يــــــــــــــاعزوتي

[احمد الجريفاني]

يحق لك تدعين حورية الحور=ويحق له تزهر ليا سرتي القاع
ويحق لك يطفى ليا جيتي النور=لو ما يطفًى كان من شرقتك ماع
جيدك فنار وقذلتك ظلمة ابحور=وخدك نهار وبسمتك ضيق مرباع
(بوكيه) ورد مغلفينك ببلور=جوري منقًى منظرك قمة ابداع
فزتي بتاج الزين تصويت جمهور=كل الخليقه صوتوا لك با الاجماع
غريبه انك بنتٍ لتسعة اشهور=وانتي فريدة شكل واوصاف وانواع
في لفتتك ريمٍ مذيًر ومذعور=يفز من ظلًه مجفًل ومرتاع
وفي نظرتك حرٍ شلع شقة النور=ما يتعبه طير الحبارى ليا فاع
ياعزوتي كل الحلى فيك منثور=الملح والقبله وزينات الاطباع
من مات باسبابك من الناس معذور=ومن راف به طرفك لاوآمرك ينصاع
ومن شاهدك ياقف على الدرب مسمور=ما يحترك مشدود للهم جرًاع
زايغ بصر من شاهده قال ما جور=على شبابه قبل ما يهتني ضاع
ما يبرم الكلمه مجمًد ومقهور=ما تسعفه نخوه ولا صوت فزاع
ياعزوتي وش بك علي جايره جور=روفي بحال اللي من الوجد ملتاع

[داعي الشوق]

الله الله يا بو فراس

ابداع ولا في الخيال يالشاعر كما هو انت دائما

و الله يعين قلبك و حالك و ما جور ،،

و صح لساانك ملايييين

ولاهنت

*************

[سناعيس]

صح لسانك وقلبك
رائعه من روائعك المعهوده
لاهنت يالغالي

تحياتي

[الطامي]

يحق لـك تدعيـن حوريـة الحـور
ويحق له تزهر ليـا سرتـي القـاع
ويحق لك يطفى ليـا جيتـي النـور
لو ما يطفًى كان من شرقتـك مـاع
/////////////////
الجريفاني
صح السانك ملايين
رائعة جدا
لاهنت اخي

[حي الضمير]

صح لساااااااااااانك
قصيده رائعه وابدعت
سلمت يمناك

[صعبة المنال]

ياعزوتي وش بك علي جايره جـور

روفي بحال اللي من الوجـد ملتـاع

صح لسانك وحرفك

دوم مميز

صعوووب

[عمر ال شيبي]

ياعزوتي وش بك علي جايره جـور

روفي بحال اللي من الوجـد ملتـاع

صح لسانك يا بعدي

مسائله طيبه وتبي لها جواب

كون القصيده قويه البنيان

اعتبرها صوت وصوره

صح لسانك شاعرنا

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[هاوي نجد]

ياولد ياولد ايش هذا
قمه قمه ياخوي فوق القمه
لافض فوك وصح السانك ملايين ولايكفون
سجل اعجابي ولك التحيه

[فارس القوافي]

هلا بك

صح لسانك يااحمد

لاهنت

ابدعت


دمت بخير