وعليك خشم بوسطه الثور يندس//قصيدة ظريفة

يازين حبك عافس ٍ حالتي عفس
................. صبحي مساء ..والليل أصبح قوايل
لا جيت ابرقد قام فكري يهوجس
................... واتخيل اسمك صار بدفتر عــوايل
ازريت اقاوم حبك اللي تفقس
.................... وقـــام يتكاثر من جـميع الوسايل
تلخبط التاريخ عندي وتلحوس
................... مدري انا صاحي أو من العقل زايل
حبك لحس مخي ومن اللحس فلس
................. و ماباقي إلا العظم وبعض السوايل
هبلت بي ياجعل وجهك يخـَفـَس
.................... صرت البس الغتره على عقال مايل
وافطر مرق واخلط مع الشاهي الببس
...................... ومعـــاد اميز بين نيدو وســـايل
يابو مبيسم فيه من شنطة الجمس
...................... بعدك ترى عني يسوي الهوايل
ولك شفة ٍ تشبه كفر كابرس اس
..................... من كبرها قــالوا عليها المثايل
وعليك خشم بوسطه الثور يندس
...................... وشعراً عراده ماقوته الجـــدايل
والا العيون اللي لها ماركة بـِـس
...................... فيها الهدب ذابل يسوي العمايل
لامن ذكرت الجسم والوجه الاملس
...................... تطري على عتاب بنت القبايل
ولون ٍ فريد ٍ اسودٍ غامق ادمس
...................... من طيب لونه صار رمز الأصايل
هذا الذي حبه دبس خافقي دبس
...................... غيره أبد ما اقبل جميع البدايل
طالبك ياحظي تقوم مرة ٍ بس
....................... كمل لي المشوار وخلنا حلايل..

--------------------------------------------------------------------------------

منقووووووووووول

[الريم]

لوووووول

حلوووه مرره

يسلموو ذيب وصح لساان شاعرها

هههههههههههههههههه
حلوه
احس اللي كاتبها عربجي لعب في حسبته الحب
ههههههههههههههه

صدقني ان فيك شيء اليوم ياأنك سامع خبر مفرحك لها الدرجه ماشاء الله والله يدوم الفرحه عليك وعلى الجميع
أو انك طايح لك في منتدى غير الفطاحله ترى أنا قريت مره في منتدى من المنتديات ذيب هو انت>>>وحده حشريه خخخخ
على العموم القصيده حلوه وتضحك نسختها عندي

لوووووول

حلوووه مرره

يسلموو ذيب وصح لساان شاعرها

أهلين أستاذة ريمووو

الحلو مرورك

يسلمك ربي

هههههههههههههههههه
حلوه
احس اللي كاتبها عربجي لعب في حسبته الحب
ههههههههههههههه

خخخخخخخخخخخ

شكله كذا بس ماظنتي العرابجة يأثر فيهم هالخرابيط ولا تهمهم

شكراً على مرورك

صدقني ان فيك شيء اليوم ياأنك سامع خبر مفرحك لها الدرجه ماشاء الله والله يدوم الفرحه عليك وعلى الجميع

يالله لك الحمد

أو انك طايح لك في منتدى غير الفطاحله ترى أنا قريت مره في منتدى من المنتديات ذيب هو انت>>>وحده حشريه خخخخ

كل شيء جايز بس مافيه شيء يجذبني مثل الفطاحل الي طلع مافي داخلي

على العموم القصيده حلوه وتضحك نسختها عندي

الحلو مرورك يا أختي

[أم ريما]

حبك لحس مخي ومن اللحس فلس
................. و ماباقي إلا العظم وبعض السوايل
هبلت بي ياجعل وجهك يخـَفـَس
.................... صرت البس الغتره على عقال مايل


هههههههههههههههههه حلووووووووووه

صح لسان الشاعر ويعطيك العافيه يا اخوي ذيب


تحياتي لك

[الغريب]

هههههههههههههههههههههههههههههه هههه

ولك شفة ٍ تشبه كفر كابرس اس
..................... من كبرها قــالوا عليها المثايل
وعليك خشم بوسطه الثور يندس
...................... وشعراً عراده ماقوته الجـــدايل

في ذمتى انه شاعر منسم وبس

ياذيب لايوشي فيك ويقول قايل

تسلم على ها النقل المقلع

[الخنساء]

تسلم شاعرنا خفيف الظل ذيب علي النقل المفيد قصيدة
تحمل المرح والتشبيه سلمت وسلم نقلك
تحياتي وتقديري