ازريت لا اسلى بالشعر والكتابه(بالصوت)

[الطائر المهاجر]

ازريت لا اسلى بالشعر والكتابه = كبدي من الحرّات تشعل لهايب
من واقـعٍ يفرض علينـا الكآبه = ولا ندري اللي مقبلٍ من هبايب
ومن القهر نطعم مرارة شرابه = وتقطّعت بالصبر كل الركايب
صاب العرب ذلٍّ رفض للطبابه= محدٍ نجى لو كان بالعقل غايب
صرنا جـدار قصيّرٍ في خرابه = يطمر عليه اللي تعوّد خرايب
الذيخ بوش اليـوم كشّر بنابه = ومعه الحصاني جاهزه للنهايب
جاروا علينـا بالظـلم والنهابه = ما يكتفوا ندفع رسوم وضرايب
حطّوا بقلب العرْب خنجر مذابه = تلعب بشريانه وتشرب نخايب
ولو هو نزف دم القهر والصبابه= قالوا توصخ خنجرٍ منك عايب
ثم الحقوه الراس ..ارض المهابه = ارض الحضاره حولوها زرايب
مايدروا إنّا كالجسد في الصلابه = تتحرك الأطراف عند النوايب
وما يدروا إن الصبر كمّل نصابه = لا من تناخينا وقود الحرايب
لا صـاح صيّاح القبـايل جوابه = بركان ثاير ما حسب للعطايب
في كل شبرٍ نـار مثـل السحابه = تمطر عليهم وابلٍ من لهايب
يكفى مهـانه يا رجـال الذرابه = الذيخ ناويكم بكثر المصايب
ولو هو خدعكم بالحكي .. في جرابه = حقده مبيّت من زمان النجايب
يبي يتفـرّد بالغنـم ..لايجـابه = بجموعها وقرونها والذوايب
القتـل فيكم جـايز ولا غرابه = ولو بالخطا يقتل حديهم مصايب
ولا من طلبتو حقكم بالخطابه = ردوا بنيران الحقد والهزايب
"أنتم هـل الأرهاب تعلوا قبابه = وحنّا دعاة السلم في قتل شايب"
وهم من يخطّط ما عليهم رقابه = وهم صانع الارهاب في كل نايب
من شان يلقون العـذر للنهابه = يستعمرون بلادنا بالغصايب
والبعض منّا عن جهل او حبابه = ما يدركوا ماللعدا من رغايب
فالغرب لو لفّ البعض في ثيابه = ياسرع ما يبني عليهم نصايب
كم واحدٍ قـالوا بنحمي جنابه = وهم من طعن ظهره من اقرب قرايب
اوراق تستخدم لمسح وكتابه = وترمى بعد هذا بوسط الخرايب
الشاه واللي قد مشى في ركابه = صدام والسادات واهل الكتايب
راحوا بنفس الدرب دامه تشابه = فاللي وثق بالغرب داس العطايب
من لا عطاه الله عز ومهابه = باسباب عدله مخطرٍ بالعقايب
ومن نام واثق في حماية كلابه = تنصاه إذا شبعت تدوّر كسايب
ومن غرته دنيـاه يفرس بنابه = لابد ما يدور الزمن بالنوايب
ما ينفعه من عيّشه في سرابه = ولا من ينافق لاجل عال الرتايب
والفقر من داسه لعب في صوابه = لا تحقره عن فعل كل الغرايب
والوضع مثل جـدار يظهرخرابه = لامن نخشه السيل وقت الهبايب
ان ما يصلّح قبـل يبـدا عيابه = لابـد ما ياقع على اتفـه سبايب
ومهما يطول الليـل تنشا سحابه = من برقها تطلع رجال الشكايب
واللي نشوفه من رجال العتابه = اهل الشجاعه غاسلين الشوايب
لابـد ما يثمر بعزم وصلابه = حرب ٍعلى لصوص السرق والنهايب
يحرق بها بوش المكر والخيابه = "فتنـــام" أخرى مقبره للزلايب
الله اكـبر كـيدهم في تبـابه = والله اكبر فوق طاغي وخايب
يالله عليك بمن طغى والعصابه = نفرح بنصر منك جزل الوهايب

