مع الناس كم صيحت بسمه وكم هذريت

[احمد الكثيري]

المشاركة الأصلية كتبت بواسطة علي القحطاني

نهار الخميس اعصير راس الجبل عديت=وكثر اللذي هيضني الورق بنياحه
حياه التعاسه عشتها ياعرب وابطيت=ولا صدت انا في دنيتي ساعه الراحه
على سب من حبه بقلبي بنا له بيت=احبه ومنهو حب نود الهوى لاحه
احبه وبين البِيض غيره ولا حبيت=وهو الوحيد اللي بقلبي مسك ساحه
ذبحني الهوى والحب ويلاه. .. انا وازريت=افارق طريق الحب وافارق اجراحه

وكان ردي المتواضع على هذا

النص الجميل والرائع من الشاعر

علي القحطاني

هلا ياعلي عد الذي بالورق خطيت=وعدد ماكتب يا طيب الفال بالواحه
هلابك عدد منهو نوى جيته للبيت=هلابك عدد ماشفت نوره ومضواحه
شكيت الهوى من قبلكم بس ما مليت=وقلبي تعنى والمخاليق مرتاحه
على اللي نظرته ياعلي بعد ما مريت=بسوق الحجاز وريحة الطيب فواحه
توقفت متحير وياليتني ماجيت=ولاشفت ريم(ن) صوب القلب برماحه
تبسم ومد الكف وانا ايضا لهم مديت=وقلت الرجاء محبوبكم تطلق سراحه
وقلت انت نارك في صميم الحشاء شبيت=ولا ترحم القلب الذي زاد بجراحه
وقال انت ضيفي مرحبا عدما صليت=تفضل وعندي خذ باله وتفاحه
وجاوبته ابشر يوم انا جيت وتعنيت=صلاة العصر بالسوق والناس رواحه
زهمته وقلت بخافقي قول وش سويت= بنظرة عيونه خافقي ياملا طاحه
جلسنا حوالي ربع ساعه بوسط البيت=وعشنا الهنا والحب والانس والراحه
تهولت من زينه ولولا الحيا ناديت=من اللي مثيلي بالهوى كثر صياحه
من اللي نظرته كاملاً بالحلا سميت=عيون(ن) بها موتي ورمشين ذباحه
في الزين مثله يابن قحطان مالاقيت=يحق اننا نعطيه كاسه مع وشاحه
ذبحني بنور(ن) ساطع(ن) مشبه(ن) لليت=عطيته فؤادي قلت له هاك مفتاحه
من الحب ياخي عدة سنين كم عانيت=ودمعة عيوني فوق الاوجان فضاحه
مع الناس كم صيحت بسمه وكم هذريت=هني القلوب اللي من الحب مرتاحه
معاه اجمل اللحظات ياصاحبي قضيت=وطفيت لاهوب(ن) تطاردني شباحه
وقفى وانا ظليت بعده مثيل الميت=وظلت كفوفه كامل الزين لواحه

[نجم الإبداع]

الله الله

صح لسانك يا احمد

مجاراه رائعه لشاعر علم

لاهنت

تقبل مروري

وتقديري

[الطائر المهاجر]

سلمت
وصح لسانك
صدى طيب لصوت طيب
تحياتي

[الطامي]

الكثيري
صح السانك ملايين والسان القحطاني
صوت وصدى رائيعين
والله يعينك يالكثيري سويت مثل الطامي
اشوف اسمه يلوح بالأفق
شكرا لك

[أم ريما]

صح لسانك

قصيده جميله

يعطيك العافيه

تحياتي لك

[عبير الورد]

صح لسااااانك ملايين
سلمت وسلم منطوقك الجزل
ربي يعطيك العافية

[عبدالعزيز العمار]

صوت وصدى رائعين

صح لسانك علي القحطاني
صح لسانك احمد الكثيري

ابدعتوا وماقصرتو

تحياتي وتقديري

[داعي الشوق]

صح لساااااااااانك يالشاعر احمد الكثيري

و صح لساااان الشاعر القحطاني

بس ما ندري هو الشاعر علي القحطاني المعروف بـ ( شاعر الجزيرة )

و المجاراة جزلة بالحيل

و لاهنت أخي احمد

و الف شكر لك على اطلاعنا لها

تحيتي لك و تقديري

**************

[الخنساء]

صح لسانك مليوووووووووون

قصيدة جزلة من شاعر متمكن

سلمت ودام حرفك

[حوريه]

راااائع من شاعرين كبيرين
لله دركما
دمتم ودام حرفكما