سرى برق القصيد الجزل يبرق لـي وأنـاغنيـت

[الطامي]

هجوس الشعر كم لي ماكتبت مـن القصايـد بيـت=كسل مدري ملـل مـدري ظـروفٍ غيـر عاديـه
لكن صوتٍ سمعته من عـروق القلـب لـه لبيـت=هـلا حـي القصيـد وحـي راعـيـه وطـاريـه
سرى برق القصيد الجزل يبرق لـي وأنـا غنيـت=على نهج الحـروف اللـي مـن الإبـداع ممليـه
من الفرقـا ماحانيـي حطـب ومزونـه الكبريـت=وجودي .. كل ما الإحساس من صدره نزف غيـه
تعرضت الدروب المظلمـه .. ياعزمـي وونيـت=ونيـن اللـي فقـد خيـرة ربوعـه ساعـة الهيـه
تحطم .. يوم شافه يعتزي ويقول .. غـدر أرميـت=وفارق .. بيـن يدينـه .. وهـو يلحـق عزاويـه
وأنا .. وجدي مثل وجده .. على منهو معه سجيـت=وذكرنـي زمـانٍ كـل يـوم اقــول .. ياحـيـه
تذكرتـه وزارتـنـي هـمـومٍ زادت التنهـيـت=وأنا حزنـي معذبنـي ولا أدري ويـش تاليـه ؟!!
وإذا حسيت جرحـه فـي زوايـا خافقـي صديـت=لأجـل ماتكشـف عيونـي علـومٍ فيـه مخفـيـه
تعب عقب الشقى صبري وأنا من ضيقتـي مليـت=وجـار العلـم قبـل الحلـم يفتـح لـي محانيـه!!
احسب إني سليت مـن الهـوى والحـزن يابلفيـت=لكـن صحّـى جـروحٍ قـد لهـا عاميـن منسيـه
وأنا قد قلـت بإنـي مـن عـذابٍ مرنـي خفيـت=قبـل تهـدم بيـوتٍ للفـرح مـن وقـت مبنـيـه
متى تشفى جروحي من عـذاب البعـد والتشتيـت=وأشوف إن الفـرح عقـب البطـا بانـت مواريـه
تجاهلت الأجابه .. واضحك بـ. سني.. وقلبي ميت!=وأعرف إن الأجابه .. فـ. الوصل وأيامـي معيّـه

للشاعر الزميل / سعيد العوامي المري

[حوريه]

اختيار راااائع

تسلم يمينك الطامي

لاخلا ولاعدم

[منيع]

اكثر من رائعة
تسلم ياالطامي
تحياتي لكم

[كظيم]

صح لسان سعيد المري
وسلمت يمينك على النقل الرائـع
قصيده كايفـه
ودي وتقديري

[حي الضمير]

رائع
شكرا لناقله وصح لسان كاتبه

[عبدالعزيز العمار]

صح لسان الشاعر سعيد المري
وسلمت ولاهنت يالطامي على نقلها وإتحافنا بها
تحياتي وتقديري

[الطامي]

حوريه
شكرا لمروركي
ولاهنتي

[الطامي]

منيع
شكرا لمرورك
ولاهنت

[الطامي]

الوقيدي
شكرا لمرورك
ولاهنت

[الطامي]

حي الضمير
شكرا لمرورك
ولاهنت