قصة سفر مشوِش القهوه

[الطامي]

نويت واقول لاتنسون صندوقي = اللي به ارتاح في دربي مسياني
ابغي لامني عطشت ابل معلوقي = واسفط من الخط لامن التعب جاني
طفت المراكز وقلت ابشتري سوقي = شيكت باقي نواقص عدتي فاني
لامعي صندوق والعمه ماهي فوقي = والهاتف اللي خزنته للسفر خاني
حوقلت من قلب واشتدت بي عروقي = غيضٍ غريب على من كان نسّاني
قلت العوض بالطريق اشوف مخلوقي = من هالرعاوين جنب الخط وحداني
اصبِحه مع طلوع الشمس بشروقي = ويفز يرحب قُدم خيمته يلقاني
مع دلة مهيله وبريق مفهوقي = وافراد تمرٍ حوَفها ذكر رحماني
من شرقي خريص ياللي تدل لطروقي = شفته يساري ترى عزبته عنواني
جيته وانا مشوشٍ ياجعله العوقي = ابغي من البٌن رشفه حيل شفقاني
لقيت برَاد به شاهييه محروقي = بارد وذوده عشاير مابها داني
حيلٍ تعومست واتحسرمن عموقي = السّفرة اللي بلا عده ماتهناني
كملت مشوار شفي والوقت دوقي = وانكفت باخذ قضى هذا من الداني
تاكلني اكفوف يدي لقبضة حلوقي = واقتص باللي تسبب بكل ماجاني
بعد وصولي عقلت وقلت من شوقي = عساااه يسلم من بالبيت قهواني
هاذي قضية سفر اكبر من الطوقي = للي يعرف المعاني هزل وسماني

[زهرة اللوتس]

صح لسانك ونبضك
لاهنت
يعطيك العافيه
تحية طيبه

[حرف وشعر]

الطامي
رائعه وجميله

اخي

[داعي الشوق]

صح لساااااااااااانك يا بو محمد

قصيدة جميلة في مغامرة رحلة شاعر نسى العزبة ،

ولاهنت و صح لساانك مدد

**********

[منيع]

ابيات رائعة
وحالة لاتلام عليها
تسلم ياالطامي
تحياتي

[عرق الماس]

حروف رائعة من شاعر أروع..
تسلم يدك يا الطامي..

[سناعيس]

صح لسانك يابو محمد
وبيض الله وجهك
والسفر بلا عده مايجي
لاهنت

تحياتي

[نجم الإبداع]

الله الله

صح لسانك يابو محمد

مايجي منك الا العلوم الطيبه

لاهنت

تقبل مروري

وتقديري

[الطامي]

زهره
صح بدنك
وشكرا لمرورك
لاهنتي

[الطامي]

م ال عمران

صح بدنك
وشكرا لمرورك
لاهنت