[الأموره]

يكفى مهانـه يـا رجـال الذرابـهالذيـخ ناويكـم بكثـر المصـايـب
ولو هو خدعكم بالحكي .. في جرابهحقده مبيّت مـن زمـان النجايـب

كم هو مؤلـم الواقع

و كم هو مرير ما نراه

صح لسانك ملايين المهاجر

سلمت و سلم فكرك

ألف شكـر لك

دمت برعاية الخالق

[عبدالله راشد الثويني]

الله المستعان
نرثي الواقع ومالنا غير هذه الوسيله
أستاذي أبو عبدالله
ماذا عساي أن اقول
سابقى متابعاً بصمت ، فا الصمت أمام نصوصك أبلغ من الكلام

[علي محمد العتيبي]

يالله عليك بمـن طغـى والعصابـه
نفرح بنصر منـك جـزل الوهايـب

ابو عبدالله
ياسلام عليك
قصيده وافيه
لله درك من رائع

صح لسانك مليوون


اعجابي واحترامي

[الخنساء]

ومهما يطول الليـل تنشـا سحابـه--من برقها تطلـع رجـال الشكايـب
واللي نشوفه مـن رجـال العتابـه---اهل الشجاعه غاسليـن الشوايـب
لابـد مـا يثمـر بعـزم وصلابـه---حرب ٍعلى لصوص السرق والنهايب
يحرق بها بـوش المكـر والخيابـه--"فتنـام" أخـرى مقبـره للزلايـب
الله اكبـر كيدهـم فــي تبـابـه---والله اكبـر فـوق طاغـي وخايـب
يالله عليك بمـن طغـى والعصابـه --نفرح بنصر منـك جـزل الوهايـب







صح لسانك مشرفنا
لاهان راسك قصيدة راائعة
سلمت وسلم شعرك
دمت بخير

[راجي الحاج]

سلم فكرك وسلم قلبك دكتورنا

من اجمل ما سمعت في تجسيد واقعنا المؤلم

والاسباب التي تؤدي الى هذا الهوان

وبتجسيد واقع الداء نجد الدواء

رائعه دكتورنا

[عبدالله المسعودي]

آلطآئر آلمهآجر ..؛
شآعر كآمل ولله آلكمآل وقصيدة جميلة و تنحط على آلجرح يبرى : ) ..؛
شكر1 لك ..؛

[مبروك بن ماضي]

أخي واستاذي النبيل الدكتور/ عثمان العبدالله
أسعد الله مساك وحيّا الشعر ويّاك
كعادتك شاعرنا العلم تستوطن متصفحاتك الروعة والبهى
مررت من هنا وأنا على يقين بمصافحة إبداعك
وتشرفت بقراءة هذة الباسقه وسمعتها وأستمتعت بها
وسوف أصفق لك بحراره كلما مررت من هنا
دمت للإبداع رمزاً ودام مدادك العذب وأحرفك المشرقه
سجل إعجابي القدييييم بشعرك وشخصك الكريم
وتفضل بقبول تحياتي وفييييض ودي واحترامي
أخوك / بن ماضي

صدقت يالمهاجر

صح لسانك والله لايضرك

ابيات جزله وقيمه لاهان راسك

تسلم على هالنص الشامخ

تحياتي

[ابومياس]

تدري ليش الذل يابو عبدالله صايب العرب

لاننا نخاف من بعض

حتى في البيت الواحد كل اخ يخاف من غدر اخيه

واصبح همنا وشغلنا الشاغل كيف نحافظ على مناصبنا

وننهب مانستطيع نهبه 0

صح لسانك وبيض الله وجهك

دمت بخير