ليش اخترت لنفسك هالأسم في المنتدى ؟؟

[أم ريما]

بسم الله الرحمن الرحيم

هلا فيكم اعضاء منتدى الفطاحلة الأعزاء

هالموضوع فكرته ان الكل يقولنا سبب اختياره للأسم الي مسجل به في المنتدى

يعني مثلا ثار التميمه تقولنا السبب في تسميتها بهالأسم

وكل عضو يدخل ويقولنا

انا عن نفسي اختيار لأم فيصل بناء على رغبتي في تسميه ولدي الي ما بعد جاء بأسم فيصل بما اني حديثة الزواج

وبأنتظار باقي الأعضاء

أما أنا يا أم فيصل مدري وش أقولك ألا الأسماء لا تعلل

لكن أنا أذكر كنت مسجل في منتدى ثاني قبل هذا وحباً في أبو عبدالله لحقته وأنا بلحقه لو في مهاليك الخطر وسبحان الله جيت أسجل وفكرت قلت بسجل باسمي الأول وأركب عليه أسم وبالفعل ركبت لي اسم وسجلت علشان يعرف أبو عبدالله أني هذا ,,,

ولا أدري عاد أن كان فيه أسباب غير هذا كانت حاضرة تلك اللحظه فأنا نسيت ,,,

وأشكرك على موضوعك

أما أنا فواضح ، سميت بهالاسم لأن ابني الأول اسمه فيصل واخترت هذا الاسم لجميع المنتديات التي أشارك فيها ..

أدعو الله يا أم فيصل أن يرزقك بفيصل حسن الخَلْقِ والخلُق إن شاء الله .

[الطائر المهاجر]

اما انا فلأن لي ولد كثير الأسفار ، وأصبح مشهورا برحلاته ، ففكرت اسمي ابو اسبرنزا ، لكن لقيته ماهو مناسب ، لذلك اخترت الطائر المهاجر . هذا في رواية ، وفي رواية اخرى تتضح الصورة ..

[الــذاهبه]

اما انا اسمي عند البدو له معنى الذاهبه تعني الشئ المفقود ؟
مره من المرات لقيت نفسي ضايعه مدري وين اذهب وهذا سبب اسمي المستعار
ويا ام فيصل الله يرزقك بفيصل وفصولي انشالله

[الريم]

اما انا فا سميت نفسي هالاسم لان معناه قريب من اسمي االحقيقي
ولا كنت ابي احط اسمي صدق بس ابوي عيا

واللهم آمييين ويجعله ولد صالح ويطلع حبوب على امه

[أم ريما]

مشكورين على المشاركه والتفاعل

ومشكوره يا الريم على الأطراء يا عسل


تحياتي للجميع

واتمنى تفاعل باقي الأعضاء

السلام عليكم

لاحظة ان كل الردود من نواب المشرف العام و المشرف العام بكبرة

فعذرو عضويتي المتواضعة

بس انا لقبي نصفة يرجع لي كـ اسم ام انصف اثاني فأمي تقول عني خيالية اكثر من الازم

و الله يحقق لك مناك يا ام فيصل

وشكراً

[الطائر المهاجر]

احلام الخيال
المنتدى للجميع ومن حق الجميع أن يصبحوا مسؤولين فمن يثبت جدارته يصبح مشرف او مساعد المشرف العام نائب المشرف العام او مشرف العام ، فأثبتي وجودك ، تلحقين بالركب

[ثار التميميه]

ياهلا بام فصولي

الله يجيب لتس فصولي ان شاء الله ويقر عينك فيه

سبب اسمي ثار سببين

الاول لانه كان اسم الوالده الله يطول في عمرها

والسبب الثاني لاني احب الاسماء اللي فيها عدوانيه وشراسه شوي مدري ليه

مع اني حليله

والتميميه نسبه لقبيلتي الا وهي قبيلة تميم