معانات ( يـــــــــــــتــــيم )

[عبدالمحسن الرحمه]

أنا اليتيم اللي من الهم تعبان=أرجي ولي الكون رب البرية
أرجيه يرحم حالتي دوم حيران=حيران من جور الليالي الشقية
أبوي ميت صرت من دون عنوان=عنواني آه ٍ بالضماير خفية
دمعي على خدي مثل وبل الأمزان=حيران بالدنيا وحالي رديه
تبحربي أحلامي على شط الأحزان=أرسي على مرساه مالي هوية
توي صغير وشفت ضيم ٍ وحقران=من دنيتي ذقت القسى والأذية
ياليت قبرك فيه باب ٍ علا شان=أزوركم يا بوي صبح وعشية
ولدك بهالدنيا بلا مال طفران=عايش على جود النفوس الزكية
العيد قرب ولحشا فيه نيران=ما غير أعايد دمع عيني طرية
هذا شرا ثوبه مع أمه وفرحان=وأغراض عيده من عطور وهدية
يرقب طلوع الشمس بالحيل شفقان=يلبس جديد الثوب نفسه هنية
يعايد أمه والجماعة ولخوان=بسمة شفاته صدق ياهي بهية
يسعد مع أمه يحتضنها بلا حضان=ينسى هموم الوقت لو هي قوية
وهذا أبوه اللي يراعيه بحسان=يعطيه في كفه هدايا وعدية
وأنا لحالي ثوبي اليوم وسخان=فقدت أبوي اللي يخفف عليّة
فقدت أنا عطفه به الحب مزدان=وفي مرقدي يحكي حكايا ثرية
عيني تزف الدمع والفكر مشتان=حيران مالي غير رفع الشكيه
أرسم خيالك يا يبه بحلى ألألوان=في وسط جوفي ما يفارق عنيه
صوتي مثل ذيب ٍعلى رأس ثهلان=يقنب تقل مقروص من رأس حيه
ركبت مع حلمي على صهوة حصان=ودي أداعب قبر بويه بيديه
يما قضيت الليل خايف وجوعان=فقدت أنا حلو المأكل شهيه
في غرفتي جالس وأنا حيل بردان=أبحر مع أفكاري ولا فيه نيّه
عايش وحيد ٍ لاجماعة وخلان=مالي سوا ربي ولي البرية
الواحد اللي عالم بكل ما كان=راجيه ييسر لي حياة ٍ مدية
وأعيش بالدنيا بلا هم وحزان=وافرح مثل غيري ونفسي رضية
يا الله يا رحمن ياخالق الجان=يا عالم ٍسر النفوس الخفية
ترحم حياة أللي غريب بالأوطان=تلعب به همومه بروحه وجيه

[داعي الشوق]

صوتي مثل ذيـب ٍعلـى رأس ثهـلان = يقنب تقل مقـروص مـن ناب حيـه
،،،،،،،،،،،

صح لسانك مليون يا عبدالمحسن

و الله يرحم الميتين من المسلمين اجمعين

و لاهنت ،،

قصيدة مشاعر شاعر جزل

و صح لسانك

[الطائر المهاجر]

سلمت وصح لسانك
ولاهنت
جزلة وطيبة
تحياتي

[منيع]

رائعة ومؤثرة ومعبرة
تسلم اخي الكريم العمر
تحياتي لكم

[عمر ال شيبي]

دام عزك

وصح لسانك ابكيتني
يالغلا وهلابك دوم

[كظيم]

عبدالمحسن العمر
الله يرحمنا برحمتـه ويغنينـــا ويغفر لنـا
ويرحم اموات المسلمين ويسكهنم فسيح جناتـه
قصيده معبـّره وجزلـــه
ابدعت فيهــا حد الثمــالــه
صح لســـانك وجـاد بنــانك
تقبلني وتقبل مروري المتواضع لاهنت
ودي وتقديري

[عبدالله الشويمان]

صح السانك يا عبدالمحسن
نص شعري مؤثر..
الله يرحم حال الايتام
دمت ولا هنت

[العاشق المحب]

صح لسانك واعتلا شانك

رايعه بروعة حضورك

تقبل احترامي وتقديري

[عبدالعزيز العمار]

في غرفتي جالس وأنا حيـل بـردان
...........أبـحـر مــع أفـكـاري ولا فـيـه نـيّـه
عايـش وحيـد ٍ لاجماعـة وخــلان
........مـالـي ســوا ربـــي ولـــي الـبـريـة

صح الله لسانك ويسلم راسك

وماخاب من ترجى رب البريه

أحسنت ولاهنت على هالجزله والرائعه

تحياتي لك مع التقدير

[البرغش]

صح لسانك واعتلا شانك
ولاهنت
تقبل مروري وتحياتي