والي كتبته ياسعود العتيبي مافتريته

[نجم الإبداع]

اشوف في خط العتيبي سعود الجود موجود=والي كتبته يا سعود اعرفه لو ماقريته
في غيبتك كفى ووفى لنا صاحبكم العود = وانته عيونك تبصر الوضع وانا مافتريته

[داعي الشوق]

المشاركة الأصلية كتبت بواسطة نجم الإبداع

اشوف في خط العتيبي سعود الجود موجود=والي كتبه يا سعود اعرفه لو ماقريته
في غيبتك كفى ووفى لنا صاحبكم العود = وانته عيونك تبصر الوضع وانا مافتريته

مرحبا يا بو محمد

و صح لساانك

واستلم لاهنت

**********************

يا مرحبا بالشاعر اللي على الابداع مشهود = فلاح ابن منشار يطربك لا منّك طريته
والعود له تقدير لو الخطا ماهوب مقصود =و الظن ما يغني وبعضه اثم لو ما هقيته

[نجم الإبداع]

ابك البقاء ياصاحبي عد مايثمر به العود=يالي بشوفك ينشرح خاطري والجزل ريته
راعي الرمايه لو تركد وسوى كل عبرود=ماكانه اخطى اهداف واختل من رميه زريته

[داعي الشوق]

أنته زعلت و شلت في خاطرك يا فلان منقود = و انا ادري ان الأمر ما يحتمل شيٍ نسيته
لا يخدعك مخدوع و اللي على النيات مقرود = و تصير عند الناس لك سالفه مما جنيته

[الطائر المهاجر]

عــاشـــوا الرجــــال انتبه له ياسعود اكرب الحزام

[نجم الإبداع]

مالي على العربان سلطان والا سيف مجرود=عابر سبيل ومن يقف في طوى دربي كويته
شوري براسي ماتبْع اشوار من حامد ومحمود=على النقاء والليل ياصاحبي معكم سريته

[نجم الإبداع]

اهلا يادكتووووووووور صح بدنك

وحضورك نوماس

لاعدمناك

[محمد بن عمار]

صححححححت السنتكم جميييع

[نجم الإبداع]

صح بدنك يابن عمار

حضور مشرف

لاعدمناك

[عبير الورد]

صحت السنتكم جميعا
لاهنتو شعرائنا المبدعين
الله يعطيكم العافية