ارحب.....

[الطائر المهاجر]

العمر ما ينعد بأيام واعوام = فكم من شباب شاب من قبل اوانه
وكم شايبٍ لا من مشى ليث ضرغام = ما اهتز ركنه من عواصف زمانه

[الطامي]

ابو عبد الله
لي رجعه فيما بعد
؟؟؟؟؟؟؟؟؟؟؟؟؟؟؟؟؟؟؟
واخوان شما فيهم البركه
من حضر كفى عن الأخرين
عليكم به اجدعوه ؟؟؟؟؟؟؟؟؟؟؟؟؟؟؟؟؟؟

[عبدالله راشد الثويني]

جديد على المحاورات اسمحولي با المشاركه

هي هكذا الدنيا ولا فيه من دام= ولا بدٌه بيوم ترد الامانه
ومن قاوم الدنيا ولو كان قوٌام= مصيره بيوم يتغير كيانه

[الطائر المهاجر]

اثاريك شاعر محاورةالله يعينا علينك
بس انتبه ترى هنا مرة نطمر بك جرف ومرة دحديرا
ولا مكان للزعل ...

ادري وعدنا يالسمح دوم قدام = لكن شباب اليوم ماهو تكانه
اكله غلط ما يعرف اللحم ويدام = من المطاعم وجبته بالضمانه

[عبدالله راشد الثويني]

الله يجزاك خير استاذي واتمنى بحال وجود غلط تنبيهي

<-=- عارفن روحه

لا تتهم والرب با الغيب علام = ولا ( تعم ) ترها بحقي إهانه
ياكم شاب يسهر الليل مانام= يطلب من المعبود لطف وإعانه

[صوت الإحساس]

الشيب خبره والصبا عزم واقدام = ومحد(ن) من المكتوب عنده حصانه
والعاقل اللي من ورى عثرته قام = لا طاح مرّه ما يراوح مكانه

مع حفظ المقامات لك خالص الود ولهيبة حضورك كامل التقدير

محاولة للتفاعل دام عزك

[الطائر المهاجر]

هاذاك اول يوم كلٍ له أحلام= يقوم من فجره بعقل ورزانه
من دون مايفلح ويرعى للاغنام = يطيح كرته بين ربع وخوانه

وهذي لعلي بن مساعد

إقدام يوم ان العرب دون إعلام= تمشي بدرب الحق ترفع سنانه
وهالحين رقص وعزف ومشاهد أفلام= وترقيم في الاسواق سلوى وجمانه

[عبدالله راشد الثويني]

المشاركة الأصلية كتبت بواسطة الطائر المهاجر

هاذاك اول يوم كلٍ له أحلام= يقوم من فجره بعقل ورزانه
من دون مايفلح ويرعى للاغنام = يطيح كرته بين ربع وخوانه

[/poem]

اول يوم ان الناس تنعد با الانام = كلن يبين للموالي حنانه
واليوم ماتحصي المخاليق بارقام= بان الردى ياصاح وهذا آوانه

[منيع]

حضور غير متواصل هههه

ياشيبة الرحمن ماهي بالاعوام=كم شيبة جاهل ولاابه امانه
العقل مقياس الرجوله والاقدام=وباالعلم وحده لك كيان ومكانه

[صوت الإحساس]

يستاهل اللي عيشته كلّها احلام = نايم وفي نومه يسرّج حصانه
ماهو كما اللي دوم عينه لقدام = والحر حر وتعرفه من لسانه

عندي شغل أستسمحك

بيض الله وجهك


ولنا لقاء