا حبيت إنسٍ وجنّا = يفز قلبي لك إذا قيل جانا
دايم اسولف بك ودوم اتغنّا = لكن قلبك رافضٍ للحنانا
ما ودي أذكر كيف في يوم كنّا = ولا لي بهرجٍ في زمن يوم كانا
حبك بقلبي ما يقدّر بينّا = ولو ينوزن بالكون يرجح عيانا
أنتي غديتي سهيل صعب يدنّا = وصعبٍ يحاكم بالهوى او يدانا
ان كان حبك عن تغني وفنّا = فحبي صدوق دوم فيك يتفانا
عندي أمل ما خاب في يوم ظنّا = يمكن نحقق بالمحبه منانا
محد يبي الهجران دامه تعنّا = إلا فؤادٍ ما عرف للملانا
ونا قليبي كل يوم يتمنّا = شوفتك يالغالي واحس بأمانا
ودي تجي ياحب كود نتهنّا = ونعوض اللي بالوقت ما هنانا
خلك عجل يا حب ليّا تـونّا = خوف القدر يمضي اذا من توانا
ومن يبتعد عنا فلا هوب منّا= نلقى بديله دام يبغى جفــانا