..,,..دم الغزال ..,,..

[بنت القصيد]

صوت الرائع / محمد الخشيبان

الليل مقبل وذيبه بالحــنايا يعـــــوي = ليل الشتا جوع حد الذيب ويش السواة
أقبل عليه وطواه الجوع الاقشر طوي= يقنب تردد صداء صوته جبال السرات
لاقلت ياذيب هود قال خلك خوي= دام انت في مبدأ اهل الطيب درب النجاة
الوضع يالقاسميه شفت ماهو سوي=لاجاعت سبعاها واستسبعت كل شاة
دام الثعل يفتل الاشناب ولا يستوي =عنده طويل الذراع ولاسمع بالوصاة
كيف اتعود على هذا الخطا وانطوي= والعين بعض الليالي ماتطيق المبات
اسهر مع الليل والنجمات مثل ابدوي = طري عليه الزمان اللي مضاله وفات
اليا تذكر صباه و مافقد من ذوي =يون ويغض طرفه خايف من الشمات
هذاك انا مثل حاله بغربتي منزوي=مالي خوي كود قافي دفتري والدواة
الدفتر اللي معي يابنت كان يحوي= موضوع غربه وغربة ذات وش هالحياة
الي يامتي الهم بالخفاق يدوي دوي= واليا متي عبرتي لاقرب الليل جات
العبره اللي تمر الخد مثل الكوي=عبرة قهر تذبح قلوب الرجال الدهاة
واليوم يالقاسميه مابقالي خوي=غير القلم والهموم ودفتري والدواة

ردي على الرائع استاذي / محمد الخشيبان ..
واتمنى ان اكون وفقت فالرد وجاريت قامه مميزه مجاراه ترضي ذائقتكم

ياللي تنصّاك ذيب الليل وانت حْموي=شيٍ طبيعي تفز مْن الحميا سوات
الفارس اللي نهار الكون ما ينغوي=لاسل سيفه وهاش أجتث روس العدات
لين ان حده من الدم الحمر يرتوي=ومن الحمول الثقال يريّح المسرجات
ويصير للهاربات بْلا حمول أعدوي=لنّ الرياجيل حملن يتعب العاديات
مادام ليلك وليل الذيب صار سْروي=على الخوي للخوي يالقاسمي واجبات
أليا اعتلابك على المرقاب به لــ تْهوي=ولا ورّدك نهر دجله ورّده للفرات
مادام خاواك حاول كل ماينتوي=يطلع على النايفه تطلع على النايفات
تال الزمن لايغرك لو غدى فوضوي=الضيق بعده فرج والخير فالمقبلات
وللمسك لاشك مع دم الغزال جْروي=يجري معَ الدم وسط عْروقه الجاريات
ولْيا طبخت الظبي والا شويته شوي=في راسه اللي بدون عراش لا جاد فات
معنى كلامي هذا ! لاجا لضوّك ضوي=لا تطبخ المسك لين اتعبي الفاضيات
وأنته منَ العرف ماتحتاج زود غْنوي=لــ تْحطّني بين نار وغار علمٍ ثبات
من دون مانشدك عن معناك وش يحتوي=أقارب البينه وأسدّد الخافيات
ماهو ذكا مع ذكي تِذاكي الفهلوي=يبقى ثلاث أن خسر وجهه من أربع جهات
يامحمد القاسمي يمناك لاتلتوي=للهم وانحت شعورك فوق حيد الصفات
الله وهبك الشعر يالشاعر المهتوي=فضفض ليا ضاق صدرك وحْبك المفردات
مادام باسك ليا غنّيت قافك قوي=تسعه وتسعين بالميه من الهم مات
للشعر يالقاسمي تأثيره المعنوي=غيرك من الهم مات وفوق قلبه عبات

[الطائر المهاجر]

صح لسانك ولسانه
صوت وصدى لشاعر وشاعره متمكنين
لاهنتي
تحياتي

[صعبة المنال]

صح لسانك ولساااانه

رائعة

صعووووووووووب

[ترانيم المطر]

صح لسانك ولسانه
صوت وصدى لشاعر وشاعره متمكنين
لاهنتي
تحياتي

[مبروك بن ماضي]

أختي المبدعه :
الشاعرة / بنت القصيد
صوت وصدى رائعين
استمتعت بقراءتهما
وما احتويا عليه من إبداع
تقبلي تحياتي وتقديري ،

[نجم الإبداع]

صح لسانك يابنت القصيد ولسان محمد القاسمي

صوت وصدى رائعين

شكرا لاتحافنا

لاهنتي

تقبلي مروري

وتقديري

[عذب القوافي]

بنت القصيد صح لسانك

نص وافي من وافية

لله درك يالغالية

تقديري ,,,,,

[العاشق المحب]

صح لسانك يالشاعر الجزل
وننتظر جديدك

[الـزلـزال]

بنت القصيد




صدى رائع وجميل لصوت جميل ورائع



أبدعتي أختنا الغاليه في صداك



صح لسانك ملايين ملايين



ولك فائق تحياتي

[داعي الشوق]

صح لسانك يالشاعرة بنت القصيد

و صح لسان الشاعر القاسمي

صوت وصدى رائعين

و مجاراة رائعة

و ما فيكم حيله

تحيتي وتقديري لك و للشاعر

،،،،،،،،،،،،،،،