[حبيبي أخلّيك ]>>

[مبروك بن ماضي]

لـمـا تـقــولي لي (حـبـيـبي أخـليك) = وتـســـتـأذني مني لـقـطع إتصالك
مـاتــقــفـلـيـن إلاّ وقـــلـبي يـنـاديك = تكـفــيـن خـلـيـني بـفـكـرك وبالك
أحس بك وأتخـيـلـك دوم ووْ حيك = وأشعر بنـبضات الخـفوق بشمالك
وآذوب بعــذوبـة ورقِــة مـعـانـيـك = وآقـول ســمي جـيـت كلي حـلالك
قولي أحبك واحـيي عْـروق مغلـيك = الـلي فـــؤاده بالـمـحـبـه صـفا لك
أكـذب عـلـيك ان قلت لك ميّتٍ فيك = أصلي من أول في محـبـتـك هالك
شـاعــر وهـايـم ياحـــياتي بـواديك = أعـشقك واتـفـياء الغلا في ظلالك
واشـتاق لـك حـتى ونا بـيـن أياديك = واشعر بـنشوه عارمه في وصالك
لا لاتخـلــيــني عـسى الله يـخـلــيك = تحـلا لي الـدنـيا فـقـط من خـلالك
ماتـشـبـهـك هـذي ولاتـشـبهك ذيك = وحـدك سكـنـتي في خفوقي لحالك
ابـيـع كل الـنـاس يـاورد واشــريك = واسـتـمـتع بشوفك وفـتـنة جمالك

[فارس القوافي]

اررررحب يامبروك

الله الله

نص رااااائع

صح لسانك


لاهنت

دائماً مبدع بكل حالاتك

يعطيك العافية

دمت بخير

[داعي الشوق]

صح لسانك يالشاعر مبروك

شاعر جزل و معروف بالابداع الجميل

صح لسانك مدد

مع التحيةلك

،،،،،،،،،،،،،،،،

[نجم الإبداع]

واستمتع بشوفك وفتنة جمالك

ياسلام عليك يامبروك

مصافحه راقيه

صح قلبك

ولاهنت

تقبل مروري

وتقديري

[صعبة المنال]

الله الله الله يا ابن ماضى
دوم لك مقام خاص
صح لسانك وحرفك

صعووووووووب

[عذب القوافي]

حي القصيد وراعيه

وصح لسانك أخي مبروك على هذا النص العزلي الجميل

شاعر حاضر في كل ميادين الشعر

مشاء الله تبارك الله مبدع يامبدع

تقبل مروري هناء

أخيك

:::::أبوابراهيم:::::

[سعود العضياني]

صح السانك وبيض الله وجهك

ولله درك والله لايضرك


قصيدة جزله من رأس جزل


دمت ولاهنت

[الطائر المهاجر]

جميل ما قرأته من رقة المشاعر والأحاسيس
من فكر نير وقلم مبدع
لك شكري وامتناني
وخالص الود والتقدير

[شجون القصيد]

الله الله شاعرنا مبروك

أبيات متميزه رائعه

عزف قلمك ألحان عذبه وممتعه

ما أروع حرفك

وماأجمل بوحك

كلمات لها وقع السحر

قصيدة رائعة وتسلسل اروع لله درك شاعرنا

ارويتنا شعرا

تقبل اعجابي بحرفك الشجي

ومكوثي طويلا امام هذه الباذخه

دمت بود

[سناعيس]

أكذب عليك ان قلت لك ميّتٍ فيك
أصلي من أول في محبتك هالك

الله الله
شاعرنا الجزل مبروك بن ماضي
صح لسانك
على هذا البوح الرائع والعذب
ولله درك

لاهنت


تحياتي